Agtutubo

Mangaramid iti Karit a Panagyaman

Da John Hilton III ken Anthony Sweat

Saantayo laeng nga agsao maipapan iti panangbilang kadagiti bendisiontayo—aramidentayo daytoy! Mangisurat iti listaan iti 100 a bambanag a pagyamyamananyo. No ipapanyo a kasla adu unay dayta, padasenyo daytoy:

1. Mangisurat iti 10 a pisikal nga abilidad wenno kabaelan ti bagi a pagyamyamananyo.

2. Mangisurat iti 10 a material a sanikua a pagyamyamananyo.

3. Mangisurat iti 10 a sibibiag a tattao a pagyamyamananyo.

4. Mangisurat iti 10 a pimmusayen a tattao a pagyamyamananyo.

5. Mangisurat iti 10 a banag maipapan iti nakaisigudan [nature] a pagyamyamananyo.

6. Mangisurat iti 10 a banag maipapan ita nga agdama a pagyamyamananyo.

7. Mangisurat iti 10 a lugar iti daga a pagyamyamananyo.

8. Mangisurat iti 10 a kabaruanan a partuat wenno imbension a pagyamyamananyo.

9. Mangisurat iti 10 a taraon a pagyamyamananyo.

10. Mangisurat iti 10 a banag maipapan iti ebanghelio a pagyamyamananyo.

No mangaramidtayo iti listaan a kas iti daytoy, matakuatantayo a ti listaan ti 100 ket rugi laeng ti amin a banag a naiteden ti Dios kadatayo.