Ko Kakawaki Nakoina
E kabongana te kainikatine te Uea n rangi ni kaokoroa man te aonaaba ni katinea kororaoin te rabwata.
Mote, temanna ,mai ibuakoia burabeti aika a korakora ae kinaaki n te aonaaba, are e ikawairake iroun natin Bwarao te aine are kabanea ana bong ni maiu ae 40 te ririki n te abanuea i Aikubita. E kina bwa moan bain te uea ao te nati ni karianako n te abanuea are ngkoa.
Ririki ake imwina, iaon te maunga ae raroanako, kararoa ni mwaing man tamaroan ao kamimin Aikubita ae korakora, Mote e tei imatan te Atua ao ni kaitara n taetae nakoina n ai aron ae taetae ma raraona.1 N tain te roko arei, te Atua e kaota aron makurin baina ma mimitongina. Ngke e toki te mii ni burabeti, ao Mote e bwaka nako aontano n wene inanon aoa aika bati. Ngke e okiria korakorana, e a tiba namakina bwa e bon tuai man riki arei nakoina inanon tikuna n abanuean Bwarao.
E taku bwa E ataia bwa te aomata bon te akea.”2
Ti Mangori Nakon ae Ti Ataia
N reiakina riki rongorongon te aonaaba, ti karekea riki te atatai—ma ni itera aika a uarereke—are e ataia Mote. Te aonaaba e bon bubura, kaminonano, ao e kamimi arona are e aki kona ni kabotauaki ma wanawanan te aomata. E taku te Atua nakon Mote.3 Kamiimin rangin tamaroan te tairiki anne are e kaota te kakoaua ae koaua.
Iai bwai tabeua ake e taonai n taua ikeu n noran te bwai ae kiba n te rotongitongi riaon tian tari ae abwabwaki n taratara man kamaman au tabo n tei iaon mimitongin itoi aika mirion mwaitiia man akea tokiia.
Taan rabakau ni bwain karawa a tia n kataia ni wareki itoin karawa. Te kurubu teuana n tiaienti a ti a n katautau iaon mwaitin itoin karawa man bwain kataratara a reke bwa te 10 te tai mwaitina nakon botan maitin tanon biken mataniwi ma tanon rereua.4
Ao tokin aei are bon titebo ma katuruan ana taeka te burabeti ae Enoka: E taku bwa ngkana e riai bwa te aomata e na kona ni wareki bwai aika a uarereke ake a kona noraki n te mata ae bwain te aonaaba, ke mirion bwain aonteaba n aron aei, ma tiaki aei ana moan mwaiti ni karikibwai te Atua.”5
Iangoana ngkana ti iangoa korakoran ana karikibwai te Atua, maroaka are e a anga reirei nakoia ana aomata te Uea are Beniamina bwa “ana uringnga n taainako, korakoran te Atua, ao aron akeaia.”6
Ti Korakora Riki Nakon Are Ti Iangoia
Ma e ngae ngke te aomata bon akea, ma I kaonaki n te kantaninga ma te maaku ni iango bwa kakawakin taian tamnei a korakora imatan te Atua.”7
Ao ngkana ti tara rababan ma korakoran te aonaaba ao ti taku , “Tera kabotauan te aomata ma mimitongin te karikibwai? ”E taku te Atua I bon irouna bwa bukin karikan te aonaaba bon ibukira! Ana mwakuri ao mimitongina—oin te kantaninga ibukin kamimin te aonaaba—bwa E na kamaiuia ao ni karietaia ana botanaomata.8 N atongana teuana, korakoran ao rababan ae akea tokina, te mimitong ao te kamimi ae akea tokina ma taai aika tia kateaki bwa ti na bwaibwai n maiu ngai ma ngkoe. Tamara are i Karawa e karaoa te aonaaba bwa ti aonga n roko n ara konabwai ae ngaira Natina mwaane ao aine.
Aio aki taun te aomata: kabotauaki nakon te Atua, te aomata bon akea, ma ngaira ana bwai te Atua. Ngkana ti kabotaua ana karikibwai ae e aki kona n kabotauaki ao ti riki n akea ngaira, iai iroura mwakaron te ai ae e ura mwaaka iroura. Ti a tia n anganaki te akoaki ma te kamoamoaki—n te aonaaba are akea tokina—ma kawakinara. Bon ana iango ae korakora te Atua ni buokira ni karokoira iai.
