Luti ke Pacl Lasr uh
Lesin luhn Melchizedek Pristut ac U luhn Muhtwacn in Kahsruh ke Sacnri ahkahkosr uh tuhfah orek ke “Teaching for Our Time.” Kais sie lesin kuh in ahkoeyucklac ke soko sramsram kuh in puhs liki ma orek ke toeni luhlahp ma tuhfahna tari ah (liye mwe kahsruh sihmlac ten). Prestuhn luhn stek kuh tistrik kuh in sulaclah sramsram ma in orekmakihnyuck uh, kuh elos kuh in sang kunohkohn se inge nuh sel pisap ac prestuhn luhn pracns. Mwet kol uh enenuh in ahkkahlwemye yohk srihpaciyacn mukul ke Melchizedek Pristut ac tahmtahel ke U luhn Muhtwacn in Kahsruh in lutlutkihn sramsram sacpacna ke Sacnri sacpacna.
Elos suc wi lesin ke Sacnri-ahkahkosr ah ahkkweyeyuck in lutlutkihn ac use nuh ke kuhlahs mackuhsin ke toeni luhlahp ma tuhfahna orek uh.
Ma tohuyak nuh ke Ahkoeyacn Lesin se ke Sramsram uh
Pruhe tuh Nguhn Muhtahl fah wi kowos ke kowos e lutlutkihn ac luti sramsram uh. Kowos kuh in srihfeyuck in orekmakihn kuhfa sahyac in ahko lesin an, tuhsruhk sramsram ke toeni uh pa ohiyacn luti se ma ahkkweyeyucklac uh. Kunohkohn lowos an pa in kahsruh mwet sahyac in etuh ac moulkihn wosasuc uh ke lutiyuck ke toeni luhlahp luhn Alu uh ma tuhfahna orek ah.
Sifil liye sramsram uh, liye ke ip yohk ac mwe luti ma sun enenuh luhn mwet ke kuhlahs an. Suk pac ke pohloh sramsram, ma kahlwem ke ma suhmuhslah, ac pohloh fahk ke sramsram uh ma ac fah kahsrwe kowos luti ma pwacye uh.
Orwaclah sie tahk an ke ohiyacn luti ke ip yohk ac mwe luti uh. Tahk lowos an enenuh in weacng kuhsen siyuck ma kahsruh mwet ke kuhlahs an:
-
Suk ke ip yohk ac mwe luti ke sramsram uh.
-
Nuhnkuh ke kalmeyac lalos.
-
Akacsruhi ke etuh, mwe nuhnak, ma puhlakihnyuck, ac fahkwack luhlahlfongi an.
-
Orekmakihn ip yohk inge ac mwe luti ke moul lalos an.
|
Lesin ke Mahlwem Ma Lutiyuck |
Kuhfa luhn Lesin ke Sacnri-Ahkahkosr |
|---|---|
|
Nohfohmpuh 2011--Eprel 2012 |
Sramsram uh sihmlac ke Nohfohmpuh 2011 Liahona* |
|
Mei 2012–Ohktohpa 2012 |
Sramsram uh sihmlac ke Mei 2012 Liahona * |