Klumech er a Oldingel e Olischakl, Ongeuang el Buil 2011

Moktek ra Relief Society

Mosuub er tial klumech, ea di lungil, e msodii lobengterir a rodos el moldingel er tir. Mousbech aikel ker el smisicheterir a rodos e dirrek el rullii a Relief Society meng mo klou a belkul er a klengar kau.

Klaumerang • Telungalek • Ngeseu

Sera le kot el mokedong a remeredelam, e te mle meskemam a bebil ra tekingel a reksi er a Relief Society. Aikang a ki mulsuub el obang nglunguuch, el somam el mo medengelii a moktek ra Relief society ma ikel soal a Rubak aki bo moruul. Aki mlo medengei el kmo a moktek ra Relief Society a mlo mokdubech lokiu a Rubak a mo mengederoder, olsisechakl, e omekellomes er a rengelekel redil el mo kldmokl el kirel a klengeltengat er a diak a ulebengelel el klengar.

Ma mo kudmeklii tial moktek ra Relief Society, ea Rubak a milsterir a ngerachel a rebek el rodos ma cherengelel tial chelechad el mo:

Smisichii a klaumerang me a melemalt el klechad.

Melisiich er a re telungalek ma delengchokl.

Olngeseu lokiu omesiou er a Rubak ma Rengelekel.

Ng sebeched el rulii tial ureor lokiu a soal a Rubak sel dosiik, dengai, e dotirakl a ocholt el dengai. A lak a ocholt er a klengar er kid, eng diak el sebeched el mo ungil er a ngii di el ngerang. Alsekum me ke domtab a ocholt el merkid, eng diak el sebeched el ruebet. A profet el Nephi a olsisechakl er kid el kmo a Chedaol Reng a mocholt el merkid a “rokui el tekoi el kmo ngera [kede] mo meruul” (2 Nephi 32:5). Ng kired el mechikid me ke de mo telkib el chelellakl e lmuk el telkib el taem e orrenges er a Reng.

Rodos, ngar ngii a kmal klou a ultutelel el ngerachel el olngeseu el meleketek er a rengedel a Dios e mengedmokl el kirel a luut er a Rubak. E klemerang, a urerel a Rubak a diak el sebechel el mo mekedmokl a lak a ngesouil a rengelekel. Misei ea uchul, ea Rubak a mengiil er kid el mo mdois a tengetenged. Ng mengiil er kid el mo kudmokl a moktek ra Relief Society el mor sel tkul rebab.

Julie B. Beck, merredel er a cherrengelel omerreder er a Relief Society.

Ngara Chedaol llechukl

Deuteronomy 6:5–7; Lukas 10:30–37; Jakobus 1:27; 2 Nephi 25:26; Mosiah 3:12–13

Ngara Reksi er Kid

A miting er a June 9, 1842 ra Relief Society, ea Profet Joseph Smith a ulsisechakl ra rodos el kmo tial cheldebechel a “diak el di lolengeseu er a remechebuul, ng direk el olsobel a klengar.”¹ Tial mla medung el tekoi el chelid ma dirrek el moktek ra tekingel a beluulechad a mla ieklii a Relief Society er a ikal reksi er ngii. Sera 1906 ea President Joseph F. Smith (1838–1918) a ulsisechakl: “[Relief Society] a diak el di longedmokl el kirel a lousbech a remechebuul, smecher ma ousbech a ngesou, a bai tebedechel a ngerchelel—ma klou er ngii el dirrek— a mo mes a klaumerang ma osebelir a re chedil ma rengelekir er redil ra Zion; e mo mes el kmo ng diak a ta er tir el mechoit, te bai tir el rokui a klekar el kirel a techerebesul, kerior, klisichel a mekngit, ma mekngit el mo melemall er tir er tial beluulechad.”² Sera 2001 ea Elder M. Russell Ballard ra Chelechad er a Teruich me a Terung el Apostol a liluut el omelekl el kmo, “A bek el rodos el ngar tial Ikelesia el mla nguu a telbiil el obengkel a Rubak a mla nguu a cheledaol el kengei el mo olsobel a klengar, mo omekrael er a redil er tial beluulechad, mo melisiich er a delengchokl er a Zion, e mo meleketek er a rengedel a Dios.”³

© 2011 lokiu a Intellectual Reserve, Inc. Urrekodel a rokui el klisiich. Milluches er a USA. Kengei er a English: 6/10. Kengei er a oidel: 6/10. Oidel a Visiting Teaching Message, April 2011. Palauan. 09764 881

Ngera Sebechek el Rullii?

Ngera el llomes a blak nguu el mo ngosuterir a re bebil er ngak el mo mdois a klaumerang ma melemalt el klechad e melisiich a telungalek er tir ma delengchokl? Ngera el ngesou a sebechek el mesterir?
Ng mekera e sebechek el nguu tial klumech el mo smisichii a klaumerang er ngak e smisichii a ngerchelek el kirel a melemalt el klechad?