Nanobaban te Kainikatonga
Te tia kamwane ae korakora e ataia bwa teuana mai ibuakon ana bwai ni makuri ae korakora ni kairaia natin te Atua bwa a ana bua e bubuti nakon.aki taun te aomata. Nakoia tabeman, e roko n ringa nanoia n te kamoamoa, ni burebureia rake n kaungaia n kakoaua tamaroaia ma kakawakia are aki noraki. E tuangia naba bwa ana kamoai aroia ibukin rabakauia, aroia n inaomata, taraana n arona, e raoiroi riki bwai ake a tamaroa ake a katobibiaki iai. Ao tokina e kairia bwa akea temanna ae ena taua aroia man kairia man aki tabe ma aia kanganga tabeman.
E taekinaki bwa Aberaam Lincoln e tangira te boem ae kangai:
O eaera tamnein te rabwataa ae mamate ni kamoamoa?
Aron mangin kiban tenea, butin te nang ae tabeibeti
Otan kian te iti, bwaron te nao,
Kitanan te maiu iroun te aomata nakon motirawana inanon te ruanimate.9
Ana Abotoro Iesu Kristo a ataia n kabotaua nakon te maiu ae akea tokina, maiura n rabwata n te aonaaba ae mromron aei bon ti inanon teteutana te tai ni n mawa n tai.10 A ataia bwa kakawakin te aomata akea katabeana ma are e kaineti nakon te aonaaba. Ataia bwa ko kona ni kabarikoa nikira ni mane n te aonaaba ni kabuta ao e aki kona ni kaboa teaina te kariki ni kaubwain karawa.
Naake a na “karekea Uean te Atua”11 bon naake a na riki “n aiaron te ataei n ongeaba, n ongotaeka, n nanorinano, n taotaonakinnano, n onrake n te tangira.”12 “Ane e karietata ao ena karinanoaki, ao ane e karinanoa ao ena karietataaki.”13 Ngkana te tia reirei ae oota naba “bwa ngkana kam beku ibukia raomi ao kam bon beku naba iroun Atuami.”14
Ti Aki Manuokinaki
Ana anga naba Tatan ni kamwaneira rinanon te bwarannano. E kataia n tarataraira man aki onimakinira are ti moana n taku bwa ti a bon aki kororaoi. E tuangira naba ti bon aki tau bwa ti bon uarereke ao ti aki noraki, ao ti a manuokinaki—aimoarara riki iroun te Atua.
N na reitai ma ngkoe n tibwaua te bwai are I a tia n rinanona are e na reke bwa buokaia naake a taku bwa aki kakawaki, manuokinaki, ke a tiku n ti ngaia.
Ririki aika nako ao I ira te kataneiai ni bwairati n te Ikotaki ni Kiba n te United States. I raroanako ma mwengau, temanna te tautia n Tiaman, e bungiaki i Czechoslovkia, are e ikawairake iai i mainikun Tiaman; ao I aki rangi ni rabakau n taetae ni matang. I rangi n uringa mwanangara nakon ara tabo ni kataneiai i Taxes. I tekateka irarkin te bwatintia are e taetae n oin een ana taeka. I bon aki ota n ana taeka are e taku. I a iangoia ngkana I a tia n reiakinaki te taetae ae kairua ni kabane. I bon rangi maku n au iango nakon te kauaba n te kataneiai ni bwairati n taabo ake a kinaki ni kaitaraia ataein te reirei ake bon taan taetae ni imatang.
Ao ngke I a roko n te tabo n kiba n te kaawa ae uarereke ae Big Spring, Texas. I kakae ao ni kunea ana mwaanga te Latter day Saint, ike a mwaiti kaina aika a rangi ni kakateke ake a karaoa aia taromauri n ruu ake a tangoi n autin te tabo ni kiba. Kain te Aro a iangoa katean te umwantabu ike e kona n riki bwa te tabo n taromauri. N taai akekei ao kain te aro a boni buoka karaoan te kateitei aei.
Tebongina imwiin te bongina I irira au kataneiai man kamatebwai mwaaka n aron are I kona man kabanea au tai ae maawa n irira te makuri n karaoan te tabo n taromauri. Ikanne naba are I a tiba ataia bwa te uoua-aua bon tiaki mwaitin te rangata ni mwaie ma bon te mwakoro ni kai. Ae katautauaki rababana te uoua-aua n itinti Karaoaki nakon kainnanoaia. Ao I tiba reiakinai man te makuri aron kakawakin tabonibaeu ae waebuau bwa n aki oreia ngkana I orea te neera.
