Reirei Ibukin Ara Tai

Reirei n te Nakoanibonga ae te Merekitereka ao te Bootaki n Aine n te kaaua n Tabati e na kabaneaki riki iaon te “Reirei Ibukin Ara Tai.” E kona te reirei n tatabeua nako ni katauraoaki man teuana ke e raka riki taian reirei ake a kanakoaki n taian maungatabu ni kabuta aika aki maan n nako (taraa te tiata inano). Beretitenti n te Titeiki ao n te mwakoro a kona n rinea te rongorongo ae a na kabongana, ke a kona n anga te tabe aei nakoia bitiobi ao beretitenti n taian mwaanga. A riai taan kairiiri ni kamatata kakawakiia taari inanon te Nakoanibonga ae te Merekitereka ao titita n te Bootaki n Aine ni kamatebwai taetae aika ti tebo n Tabati aika ti tebo.

Naake a kaei reirei n te kaaua n Tabati a kaungaaki bwa ana uoti nakon te kiraati kaongora man te maungatabu ni kabuta aika aki maan n nako man te maekatiin.

Iango ibukin Katauraoan te Reirei man Taian Taetae

Tataro bwa E na raoniko te Tamnei ae Raoiroi ngkana ko kamatebwaia ke n reirei te reirei (taian reirei). E kona n anaaki nanom ni katauraoa te reirei man bwaai n reirei riki ake tabeua, ma taetae man taian maungatabu bon karikuram aika kariaiakaki. Tabem bon buokaia tabeman n reiakina ao ni maiuakina te euangkerio n aron ake a taekinaki n ana maungatabu ni kabuta te Ekaretia aika aki maan n nako.

Rinanoi taian taetae(taetae), n rinanoi reirei ao tuua ake a kaineti ma kainnanoia kaain te kiraaati. Taratarai naba karaki, kiibu man booki aika tabu, ao rongorongo man taian taetae(taetae) are e na buokiko n reiakin koaua aikai.

Karaoa kawain aron reiakinan reirei ao tuua. Am kawai anne e na riai n iai inanona titiraki aika a na buokiia kaain te kiraati:

Kakaei oin iango ao reirei inanon te taetae(taetae).
Iangoi nanoia.
Tibwauai otam, iango, atatai, ao kakoaua.
Maiuakin reirei ao tuua aikai inanon maiuia.

Reirei n te Namwakaina A Reiakinaki	Bwaai n Reirei n te Kaaua- n Tabatu
Nobembwa 2011–Eberi 2012	Taetae ake a boretiaki n Nobembwa 2011 Liahona*
Meei 2012–Okitobwa 2012	Taetae ake a boretiaki inanon Meei 2012 Liahona*