Mulwol ni Ngan Thapeg ni Ngan Nang, February 2011

Sulweg ko Gubin e Ban’en

Mu fil e re n’ey, ma rogon nib mangil, mag weliy ko boech e walagey nib ppin ni gabe guy. Mu murwel ko pi duwer ni nge ayuweg nem ni nge gel nag e pi walagem nib ppin man fal’eg fare Ulung ko ppin ko Galasia e bang ko yafas rom nib mangil.

Mich • Tabinaw • Ayuw

Fare Profet ni Joseph Smith ke tay fare Ulung ko Ppin ko Galasia ni reb bang ko fare Galasia. Gamad ni presidency ba’adag nggu ayuwegmed ni ngam nanged fan mang fan gabe t’uf e Ulung ko Ppin ko Galasia lane yafos rom.

Gamad ma nang ni bay yo’or e ppin u fare Bin Bi’ech e M’ag ni kar daged e mich rorad ngak Yesus Kristus mar ayuweg ko muruwel rok. Luke 10:39 be weliy fan Mary, ni ke “paer u to’oben e ay ku Yesus min motoyil ko pi thin rok.” U yug John 11:27 Martha ke michaen’ ngak Kristus: “Me fulweg ni ga’ar, Somoel, arrogon! Ke mich u wun’ug ni gur fare Messiah ni Fak Got gur, ni fa’ani ir e nge yib nga fayleng”. Acts 9:36, 39 me weliy marnga’agen “bee’ nib ppin u Joppa ni Tabitha fithingan,… ma be ayuweg e pi’in gafgow. … Ma urngin fapi ppin nike yim’ figirngirad nra mu’ulunggad ngak… ma yad be dag ngak yu wu i kenggin e mad nge yu wu i wuru’ e mad ni ngongoliy.” Phebe, u Roma 16:1–2, e reb “pigpig ko galasia” nge “ba ga’ e ayuw nike pi’ ngak bo’or e gidii.”

Pi ngongol ney ko mich, nangaen’, nge pigpig ke athamgil u fare Galasia u tiney e rran ma kan yarmiy ko re Ulung ko Ppin ko Galasia. Julie B. Beck, fare general president ko fare Ulung ko Bpin ko Galasia, ea fil’ “Niwad ni pining fare Tathapeg Mary nge Martha ko fare bin Bi’ech ea M’ag ni ngar unew ko murwel Rok, bpin ko bineye ngiyal ea bay e murwel rok ni nge un’ ko murwel rok Samoel. … Fare Ulung ko Ppin ko Galasia u 1842 ke kunuy e gelingin ko pi ppin nge muruwel rorad nggar fal’eged man toy e gil’ilingun ko Somoel.”¹

Gadad be mugu’uliy e muruwel rodad fini ngad tay u wun’dad re fan ko re Ulung ko Ppin ko Galasia: ni ngan mon’og e mich nge thothup, gel nag e pi tabinaw rodad, min pirieg min ayuweg pi gidii’ nib t’uf.

Gu micheg ni re Ulung ko Ppin ko Galasia e kan yarmiy rok Got ni nge ayuweg e muruwel rok. Gugin e ppin ko re ulung ni bay e muruwel rok ni nge ngongoliy e muruwel ney nib ga’fan.

Silvia H. Allred, bin tomm’on e counselor u lane Relief Society general presidency.

Ko pi Babyor nib Thothup

Joel 2:28–29; Luke 10:38–42; Efesus 1:10

Kakrom Rodad

Ke fil Sister Julie B. Beck ni “gadad ma nang u dakaen re Profet ni Joseph Smith ni re Ulung ko Ppin ko Galasia e reb e yang ko re Sulweg ko fare Gospel.”² fare sulweg ko fare gospel ke tabab ko re Bin Som’on e Likay u 1820 me ul’ul’ ‘bayil’ nga dakaen bayil’” (D&C 98:12). Fini ke yarmiy fare Ulung ko Ppin ko Galasia u March 17, 1842, re Profet ke fil pi ppin marnga’agen e tafraed nib thothup ko fare Galasia. Ke yoeg, “De yaram nib macholbog fare Galasia mada’ ko ngiyal ni ke yarmiy pi ppin ulangin.”³

© 2011 ko Intellectual Reserve, Inc. Gubin ni mat’won ma bay. Kan yoloey u Merika Kan micheg ko thin nu Ngalis: 6/10. Pilyeg kan fanay: 6/10. Pilyeg ko Visiting Teaching Message, February 2011. Yapese. 09762 905

Mange Rayog Nggu Rin?

Mange nggu rin’ nggu ayuweg pi walageg nib ppin biney e pul ni ngar mang e ppin nib yul’yul’ nib gachalpen Yesus Kristus?
Mange tin ko re gospel nggu fil rogon nggu gel nag e mich rog biney e pul?