Mulwol ko Bin Somm’on e Presidency, February 2011

Fini Fel’ nra Yaen e Falflan’ Rom

Rok President Henry B. Eyring

Bin Somm’on e Counselor u lane Bin Somm’on e Presidency

Buchuw e ban’en ko re yafos ney nma pii’ e falflan nib gel ko muruwel ni ngan ayuweg e cha’ ni ngan thapeg fare gospel rok Yesus Kristus nga lan e gumircha’en. Ren’ey e reb e tawath nrayog ngak urgnin e chongin ko fare Galasia. Napan kad tawfe gad, kad fal’eg ned e micheg ni gadad ra “pired ni [gadad] e pi mich rok’ Got ni gubin e ngiyal’ nge fithik’ gubin ban’en, nge gubin yang ni [gadad] bay riy, nge yaeni mada’ ko ngiyal’ ni [kad] m’aed, ni nge yog ni bayuliy [dad] Got, mi [gadad] un nga fithik’ e matha’eg ngak’ e pi’in ni yaed bay ko bin somm’on e foskoyam’, ni nge yog [ngodad] e yafos ni gubinfen” (Mosiah 18:9).

Gubin e pi chongin ko fare Galasia ma fek nga dakaen raed re mulwol ni ngan pii’ e gospel ku Yesus Kristus ngak e fayleng, ni dem turug e tafen fa numngin ni yad be paer riy. Ke yoeg Somoel ngay nib tamilang: “Musap gad, kug l’oegmed i yaen ni ngam machib nag min fonow e gidii’, ma ba ga’fan ko gubin e pum’on ni ngan fonow e bugliy yoror rok” (D&C 88:81). Pi missionary ka bay e gelingin nge matawan ni ngan machib ngak e gidii’ ni dawor ni tawfe gad. Pi chongin e Galasia bay e gelingin nge matawan ngorad ni ngar pirieg e gidii’ ni kan fal’eg Somoel rograd ni ngar motoyil ko fapi missionary.

B’tuf ni ngad ngongoly e michaen’ dad ni Somoel ke fal’eg rogon e gidii’ ni ngar motoyil gad. Ir ma nang rad, ma ir ma nang fini kar fal’eg rograd, mrayog ni nge powiy’dad u dakaen re gelingin ko Kan Thothup min pii’ ngodad e pi thin ni ngad pinning rad ngar motoyil gad. Re micheg ni ke pii’ Somoel ngak e missionary u 1832 e t’ab rogon e micheg nma pii’ ngodad di’ir nggu pirieg ned e gidii’ ni kar fal’eg rograd nggar motoyil ko pi missionary: “Gu l’oeg nga dakaen re Kan Thothup, nra fil ngak e tin nib rriyul’ nge buw’uw ni nge yaen ngay; ma fanre’ nge michaen, bay gu pii’ ngak e fla’ab” (D&C 79:2–3).

Ma fare micheg ko falflan’ ko re missionary nib yul’yul’ e micheg ko pi chongin e galasia nib yul’yul’ nma pii’ e gumircha’dad u muruwliy e mission:

“Ere chiney, fa’anre ba ga’ e fal’flan’ rom fa’anre mu fek i yaen ta’reb e ya’el ngog ko re gil’ilingun ko Chitimag, mrib ga’ e fal’flan’ rom fa’anre mu fek i yaen bo’or e ya’el ngog!

“Musap gad, ya bay e gospel rog u’pa owchem, ma malang rog, nge thapeg rog.

“Mu ning ko Chitimag u daken fithingag, u fithik e michaen’ ni ram athapeg, mra paer rom e Kan Thothup, nma micheg gubin e ban’en nib ga’fan ko pi gidii’ u fayleng” (D&C 18:16–18).

Ma gathi kemus Fare Kan Thothup, ke pinning Somoel yug boech e tapowiy ni ngan ayuwegdad ni ngad pirieged e gidii’ nib fel’ rograd nggar motoyil gad. U reb e babyor kan yoloey u February 28, 2002, fare Bin Som’on e Presidency kar pii’ matawngin ngak pi bisof, ward, nge branch.¹ Re ward nge branch council rayog ni ngan ayuweg e priesthood executive committee fal’eg e duwgliy ko machib ni fan ko re branch fa ward. Ko re duwgliy, bay boech e tafney ko uragon pi chongin e galasia rayog ni ngar piri’eg ed e gidii’ ni ngar motoyil gad ngak pi missionary. Bay e cha’ ni kan pinning ko re ward fa branch ni nge mang e mission leader. Re mission leader nge muruwliy nib chugur ko pi missionary nge pi investigator rorad.

Bay yo’or e rogon rayog ni ngam gel nag e murwel rom ni ngam pirieg e gidii’ ko pi missionary nggar filed ngorad. Bin moem e rogon e bin nib fel’.

Meybil min ning e ayuw ko Kan Thothup. Mu non ngak pi tapowiy nge missionary, mu ning e lowan’ rorad min micheg ngorad e ayuw rom. Mu pii’ e athamgil u laniyaen’ e gidii’ nma ayuwegem. Mu mang e mich riy ko gubin e ngiyal’ u fithik e pi thin rom nge ngongol rom ni Yesus e ir fare Kristus, ma Got e ma fulweg e pi meybil rodad.

Gube micheg ni fare Kan Thothup e ra powiy’iem ngak e pi cha’ ni be gay e tin rriyul fini mu meybil nge muruwliy ko re ayuw nem. Ma gumanang ni falflan’ rom e nge paer nib n’uw napan ko pi gidii’ nma athapeged fare gospel nga lan gum’ircha’rad min athamgil gad u fithik e mich.

© 2011 ko Intellectual Reserve, Inc. Gubin ni mat’won ma bay. Kan yoloey u Merika Kan micheg ko thin nu Ngalis: 6/10. Pilyeg kan fanay: 6/10. Nni pilyeg koFirst Presidency Message, February 2011. Yapese. 09762 905

Tin ni yibe Fil ko Biney e Mulwol

Teaching, No Greater Call ma chilen ngodad ni ngad ayuweg e gidii’ rodad ni ngar duwgliy gad min fol gad ko pi nin kar filed (see page 159). Mu un korebe tabinaw min lemnag ko boech e tawath nma yib ngodad u napan gadad be fil e gospel boed ni ke yoeg President Eyring. F’anre mu thamiy, mu ning korebe tabinaw ni ngan duwgliy rogon ni ngar weliyed fare gospel.
Mu un korebe tabinaw min duwgliy boech e rogon rayog ni ngan welieyed fare gospel. Mu tay u wun’med e tin ke yoeg President Eyring ni “bin moem e rogon e bin fel’.” Ram fil yug boech ko ren’ey u Teaching, No Greater Call, page 160.