2011
Apochokuna Famini ren Watteno Memef non Pekin Ngun
September 2011

Poraus seni Fefin Chon Amwa SEPTEMBER 2011

Apochokuna Famini ren Watteno Memef non Pekin Ngun

Kopwe aneani ekkei mettoch, me nupwen mi och, kopwe aporausa ren ekkewe fefin ka churi. Kopwe aea ekkewe kapas eis epwe anisuk ne apochokuna ekkewe fefin ka churi me pwan aochu manauom ren aean Fin Anisi.

Nuku • Famini • Aninis

Julie Beck, presetenin Fin Anisi, a era: “Eu kapasen pwäratä a napano woi usun ennetin auchean noun Kot kewe nengin. … Ua mefi pwe namwotan ach sipwe watteno ach nuku me pwisin wenecher mi wenewenen auchea non ei ran ikkenai. Famini me imw mi pochokun non peken ngun mi unusan auchea non ei fansoun.”

Fefin mi tongeni anisi me forata imw me famini mi pochokun non pekin ngun nupwen ar föfför a fiti pwisin pwäratä. “Ewe tufichin ach sipwe monota ngeni, angei, me föfför me ren pwisin pwäratä mi auchea nap seni mettoch meinisin sia tongeni ani non ei manau,” Sister Beck a soposopono. Ammonata ren nonnomun Ngunun ewe Samon a poputa ren mochenin ewe Ngun mi Fel me mi namwot napanapen nimenimoch. Apwonueta ekkewe annuk, aier, me asöfösefani pwon mi pin mi for non fansoun papatais epwe emwenikich ngeni ewe efeiochun ewe Ngunun ewe Samon epwe nonnom rech fansoun meinisin. Fori me apwonueta pwon mi pin seni ewe tempel a pwan anapano me apochokuna manauen emon fefin non pekin ngun. Fan chommong pwonuen ach kewe kapas eis mi weires sia kuna non ach anneani ekkewe pukfel pokiten ekkewe pukfel mi eu pisekin aninis ngeni pwäratä. … Iotek iteitan ran mi namwot pwe Ngunun ewe Samon epwe nonnom rech.”1

Sia pwan apochokuna ach famini non pekin ngun nupwen sia anisir pwe repwe weweiti an Semach won Nang kokkot esemuch. “Met sia tongeni fori pwe sipwe ammonatochu nouch kewe non pekin ngun fan iten wiser kewe ren fansoun esemuch?” Elter M. Russell Ballard seni ewe Mwichen Engon me Ruemon Aposel a kapas eis. “Eni unusan pwonuen ewe kapas eis mi chok: Aiti ir ifa usun repwe manaueni nongonongen ewe kapas allim.” Ei kaeo a feito seni iotek iteitan ran, kaeo pukfel, me fansoun mongo ren famini me pwan pwinin famini iteitan wik me fiti fan. Elter Ballard a awewe: “Sia ammonota iteitan ran, iei, ren manau esemuch.” Ika sise ammonota ren manau esemuch, sia ammonota ren pwan eu mettoch mi kukkun seni, are epwe pwan eu mettoch mi fakkun kukkun auchean.”2

Seni ekkewe Pukfel

Proverbs 22:6; 1 John 3:22; Doctrine and Covenants 11:13–14; 19:38; 68:25

Seni Ach Uruo

Ewe Soufos Joseph Smith a aiti ekkewe fefin non eu mwichen Fin Anisi non Eprein 1842 pwe a wor wiser mi pin pwe repwe kutta pwisin ar manau ese much. A era,”Mwirin [ai upwe] aitikemi, oupwe pwisin tumunu fan iten tipisimi; mi sufon pwe oupwe fetan fan mesen Semach won Nang pwe oupwe pwisin amanaua kemi; mi wor wis fan itach meinisin fan mesen Kot pwe sipwe awatteno ewe saram me mirit minne ewe Samon a ngeni kich pwe sipwe tongeni pwisin amanaua kich.”3 A aiti ir pwe repwe wenechar emon me emon, pwe repwe aramas mi pin, me ar repwe ammonota ren efeiochun tempel me pwon mi pin.

© 2011 seni Intellectual Reserve, Inc. Meinisin pung mi kawor. Mi for non Merika Kapungunon non fasun Merika: 6/10. Kapungunon chiakun: 6/10. Chiakun Visiting Teaching Message, September 2011. Chuukese. 09769 901

Esinesin

  1. Julie B. Beck, “And upon the Handmaids in Those Days Will I Pour Out My Spirit,” Liahona, Meii 2010, 10, 11.

  2. M. Russell Ballard, “Spiritual Development,” Ensign, Nov. 1978, 65, 66.

  3. Teachings of Presidents of the Church: Joseph Smith (2007), 451.

Met Ua Tongeni Föri?

  1. Ifa usun ua tongeni anisi fefinei kewe pwe ir repwe awatteno ar anongonong won pwisin ir non pekin ngun?

  2. Ifa usun ua tongeni apochokuna pwisin ai tufich pwe upwe tongeni mefi me apwonueta memmef seni ewe Ngun mi Fel?

Nios seni Welden C. Andersen