2011
Ohiyac Tuhtahflah se ke Mukwikwi uh
December 2011

Pweng sin Mwet Forfor Luti, Tisacmpuh 2011

Ohiyac Tuhtahflah se ke Mukwikwi uh

Lutlutkihn kuhfa se inge ac, fin fal, sramsramkihn nuh sin tahmtahel kom muhtwacta yohroh an. Orekmakihn kihsen siyuck uh in kahsrwekom ahkkweye tahmtahel wiyom an ac in oruh U luhn Muhtwacn in Kahsruh uh in ip utuftuf se ke moul lom sifacna an.

Luhlahlfongi • Sucu • Kahsruh

Leum, Alu Lal, sucu uh, ac acn uh enenuh oruh luhn muhtwacn suwohswohs uh. Elder M. Russell Ballard ke U luhn Mwet Sap Singucul Luo el luti lah, “tahmtahel nuh kwewa ke Alu se inge suc orwaclah olwelah nuh sin Leum uh oasr kuh muhtahl lalos in kahsruh molwelah nguhna uh, in kol muhtwacn fin facluh, in ahkkweye lom sin Saion, ac in muhsahi tohkohsrahi luhn God.”1

Kuhtuh tahmtahel uh kuh in motko lah elos kuh in orwaclah kain enenuh yohk inge. Tuhsruhk ke Eliza R. Snow (1804–87), prestuhn luhlahp se ahkluo ke U luhn Muhtwacn in Kahsruh, el ahkkahlwemye lah “Wacngihn tahmtahel ma srwenglah na pwacye, ac acn sel oasrihksrihk tuhsruhk ma el kuh in oruh yohk uh pac in akiyac Tohkohsrahi luhn God fin facluh.”2 Tahmtahel Snow el luti pac lah U luhn Muhtwacn in Kahsruh akwucki “ke oreklac ke orekma wo ac fuhlwact nuh kwewa.”3

Wi ke U luhn Muhtwacn in Kahsruh uh ahkyohkye ohiyacn acn sesr uh in sang kais sie tahmtahel pacl wowo in muhsahi luhlahlfongi, in ahkkweye sucu ac lohm uh, ac in sang kuhlwacnsap nuh in lohm ac nuh fin facluh nohfohn. Ac koluk ohiyac, kuhiyacsr kais sie ac in oacna U luhn Muhtwacn in Kahsruh uh tiac enenuh in yohk ac kahfofo, tuhsruhk elos enenuh in luhmweyucklac ac orekma pacl nuh kwewa. Oruh suwohswohs ma oacna in kais sie pruhe kuh pruhe luhn sucu uh, lutlutkihn ma suhmuhslah ke lwen nuh kwewa, ac ahkfalye kunohkohn ke Alu uh fah kahsruh ahkyohkye luhlahlfongi ac muhsahi tohkohsrahi luhn Leum.

Nuh sin tahmtahel ma motko lah fin luhman mwe kahsruh inge oasr eklac kac, Elder Ballard el ahkkweye: “Tahmtahel nuh kwewa suc oruh ma pwacye ac suwohswohs uh ahksrihkyelah ohiyac luhn ma koluk. Tahmtahel nuh kwewa suc ahkkweyeyuck ac loango sucu lal uh pa oruh orekma luhn God uh. Tahmtahel nuh kwewa suc moul oacna sie muhtwacn luhn God orwaclah sie lahm kahlwem nuh sin mwet sahyac in ukwe ac yuki fihtacn ohiyac suwohswohs ma fah kosracni ke yac singucul puhkantwen fahsruh uh.”4

Ke Ma Suhmuhslah

1 Mwet Korint 12:4–18; 1 Timothy 6:18–19; Mosiah 4:27; Ip Yohk ke Luhlahlfongi 1:13

Ke Ma Mahtuh Lasr

Eliza R. Snow, suc tuh oruh sie mwet sihm ke pacl se U luhn Muhtwacn in Kahsruh uh tuh oreklac fin acn Nauvoo ah, tuh pahngyak sel Prestuhn Brigham Young (1801–77) in forfor ke Alu uh, kahsruh pisap uh in orwaclah U luhn Muhtwacn in Kahsruh uh ke ward lalos an.

Tahmtahel Snow el luti lah: “Fin kuhtwena tuhlihk muhtwacn ac ninac Israel uh puhla ahksrihkyactwen [srihkkihnyuck] ke acn elos muhta we an, elos ac fah konwacack srihsrsrihsr fal nuh ke kuh nuh kwewa ac kuh in oruh ma wo suc ma elos sukohsohk in fosrngahkihn. … Prestuhn Young el ekuhllah ki nuh ke ohiyacn mukwikwi sralacp ac tuhtahflah se ac oasr srihpac.”5

© 2011 sel Intellectual Reserve, Inc. Kuh ac suwohs nuh kwewa fihliyucki. Sihmlac fin acn USA. Ahkkweyeyucklac ke kahs English: 6/10. Ahkkweyeyucklac ke lweng: 6/10. Lwenglah luhn Visiting Teaching Message, December 2011. Kosraean. 09772 868

Mwe kahsruh

  1. M. Russell Ballard, “Muhtwacn luhn Ma Suwohswohs,” Liahona, Tisacmpuh 2002, 39.

  2. Eliza R. Snow, “An Address,” Woman’s Exponent, Septempuh 15, 1873, 62.

  3. Eliza R. Snow, “Female Relief Society,” Deseret News, Eprel 22, 1868, 81.

  4. M. Russell Ballard, Liahona, Tisacmpuh 2002, 39.

  5. Eliza R. Snow, Deseret News, Eprel 22, 1868, 81.

Meac Nga Kuh in Oruh uh?

  1. Nga ac kuh in kahsruh fuhkah tahmtahel nga muhtwacta yohroh in akihlen ac oruh kuhiyaclos in oruh sie ohiyac suwohswohs?

  2. Nga ac orekmakihn fuhkah mwe sang wowo ac talan uh in ahkinsewowoye mwet sahyac?