Mulwol ni Ngan Fil ni Ngan Nang, AUGUST 2011

Ulung ko Bpin nib Thothup

Mu fil e re n’ey, ma rogon nib mangil, mag weliy ko boech e walagey nib ppin ni gabe guy. Mu murwel ko pi duwer ni nge ayuweg nem ni nge gel nag e pi walagem nib ppin man fal’eg fare Ulung ko bpin ko Galasia ni bang ko yafos rom.

Mich • Tabinaw • Ayuw

Eliza R. Snow, bin migid e general presidency ko Ulung ko bpin ko Galasia, e ke fil ni: “Paul ni fare Apostle e ke non ko bpin nib thothup ni kab kakom. Ra bag dad ma muruwel rok ni nge mang e bpin nib thothup. Ngad tolang niged e tin nib t’uf rodad, fa’amra gadad e bpin nib thothup. Gadad ra thamiy ni kan pining dad ni ngad rrin’ed e pi muruwel nib ga’fan. Dariy bee’ nib thay nga wuru’ rorad. Dariy e sister ni i go’ ir, nge n’en nib liyeg e ba achig machane n’en ni rayog ni nge rrin’ ni nge thap ko Gil’ilungun Got u dakean e fayleng.”¹

Walageg nib bpin, dan thay gad nga wuru’ fa ba achig e gin ni gadad bay riy. Gadad ra adag fare tawa’ath ko n’en ni yibe rrin’ u lane Ulung ko bpin ko Galasia, kad manged ko n’en nike weliy Joseph Smith nib ayuw “ngan palog ko kireb u fayleng, mangil, nge thothup.”²

Biney e ulung e ma ayuweg dad ni nge gel nag e mich rodad me ga’ nib thothup ninge pi’ e kanawo’, muruwel, nge n’en ni ngan sensey nag ngodad. U lane muruwel rodad e bang ni kan ululeg ko yafas rodad. Gadad ma mithmith nib mangil rogon, nge rogon ni gadad be thamiy ni gadad bay riy, mornga’agen dad, nge tayfan e be gel. Gadad nang ni ga’m’un tanam ko fare gospel e ngan pi’ ngodad e n’en ni ngad rrin’ed ni ngad thap gad ko n’en ni gadad ba cheg riy.

Ulung ko bpin ko Galasia e ma ayuweg faf ni ngeyog e pi tawa’ath ko fare temple ngodad, man tay fan e pi m’ag ni gadad be ngongliy, man un nga lane fare Zion. Ulung ko bpin ko Galasia e ma ayuweg dad ni nge ga’ e mich rodad nge mangil rodad, me gel nag e tabinaew, man gay man ayuweg e picha’an nib tu’uf e ayuw rorad.

Muruwel ko Ulung ko bpin ko Galasia e ba thothup, rrin’ e muruwel nib thothup e ma ngongliy e thothup u fithik dad.

Silvia H. Allred, bin somm’on e counselor u lane Relief Society general presidency.

Kofapi Babyor nib Thothup

Exodus 19:5; Psalm 24:3–4; 1 Thessalonika 4:7; Titus 2:3–4; Doctrine and Covenants 38:24; 46:33; 82:14; 87:8; Moses 7:18

Rok e pi Chep Rodad

Yibe non ko Ulung ko bpin ko Galasia u Nauvoo, ma ke tiyan’ i Profet Joseph Smith ko thothup, nibe weliy ni napan ra bi’ech me thothup e bpin, ma yad ra fal’ag wa’athan e fayleng. Ke weliy ni: “Gum’an’, tu’ufeg, nge tamilang— e pin’en ni ra dagem. … Biney e Ulung … e ra yog gelngiy ni ngan nog e n’en ni nge rrin’ e queen. … Pilung nge bpin rorad u fayleng e yad ra yib nga Zion, miyad daeg e tay fan rorad.” Ulung ko bpin ko Galasia e yad be paer u fithik e m’ag rorad ni kan nog ni gathi kemus ni ngaw tay faned e gidii’ nib fal’ab, machane “fa’anra gara paer u fithik mat’wom,” Ke yoeg Joseph Smith, “pi angel e dabyog ni nge chuw ni dabki ayuweg nem.”³

Napan ni ra un fapi bpin ko muruwel ni ngan ayuweg boech e gidii’, ma yad ra pag boech ban’en rorad. Lucy Mack Smith, nina’ ko fare Profet, e ke weliy ni rayog ni nge’ mu’ nag fare Ulung ko bpin ko Galasia e n’en nib mangil: “Ngad tu’ufeged gadad, man yaliy gadad, man ayuweged gadad man llowan’, ni ngeyog ni ngad pired u tharmiy u ta’abang.”⁴

© 2011 ko Intellectual Reserve, Inc. Gubin ni mot’won ma bay. Nni yoloy u Mariken. Kan micheg nag ko thin nu Ngalis: 6/10. Micheg nag i pilyeg: 6/10. Pilyeg ko Visiting Teaching Message, August 2011. Yapese. 09768 905

Mange Rayog Nggu Rin’?

Urogon ni ngug ayuweg e pi sister ni gube yaliy ni ngar milay’ gad miyad mu’ nag e “aim ni nib mangil rogon”?
Mang e gube rrin’ ni ngug fal’eg e yafas rog ni nge “n’en ni yibe mel’eg, mangil, nge thothup”?