Roronrikirake
Te Tina e Kamaiuira
Ngke onoua au ririki, tariu ae uarereke ao Ngai ti matakuakina tarira ae ikawai n takakaro n te bwatiketibooro. E nako tamara, ao imwiina ti iangoia bwa ti kan okira mweengara ma ngaia, ngaia are ti biri rimwiina iaan te karau. Ngke e aki reke iroura, ti okira te gym bwa tina okira mweengara ma tinara, ma ngke ti rinnako n te gym, ni kabane aomata a tia n nako.
I uringa ibetutura ni kain te kateitei irarikin te tabo n rin n te kateitei, ni kataia ni karekea tariu are uarereke ao ngai ni kataniira man te karau, ti tataroakina temanna bwa e na roko. Imwiina I uringa tangin mataroan ara van are e uraura ni kainaki, ao ti biri ni kaineta te tabo are ti ongo mai iai te bwanaa. Imwiina e oota raoi ara ururing ngke ti uarereke n aron tinara n tauiira inanoaan baina “n ai aron te moaine ni bootia natina iaan baina” (3 Niibwai 10:4). Tinau e a tia ni kamaiuiira ao I tuai n namakina te mwaneaki raoi nakon are e riki nakoiu n te tai anne.
Ngke I iangoa arona anne nakoiu, I nooria bwa maiun tinau e a tia ni koteia nakoiu ni kaineta te Tia Kamaiu ao e a tia ni kaota nakoiu te bwai are e nanonaki n “tabekirake baai aika tinetine, ma bubuaniwae aika mamaara” (D&C 81:5). E onimaki iroun Iesu Kristo, are e anganna te korakora “iaon riki korakora[na]” (“Lord, I Would Follow Thee,” Hymns, no. 220).