Te Rongorongo ni Kaakawari n Reirei, Maati 2011

Iaan te Nakoanibonga ao are e kaineti ma Waakin te Nakoanibonga

Kamatebwaia te karaki aio ao, n ae e angaraoi, maroroakinna ma taian tiitita ake ko kawariia. Kabonganai titiraki ni buokiko ni kakorakoraia am tiitita ao ni karaoa te Bootaki n Aine bwa iteran maium ae kakammwakuri.

Onimaki • Utu • Buokaki

Tariu aika tangiraki,ai kakabwaiakira ngaira kanga! Tiaki ti ngaira kaain te Ekaretia, ma ngaira naba kaain te Bootaki n Aine—“ana bootaki te Uea ibukia aine.”¹ Te Bootaki n Aine bon te kakoaua ibukin ana tangira te Atua ibukiia natina aine.

E kukurei nanom ngkai ko kaoka uringakin moan waakinan te bootaki ae kakukurei aei? Ni Maati 17, 1842, te burabeti Iotebwa Timiti e barongaiia aine “iaan te nakoanibonga are e kaineti ma waakin te nakoanibonga.”²

Ni barongaaki “iaan te nakoanibonga” e anganiia aine te kariaiakaki ao te kairiri. Eliza R. Snow, te kauoman ni beretitenti n te Bootaki n Aine ni kabuta, e reirei bwa te Bootaki n Aine “e aki kona ni maiu n akea te Nakoanibonga, man te koaua are e karekeaki ibukin kariaiakana ao mwiina man bwaai n reirei.”³ Unimwaane Dallin H. Oaks man te Kooram n te Tengaun ma Uoman n Abotoro e kabwarabwara, “Te kariaiakaki are e na kamwakuraki irouia aobitia ao taan reirei n te Bootaki n Aine … bon te kariaiakaki are e na baro nako aoia rinanon aia bootaki are e irekereke ma ana Ekaretia Iesu Kristo ibukiia aika Itiaki ni Boong Aika Kaitira ao rinanon anganakiia te nakoa iaan baia taan kairiri n te nakoanibonga irouia ake a tia ni weteaki.”⁴

Ni barongaaki “ni kaineti ma waakin te nakoanibonga” e anganiia aine te katabeaki ae tabu. Julie B. Beck,te beretitenti n te Bootaki n Aine ni kabuta, e kabwarabwara: “Ti waaki n aron katein te nakoanibonga—are e nanonaki bwa ti na ukeuke, karekea, ao ni mwakuri iaon kaotioti; karaoi babaire inanon kauntira; ao n tabeaianga ibukira ma te nano n akoi nakon temanna ma temanna. Ara bwai bon te nakoanibonga te botoniango ni katauraoira ibukin kakabwaia n te maiu are aki toki mani karaoakin ao kawakinan berita aika tabu. Mangaia are, n aroia tarira are a taua te nakoanibonga, ara bwai bon te mwakuri ibukin te kamaiuaki, mwakuri ni ibuobuoki, ao n riki bwa aomata aika tabu.”⁵

Barbara Thompson, te kauoman ni kauntira n te beretitentii ae kabuta n te Bootaki n Aine.

Man Koroboki Aika A Tabu

1 I Korinto 11:11; Doctrine ao Covenants 25:3; 121:36–46

Man Ara Rongorongo ni Kawai

N tain katean te Tembora are, Nauvoo kurubu n aine a baireia bwa a na anga nanoia ni buotoka katean te kateitei. Eliza R. Snow e bairea te tua ibukin te kurubu ae boou aei. Ngke e kaotiia nakon te Burabeti Iotebwa, e kaeka: “Tuangiia aine aia angabwai e bon butimwaeaki iroun te Uea, ao iai te bwai ae tamaroa irouna ae e a tia ni katauraoia ibukiia. … N na barongaia aine iaan te nakoanibonga ni kaineti ma waakin te nakoanibonga”⁶ Teutana te tai iimwiina, te Burabeti e tuanga te Bootaki n Aine ae e a tibwa barongaaki: “I kaoka ngkai te kiing nakoimi n aran te Atua, ao te bootaki aei e na kimwareirei, ao te rabakau ao te wanawana e na baro nako man te tai aei.”⁷ Aine a kantaningaki kamarurungaia nakon te waaki ae boou ae tabu ni katauraoia ibukin otenanti n te nakoanibonga are e na waekoa ni karaoaki n te tembora.

© 2011 iroun Intellectual Reserve, Inc. A bane n tauaki mwiin taian kariaia ibukin katootongana. Boretiaki i USA. Kariaiakaki n te Ingiriti: 6/10. Rairakin te Visiting Teaching Message, March 2011. Kiribati. 09763 859

Tera ae I Kona ni Karaoia?

N na kanga ni buokiia titita ake I kawaria ni butimwaai kakabwaia man ana mwakuri te Bootaki n Aine ae tabu?
Ter ae N na karaoia n te namakaina aei ni karikirakea au konabwai bwa I aonga ni karekea te kaotioti ae onoti?