Osisechakl er Chelechal Taem

A suobel ra Melchizedek Priesthood ma Relief Society er sel ongeuang el Sandei a mo moterekokl el kirel a “Osisechakl er Chelechal Taem. A bek el suobel a sebechel mekedmokl el mengai ra tang malechub eng betok el cheldecheduch ra dirk mlo merek el klou el ongdibel. A remerreder ra stakes ma district a sebecherir el ngmilt a cheldecheduch el mo usbechall, malechub ete nguu tial ngerachel el mesterir a rebisop ma remerreder ra branch. A remerreder a kirir el meketeklii a klou el ultutelel el rodam ra Melchizedek Priesthood ma rodos ra Relief Society a mesuub ra osisiu el cheldecheduch ra osisiu el Sandei.

Tirkel tir a ngara omesuub er sel ongeuang el Sandei a kirir el suuebii e nguu a babilengir er sel dirk mlo merek el klou el ongdibel el mora klas.

Uldasou el kirel a Kedmeklel a Suobel el mengai ra Cheldecheduch

Moluluuch ma Chedaol Reng bo lobengkem sel mosuub e molisechakl a cheldecheduch. Ke locha mo soam el kudmeklii a suobel el ousbech a kuk bebil ra klekedall, eng di aikal cheldecheduch el mengai ra klou el ongdibel a mla moterekokl el molisechakl A ngerchelem a ngosuterir a rebebil el suuebii e mo oltirakl ra ebangkelio el ngii a mla mosisechakl ra ikel dirk mlo merek el meklou el ongdibel ra Ikelesia.

Mosuub aikal cheldecheduch, el osiik aikel suobel ma osisechakl el mo ngosuterir tirkel ngara klas. Dirrek el mosiik a cheldecheduch, bades ra chedaol llehcukl, ma tekoi el ngara ikal cheldecheduch el ngosukau el mo olisechakl aikal klemerang.

Mkedmeklii a teletael ra suobel el kirel osischeklel a suobel ma osisechakl. A teleltelel a suobel a kirel uldimukl er ngii a ker el mo ngosuterir a rengara klas:

Mosiik a suobel ma osisechakl ra chelsel aikal cheldecheduch.
Momdasou a belkul.
Mouchais a klemedengei, uldasou, blal suub, ma klaumerang.
Moltirakl aikal suobel ma osisechakl ra klengar tir.

Aikel Buil el Suobel a Mosisechakl	Klekedellel a Suobel ra Ongeuang el Sandei
Ongeteruich ma Tal Buil 2011–Ongeuang el Buil 2012	Cheldecheduch ra Ongeteruich ma Tal Buil 2011 el meluches ra Liahona*
Ongeim el Buil 2012–Ongeteruich el Buil 2012	Cheldecheduch ra Ongeim el Buil 2012 el meluches ra Liahona*