Te Rongorongo ibukin Reirei n te Kaakawari AOKATI 2011
Aia Botaki Aine Aika Mimitong
Kamatebwaia te karaki aio ao, n ae e angaraoi, maroroakinna ma taian tiitita ake ko kawariia. Kabonganai titiraki ni buokiko ni kakorakoraia am tiitita ao ni karaoa te Bootaki n Aine bwa iteran maium ae kakammwakuri.
Onimaki • Utu • Buokai
Eliza R. Snow, te kauoman ni beretitenti ni kabuta n te Botaki n Aine e reirei: “Bauro te Abotoro n taai ake rimoa e taekiniia aine aika mimitong. Bon tabera ngaira n tatabemaniira nako bwa ti na riki bwa te aine ae mimitong. Ti riai ni karietataaki ngkana ngaira aine aika mimitong. Ti na namakinna bwa ti weteaki ni karaoi mwakuri aika kakaawaki. Akea ae e katinanikuaki mai irouia. Akea te aine ae e kaokoroaki ao ana tabo e rangi n irariki ma e kona ni karaoa ae e mwaiti ni katean Abanuean te Atua iaon te aba.”1
Aine, ti aki kaokoroaki ke e aki irariki kawaira. Man butimwaean te bwaintangira ni waakin te Bootaki n Aine, tia riki bwa mwakoron te bwai are e kabwarabwaraa ara Burabeti Iotebwa ngkai ti bootaki “kararoai karirii man te aonaaba—rinerine, raoiroi, ao ni mimitong.”2
Te bootaki aei e na buokiira ni kakorakorai ara onimaki ao n rikirake n te maiu n tamnei man anganakira te nakoa ni kairiiri, ibuobuoki ao nakoara n anga reirei. N ara mwakuri ni ibuobuoki te kawai aika a boou e karinaki ni maiura. Ti rikirake n te maiu n tamnei, ao n atai arora, kinaira, ao ni karikirakei arora aika kakaawaki n atai ni kabane are e kananonaaki n ana baire te euangkerio bwa e na karekea nakoira bwa tina kona ni karekei bwaninin ara konabwai.
Te Bootaki n Aine e buokiira ni katauraoira ni karekei kakabwaia man te tembora, ni karinei ara berita aika tabu ake ti karaoi, ao ni kabaeaki ni katean Tion. Te Bootaki n Aine e buokiira ni karikirakei ara onimaki ao arora aika raraoi, kakorakoraia utu, ao n ukoukoriia ao ni buokiia ake a kainnano.
Ana mwakuri te Bootaki n Aine e mimitong, ao karaoan mwakuri aika mimitong a kamimitongiira
Silvia H. Allred, moan kauntira n te beretitentii ni kabuta n Aia Bootaki Aine.
Man Koroboki aika tabu
Te Otinako 19:5; Taian Areru 24:3–4; 1 Itetaronike 4:7; Tito 2:3–4; Doctrine ao Covenants 38:24; 46:33; 82:14; 87:8; Moses 7:18
Man Ara Rongorongo ni Kawai
N ana marooro nakoia Aine n te Bootaki n Aine mai Nauvoo, te Burabeti Iotebwa e kabwarabwaraa te mimitong, ni kabwarabwaraa bwa aine a riki n itiaki ao ni mimtong, ana karekea te bitaki nakon te aonaaba. E kabwarabwaraa: “Nimamannei, tangira, itiaki—bwaai aikai a riai ni kakorakorako … Te Bootaki aio…e na karekea te mwaaka ni kaira te ueanaine ibuakoia. … Uea ni mwaane ao Ueannaine n te aonaaba a na nakon Tion, ao ana anga aia karinerine.” Aine n te Bootaki n Aine ni maiuakina aia berita aika tabu a na anga te karinerine tiaki tii nakoia aomata aika kakannato, ma “ngkana ko maiuakina tibwangam,” n aron are e berita iai Iotebwa nakoia aine, “anera a na bon aki kona n raroa mai irarikim.”3
Ngkana aine a karaoi mwakuri ni buokiia ao ni kamaiuia tabeman, ana itiaki nanoia. Lucy Mack Smith, tinan te Burabeti, e tibwa aron te Bootaki n Aine ae tamaroa are e kona ni karaoia: “Ti riai ni kakaitau imarenara, kawakiniira ibon iroura, karau nanora ibon iroura ao ni karekei kaetieti, bwa ti na kona ni bane n tekateka ni bootaki i karawa.”4
© 2011 iroun Intellectual Reserve, Inc. A bane n tauaki mwiin taian kariaia ibukin katotoongana. Boretiaki n te USA. Kariaiakaki n te Ingiriti: 6/10. Kariaiakaki rairana: 6/10. Rairakin te Visiting Teaching Message, Aokati 2011. Kiribati. 09768 859
Tera ae I Kona ni Karaoia?
-
I kanga ni buokiia aine ake I tararuaia ni karikirakei ao ni karekei “karakai aia kouru”?
-
Tera ae I karaoi ni karika maiu “rinerine, tamaroa, ao ni mimitong”?