Mulwol ko Bin Somm’on e Presidency SEPTEMBER 2011
General Conference— Gathi ba Tawa’ath ni Gubin Ngiyal’
Ba chongin nib mangil ko fare Galasia e be non ngak bee’ nima paer u to’ban ni gathi bee’ ko biro dad e mich. Napan nikan noeg mornga’agen e biney ko general conference, me ga’ar facha’ nima paer u churen, mongfan ni gabe yoeg ni bay e pi profet nge pi apostle rom? Ma l’agruw yay u lan reb e duw u lane conference u ga’mun yang u fayleng ma yad be dag e thin ku Got?”
Fulweg fare memba ni ga’ar, “Ri arogon.”
Me paer facha’ nibe lem nag. Ran ga’ar e rib ba’adag me fith ni ga’ar, “Mang e yad be yoeg u lane bin tomur e general conference?”
Ngiyal’ ney ke yaen e falflan’ ko fare memba nib mangil ko fare Galasia ni nge weliy morna’agen fare gospel me yib e tamra’. Be guy rogon, ma dar yog ni nge lem nag boech ban’en ko fapi numon.
Ke guy fare fagar e biney e oloboch me ga’ar, “Gabe yoeg ngog ni ma non Got ko pumo’on u lan e rran rodad ma dakum nang ko mang e ke yoeg?”
Fare walag e ke sobut’nag ko ren’ey. Ke tay u wan’ ni ra gay rogon ni nge tafney ko pi thin nike yoeg e pigirdi’en Somoel u lane general conference.
Gadad gubin ma gadad manang rogon nib momaw’ ni ngan tafney ko gubin e mulwol u lane general conference, ma gu manang ni dani tu’uf ni ngad tamra’ gad fa’anra daki nanged ni gubin. Machane, ra reb e general conference ma bay bogi mulwol riy ni kan pi’ nib tawa’ath ma tawa’ath u tharmiy e ribe weliy e magawon u lane yafas rodad.
Fal’eg rogoy ko general conference, soen ngug goeg dalip ban’en ni rayog ni nge ayuweg dad ni ngeyog ngodad nib fal’ rogon, tayfan riy, man rrin’ e pi thin ni be yoeg e pigirdi’en Somoel.
1. Pi memba ko Galasia e ba ga’ ko thogthog ni yib rok Got rok napan ni yad ra motoyil ngay man fil e pi thin nikan noeg ko general conference nib mangil.
Napan ni gara fal’eg rogom ko general conference, ma gube yoeg ngom ni ngam lem nag e pi duwer nib tu’uf ni ngam fulweg. Boed ni, gara adag ni ngam nang e kanawo’ nge gagiyeg nibe pi’ Somoel ko pi magawon ni gabe yan u riy.
Pi meybil rom e ra buch ko pi numon fa bugithin. Boech ngiyal’ e pin’en nibe fulweg e ra yib ko yugbugithin ni danum nang, bochi thin, fa tang. Ra sug e gumircha’ ko falfalen’ ni fan ko pi tawa’ath ko yafas nge gelngin ni ga ba adag ni ngam rung’ag fa mu lek e pi thin nibe ayuw ni ngan fal’eg rogon e kanawo’ ko thothog ni yib rog Got rom.
2. Dam luf reb riy ko fare mulwol ra ra magagiyal lungan.
Gubin ngiyal’ ma fapi profet e yad ma sensey u fithik n’en nike buch; ba motochiyal ni yibe fil. Gara rung’ag e n’en nike buch u lan buguthin nge pi doctrine u lane general donference. Soen nggog ngom: biney e gathi ban’en ni kan susun nag fa i go baen. Ka gadad be ulul ni ngad rung’aged e pi mulwol ko pi magawon ya Somoel e be fil ma ba yoeg ko tafney rodad nge gumircha’dad e pi n’en nib ga’fan ko n’en nib mangil ni ngarin nang fan man rrin’ um’on ni ngad dared ko boech ban’en. Bee’ nib llowan’ nima toey ban’en e tay e def somm’on um’on ninge tay e rungrung nge chig.
3. Pi thin e kan weliy ko general conference e thingari dag e kanawo’ ngodad napan e pul ni bay yib nga m’on.
Fa’anra gadad ra motoyil man lek e n’en nibe yoeg fare Kan Thothup, yaed ra murwel ni boed Liahona, me gagiyeg nag gaed u fithik ban’en ni dan nanged, binaew nge birey ni bay nga m’on (muguy ko 1 Nephi 16).
Napan ni tabab e fayleng, me sunmeg Got e pi profet nima yoeg e n’en ni be yib u tharmiy ni ra buch ko gidii’. Mil fan ngodad ni ngad motoyil gad ma gadad rrin’ e pi mulwol ni be pi’ Somoel ngodad.
Chitamangdad u Tharmiy ni rib runguy ma ba mangil e dani n’ag ma dabi n’ag pifaak. Daba’, boed e ngiyal’ ni kakrom, e ke pi’ e pi apostle nge pi profet. Be ulul nibe dag e thin Rok ngorad.
Ban’en ni rib mangil ni ngan runga’ag e pi mulwol ku Got rodad napan e general conference! Ngad fal’eg rogon dad ko biney e tawa’ath ni rib mangil ko gagyeg nib thothup nibe pi’ e pigirdi’en.
Biney e gathi ba tawa’ath ni gubin ngiyal’.
© 2011 ko Intellectual Reserve, Inc. Gubin ni mat’won ma bay. Nni yoloy u Mariken. Kan micheg ko thin nu Ngalis: 6/10. Micheg nag i pilyeg: 6/10. Ni pilyeg ko First Presidency Message, September 2011. Yapese. 09769 905
Tin ni yibe Fil ko Biney e Mulwol
-
Bi’eg fare article u ta’abang. Ayuweg e tabinaew ni ngan weliy e pin’en ni ngan motoyil ngay napan e general conference.
-
Ngan ayuweg e bitir ni ngar rrin’ed e n’en ni ke yoeg President Uchtdorf, mu dag ngorad e chart ko General Authority (kan pir’eg u lane thin ko conference ko fare Liahona). N’anggin rad ngar nanged ni fare Bin Somm’on e Presidency nge Ulung ko fare Ragag nge L’agruw i Apostle e ra non u lane general conference. Ayuweg e bitir ni ngan motoyil ko conference man yoeloey ya’an ni nge ayuweg rad ni nge pugran nag rad ko n’en ni kar filed. Galabthir e rayog ni ngar guyed ko conferencegames.lds.org ni fan ko pi gosgos ko conference ni fan ko bitir.
Mat’aw: sasing rok Les Nilsson