Serafo
Nafochun Moni
Ua churi ekkewe misineri nupwen ua 17 ieri. Non ena fansoun am me pwii we watte aua nonnom fengen. Inem we a mano non ewe ier, me a weires manauem. Nupwen ekkewe misineri mi aitiei, ua tongeni kuna pwe ewe Mwichefen mi ewe eu ua kukkuta. Nge kapasen pesepes seni chienei kewe mi eppeti ai upwe fiti fan won Raninifel.
Fan eu ua feino ngeni eu mwich non ewe wik. Ai kuna meinisin ekkewe serafo mi takir me urumot mi wato pwapwa chapur. Ekkewe misineri, fiti ekkewe serafo, mi angei ewe tufich ne aitiei eu nesenin ewe kapas allim, me ai mefi met mi och iwe ua fini pwe upwe papatais.
Nge mwirin ua fiti ewe Mwichefen, ua kuna weires. Ngang ewe chok emon chon ewe Mwichefen non ena kinikinin neniei me a touau ewe imwen Fan. Chienei kewe rese chuen mochen chiechi ngeniei. Nupwen ua mefi pwe ua anaemon chok, ua iotek me ua mefi an ewe Samon tong ngeniei.
Iteitan maram, ua angei ekkis moni minne inei we a isoni fan itei. A weires ai upwe tongeni manau ren ekkis chok moni. Nge ua finata pwe upwe anneasochis. Ua monatiw ai asoren eu ne engon me mi namot ai upwe pwan moni eu taksi pwe upwe fiti seminary me Fan. Use weweiti ifa usun, nge nesponon ewe maram, ua kuna pwe a nafoch moni ne fori meinisin.
Ua sinei pwe ua efeioch seni ai monatiw ai asoren eu ne engon. Ai anneaoschisi ei annuk mi anisiei ne angei eu kapasen pwarata mi pochokun, fori angangen misineri, me esinna efeioch pwe ua tongeni apochokuna chon Mwichefen minefo mi kuna weires.