E bon bane au tai ni mwamwakurian te tabo n taromauri are te beretitenti n te mwaanga—ngaia bon temanna ara tia reirei n te tabo ni kiba—katerea raoi bwa I riai n kabanea riki au tai n kamatebwai.
Raoraou ao raou n reirei n te tabo ni kiba a katabeia n aia tai ae maawa ma katabetabe n te aro are I iangoia man taku bwa e riai taekinana bwa katabetabe aikai a bon aki bebete n kaineti ma taai aika n te bamburete Ibukin Kakorakoraia te Roronrikirake. Ibukin au itera, ao I rangi ni kukurei n riki bwa kaain te mwaanga ae Texas Maeao, reiakinau n te rabakau ni kabenta, karikirakean au taetae n Imatang are I kakoroa nanon te wewete nakoiu ngke I riki bwa te tia reirei n aia kooram unimwaane ao n te Reirei n Tabati.
N te tai aei, Bigh Spring, n aki tabe ma arana, e bon uarereke, aki rangi ni kakawaki, te tabo ae aki kinaki. Ao ai bon ti tebo naba ma ngai—aki rangi ni kakawaki, aki kinaki, ao n tiku n ti ngai. E ngae n anne, I manga warewarenako nakon te Uea ngkana E manuokinai ke ngkana E kona ni kuneai ikekei. I ataia bwa E aki kakawaki bwa I mena ia, tera nakoau are I mena iai ma raou n reirei ni bairati, ke tera nakoau n te Ekaretia are I mena iai. Tera ae E rangi tabeakinai iai riki bwa I karaoa mwiokoau n aron au kabanea tamaroa bwa I tangiria, ao nanou ni ibuobuoki nakoia raou irarikiu. I ataia bwa ngkana I karaoa ae au kabanea n tamaroa ana nako raoi bwaai ni kabane.
Ao a raraoi ni bane.15
Te Kabane E na Rimoa
E aki tabe te Uea bwa ti kabanei ara bong ni mwakuri inanon mwaneaba aika mabora ke taabo ni man. E ataia bwa ti mena ia, akea uana bwa a mangori aroarora. E na kamanena—n oin Kawaina ao ibukin Ana mwakuri aika tabu—nakoia aika a rawa nanoia Nakoina
Te Uea E aki tabe ngkana ti kabanea ara bong ni mwakuri inanon auti mabora ke n aia tabo maan. E ataia bwa ti mena ia, e ngae ngke tera arora n nanorinano. E na kabongana—n oin kawaina ao ibukin oin Ana kantaninga aika tabu—nakoia naake a tangiria.16
Teuana te taanga, aia karo raoraou, a kaota te banna ibukin te tua aei nakoiu. Teuare te bu temwaane e mwakuri n te tabo n karao biti i Utah. N tain te katawanou ao e na kaotinakoi ana boki aika tabu ao ana maekatin te Ekaretia ao ni wareware. Ngkana a noria taan mwakuri, ao a kaenaena ao a kaewenakoa n ana koaua. E ngae ngke a karaoa aei, ao e taetae nakoia ma bwanana ae akoi ma te rau. E aki tabe ma aia aki ata te riai nakoina are e na karika te un ma te aki rau.
Tabeua te ririki imwina ao e a bwaka n aoraki temanna te tia kaenaena. Imwain matena ao e a bubutia teuare e nanorinano arei bwa e na taetae iaona ngkana e mate—e boni karaoia.
Teuaei bon kain te Ekaretia ae kakaonimaki ao e aki rangi bati ana tai n reitaki n arona ke maiuraoina ma e tiku anuana ni maiuakinaki inanoia koraki ake a kina. E mate n te mwakuri ngke e kataia n katoka ao ni kamaiua te tia mwakuri are e bae n te tino.
N te ririki anne ao buna are tiku imwina e anganaki te korokoro iaon kaburorona, are e aki kona n nakonako iai. Aomata a tangiria n roko n noria, ni kabanea aia tai ma ngaia ibukina bwa e ongo. E ururing. E mwamwannano. E aki kona ni koroboki, E kataia n kamamatenanoi nambwan aia tarebon natina, ao tibuna. E tangiria n uringa aia bong ni koro n ririki ao bong ni kauring.
