Mulwol ni Ngan Fil ni Ngan Nang SEPTEMBER 2011

Gel nag e pi Tabinaew ni nge Ga’ e Thothup

Mu fil e re n’ey, ma rogon nib mangil, mag weliy ko boech e walagey nib bpin ni gabe guy. Mu murwel ko pi duwer ni nge ayuweg nem ni nge gel nag e pi walagem nib bpin man fal’eg fare Ulung ko bpin ko Galasia e bang ko yafas rom nib mangil.

Mich • Tabinaw • Ayuw

Ke yoeg Julie B. Beck, general president ko Ulung ko Bpin ko Galasia, ni ga’ar: “Bay rog nike ga’ ba mich ko n’en nib mangil ko bpin ni fak Got. … Ku thamiy ni dariy reb ban’en ni rib mangil nib tu’uf ni fan ko mich ni ngan ga’ nag nge n’en nib mangil rom. Dariy ban’en nib mangil nib tu’uf ni fan ko pi tabianew nge tafney nib gel.”

Pi walag nib bpin e rayog ni ngan ayuw ni nga fal’eg e tabinaew nib gel nge tafney napan ni yad ra rrin e pi thogthog ni yib rok Got rom. “N’en nib mangil ni, ngeyog, man rrin’ e thogthog ni yib rok Got rom e ta’ab ban’en ni tha’abi ga’fan ni rayog nib tu’uf u lane biney e yafas,” be ulul Sister Beck. “N’en nibe buch ko Kan Thothup rok Somoel e be tabab ko gelngin ni ga ba adag ko re Kan Thothup nem nge yul’yul’ e bay riy. Cha’riy e pi motochiyal, kalngan’, man sul u dakean e pi m’ag ni kan fal’eg ko tawfe e ra fekey ko fare tawa’ath ni gubin ngiyal’ ma bay fare Kan Thothup rok Somoel rodad. Fal’eg man cha’riy e pi m’ag ko temple e kura yog e gelngiy nib thothup nge gelngiy u lane e yafas ko bpin. Bo’or e pi fulweg ko pi duwer ni rib momaw’ e ran pir’eg ni ngan bi’eg e pi chep nib thothup ya pi chep nib thothup e ayuw ko thogthog ni yib rok Got. … Meybil ni gubin e rran e ba ga’fan ni ba’ fare Kan Thothup rok Somoel rodad.”¹

Kagadad be gel nag e gidii’ u lane tabinaew rodad nib thothup napan ni gadad ra ayuweg rad ni ngar nang faned e tunom nib manemus rok e Chitamangdad u Tharmiy. “Mang e rayog ni ngad rin’ed ni ngad fal’eged rogon pifaak dad ni fan ko murwel rorad nib manemus?” be fith Elder M. Russell Ballard ko fare Ulung ko fare Ragag nge L’agruw i Apostle. “Sana fulweg riy ni rib mangil e: Fil ngorad rogon ni ngan paer u fithik fapi n’en nib ga’ fan ko fare gospel.” Biney e n’en ni kan fil e ke yib ko meybil rodad ni gubin ngiyial’, chep nib thothup ni ngan fil, nge abich ko tabinaew ni balayal’ ni ta’aborogon ko fan e gak ko tabinaw ni balayal’ nge mu’un nga Galasia. Ke weliy Elder Ballard ni ga’ar: “Ra reb e raan ma gadad be fal’eg rogdad, chiney, ni fan ko yafos ni manechubog. Fa’anra dani fal’ rogdad ni fan ko yafos ni manechubog, ma gadad be fal’eg rogdad ko ban’en nib boch’uw, sana ban’en ni rib pag e boch’uw.”²

Ko pi Babyor nib Thothup.

Proverbs 22:6; 1 John 3:22; Doctrine and Covenants 11:13–14; 19:38; 68:25

Kakrom Rodad

Ke fil Joseph Smith ko pi walag nib bpin u lane mo’olung ko Ulung ko Bpin ko Galasia ko April 1842 ni bay e ba murwel rorad ni rib kirban’ ni ngar gayed e birorad e tamilangeg rogon min thap. Ke ga’ar, “Napan ni m’ay e n’en ni ku gog (rog), ma gur e ke mil fan e tirom e denen ngom; rib mangil ni ngarim man um’on ko Chitmangdad u tharmiy ni ngam ayuweg nem; gadad gubin ma gadad mil fan ku Got ko n’en ni gadad be fal’eg rogon e magal nge ganop ni nge e Somoel rodad ngodad ngeyog ni ngad ayuweged gadad.”³ Ke fil ngorad ni ngar manged e gidii’ nib mangil, ngan mang e gidii’ nib yul’yul’, man fal’eg rogoy ko pi gam’ing u temple nge pi m’ag.

© 2011 ko Intellectual Reserve, Inc. Gubin ni mat’won ma bay. Kan yoloy u Mariken. Nni micheg ko thin nu Ngalis: 6/10. Micheg nag i pilyeg: 6/10. Pilyeg ko Visiting Teaching Message, September 2011. Yapese. 09769 905

Mange Rayog Nggu Rin?

Urogon ni rayog ni ngug ayuweg e walageg ni nge thothup rok nib gel?
Urogon ni rayog ni ngug fal’eg e tirog ni ngug poey mug lek fare Kan ni Thothup?

Sasing rok Welden C. Andersen