Katak ko n̄an Tōre kein Ad
Katak ko ilo Jabōt emen an Priesthood eo an Melkisedek im Doulul eo an Kōrā naaj leļo̧k “Katak ko n̄an Tōre kein Ad.” Kajjojo katak maron̄ kepooji jān juon ak ruo iaan kōnono ko kar litok ilo kweilo̧k eo eļap ej kab jem̧ļo̧k ļo̧k (lale jaat eo ilaļ). Stake im district būreejtōn ro maron̄ kālet ewi wōt iaan kōnono ko rej aikuj in kōjerbali, ak remaron̄ in tilmake eddo in n̄an bisop ro im branch būreejtōn ro. Ritōl ro rej aikuj in kwaļo̧k aorōk eo ikijeen katak ko rej juon wōt ilo ejja Jabōt ko wōt n̄an em̧m̧aan ro rejitōnbōro ilo Priesthood eo an Melkisedek im jejtōr ro ilo Doulul eo an Kōrā.
Ro rej pād ilo katak ko ilo Jabōt-emen rej rōjan̄ n̄an katak im bōktok n̄an kūlaaj eo bok in kweilo̧k eo eļap ak katak eo jān māākjiin eo.
Ļōmņak ko n̄an Kōpooj juon Katak jān Kōnono ko
Jar bwe Jetōb Kwojarjar eo en pād ippam̧ ilo am katak im katakin kōnono eo (ko). Komaron̄ in ioon mālijon̄ n̄an kōjerbal kein katak ko jet ilo kōpooj katak eo, ak kōnono ko an kweilo̧k eo eļap kar kōnono em̧ōj kōmālimi. Jerbal eo am̧ ej n̄an jipan̄ ro jet ekkatak im mour kōn ko̧jpeļ eo kar katak kake ilo kweilo̧k eo eļap ej kab jem̧ļo̧k ļo̧k an Kabun̄ in.
Etale kōnono eo (ko), pukōt pedped ko im katak ko me renaaj tōpar aikuj ko an membōr ro an kūlaaj eo. Barāinwōt pukōt bwebwenato ko, eoon in jipan̄ ko, im kōmeļeļe ko jān kōnono eo (ko) me renaaj jipan̄ eok katakin m̧ool kein.
Kōm̧m̧ane juon laajrak eo kōn wāween katakin pedped ko im katak ko. Laajrak eo am̧ ej aikuj in kitbuuj kajjitōk ko me renaaj jipan̄ membōr ro an kūlaaj eo:
-
Pukōt pedped ko im katak ko ilo kōnono eo (ko).
-
Ļōmņak kōn meļeļeir.
-
Kwaļo̧k ippān doon meļeļe ko, ļōmņak ko, en̄jake ko, im naan in kam̧ool ko.
-
Kōjerbali pedped kein im katak ko ilo mour ko aer.
|
Katakin Katak ko an Allōn̄ ko |
Kein Katak ko an Jabōt-Emen |
|---|---|
|
Nobōm̧ba 2011–Eprōļ 2012 |
Kōnono ko rej jeje ilo Nobōm̧ba 2011 Liaona* |
|
Māe 2012–Oktoba 2012 |
Kōnono ko rej jeje ilo Māe 2012 Liaona* |