Naake a roko n nora neiei a oki ma te kantaninga ae tamaroa nakon maiuia. A namakina ana tangira. A ataia bwa e bon tabeaianga ibukia. E aki kona ni ngurengure ma e ti kabanea ana tai n anga te kakabwaia nakon maiuia tabeman. Temanna raoraon neiei e taku bwa te aine aei bon temanna mai ibuakoia raoraona are e a tia n kina are bon katootonga raoi aron maiun ma ana tangira Iesu Kristo.
Te taanga aio a bon tia n taku bwa a aki kakawaki n te aonaaba aei. Ma te Uea e kabongana te bwai ni katine ae kaokoro man te aonaaba ni katinea kakawakin tamneira. E ata aia kakaonimaki taanga aikai. E tangiriia. Aia mwakuri boni bwaai ni kakoaua aika maiu ibukin korakoran aia onimaki Irouna
Ko Kakawaki Nakoina
Tariu ao maneu, tao e bon koaua bwa te aomata bon akea n aron kabotauana ma buburan te aonaaba. N tai tabetai ti namakin aki kakawakira, aki norakira irouia tabemwaang, tikura n ti ngaira, ke ni manuokinaki. Ma uringnga n taai nako—ko kakawaki Nakoina! Ngkana ko nanououa, uringii aua tua n karawa.
Te moan, E tangiria te Atua aika a nanorinano ao n nimamannei, bwa a “kakawaki n uean te Atua.”17
Te Kauoua, te Uea E a tia n anga te mwioko “bwaninin [Ana] euangkerio [n] tataekinaki irouia aika a mamara ao ake a bebete nako tabon aonaaba.”18 E a tia n rinea “mamaran bwain te aonaaba [n] roko n uruia ake a mwaaka mani korakora”19 ao n kamamaei “bwaai ake a korakora.”20
Katenua, e aki kakawaki bwa ko maeka ia, e aki kakawaki bwa mangorira arom, aki taun am mwakuri, aki taun am atatai, aekakira taraakim, ke uarerekera weteam n te Ekaretia are ko katauaki iai, ko aki n ae ko aki noraki i matan Tamaara are i Karawa. E tangiriko. E ata nanom ae nanorinano ao am mwakuri n tangira ao n akoi. Ni kabane, ao a tia n riki bwa kamatoan am kakaonimaki ao am onimaki.
Te kaua ao te kabanea, Taiaoka ma ataia bwa ake ko nori man rinanona ngkai tiaki n ae a na riki n aki toki. Bwa ko na aki namakina te maroa, rawawata, maraki ke bwarannano n aki toki. Iai ara kakaonimaki ma ana berita Tamara are i Karawa n aki mwaninga ke ni kitania naake a kakeai nanoia Nakoina.21 Karekea te kantaninga ao te onimaki n te berita anne. Reiakinna n tangira Tamam are i Karawa ao n riki bwa Ana reirei n te taeka ao n te mwakuri.
Kataia bwa ngkana ko teimatoa ni kakoaua, ao n teimatoa ni kakaonimaki n kawakin ana tua, teuana te bong ao ko na bon maiuakina te berita are kamatata nakon te Abotoro ae Bauro: “Baike e tuai n nori te mata, ao e tuai n ongo te taninga, ao e tuai n rin i nanon te aomata, boni baika E katauraoi te Atua i bukia ake a tangiria.”22
Tariu ao maneu, te kabane ni mwakaroiroi n Aomata n te aonaaba bon Taman Tamneim. E kinai ngkami. E tangiri ngkami ma te tangira ae kororaoi.
Te Atua E iangoiko tiaki ti n te rabwata ae mamate n te aonaaba ae uarereke ma te tai ae kimototo—E noriko bwa ngkoe Natina. E noriko bwa ko a tia n konabwai nakon ana kainibaire. E tangiria bwa ko na ataia bwa ko kakawaki Nakoina.
Ti bia kakoaua, onimaki, ao ni maiuna ae riai bwa ti na ata ara koaua ae itiaki ae akea tokina. Ti bia riki n itiaki man kakawaki n ana akoi Tamara are I Karawa are E anga kairara ibukin taai aika ana roko n ara tataro n aran Natina, ae Iesu Kristo, amen.
© 2011 man te Intellectual Reserve, Inc. A bane n tauaki mwiin taian kariaia ibukin katotongana. Boretiaki n te USA. Kariaiakaki n te Ingiriti: 6/10. Kariakan rairana: 6/10. Rairan te Visiting Teaching Message, November 2011. Kiribati. 09771 859