2011
Juon Jon̄an M̧akūtkūt
Tijem̧ba 2011

Ennaan an Jerbal in Loļo̧k an Kōrā, TIJEM̧BA 2011

Juon Jon̄an M̧akūtkūt

Katak kōn kein katak in im, n̄e ekkar, ekōnono kake ippān jejtōr ro kom̧ij loļo̧k. Kōjerbal kajjitōk ko n̄an jipan̄ eok kōkajoorļo̧k jejtōr ro am̧ im n̄an kōm̧m̧an bwe Doulul eo an Kōrā ro en m̧ōttan eo emourur tata ilo mour eo am̧ make.

Tōmak • Baam̧le • Doulul

Irooj eo, Kabun̄ eo An, baam̧le ko, im jukjukin pād ko rej aikuj kareel eo an kōrā ro rewāppen. Ilo m̧ool, Eļtōr M Russell Ballard jen Doulul eo an Jon̄oulruo Rijilōk ro kar katakin menin: “aolep jejtōr ilo Kabun̄ in ro rekar kōm̧m̧an bujen ko ippān Irooj ewōr juon aer eddo ekwojarjar n̄an jipan̄ lo̧mo̧o̧ren jetōb ro, n̄an tōl ļo̧k kōrā ro ilaļ in, n̄an kōkkajoorļo̧k m̧ōko ilo Zaion, im n̄an kalōk aelōn̄ eo an Anij.”1

Jet jejtōr ro remaron̄ bwilōn̄ eļan̄n̄e remaron̄ kōttōprak jibadbad ko reutiej. Ak āinwōt Eliza R. Snow (1804–87), kein karuo būreejtōn eo eutiej an Doulul eo an Kōrā, ekar kōmeļeļeik, “peļakin eādik ak emaron̄ kōm̧m̧ane juon men eļap: an kareel edik bwe ejjab maron̄ kōm̧m̧ane men eo eļap.”2 Jejtōr Snow ekar barāinwōt katakin bwe Doulul eo an Kōrā ekar ejaak “n̄an tōpar eo an aolep jerbal em̧m̧an im jerbal utiej.”3

Bōk kuņaad ilo Doulul eo an Kōrā ej kōļap ļo̧k eria ko ad kōn kareel jen leļo̧k n̄an kajjojo jejtōr iien ko rem̧m̧an n̄an kalōk tōmak, n̄an kōkkajoorļo̧k baam̧le ko im m̧ōko, im n̄an kōm̧m̧an jerbal in jipan̄ ko jim̧or ilo m̧weo im peļaakin laļ in. Im ilo m̧ool, kijejeto ko ad āinwōt kajjojo im āinwōt Doulul ko an Kōrā rejjab aikuj kilepļo̧k im kajoor, ak rej aikuj kile im kea im jejjet. Kōm̧m̧an ko rewāppen āinwōt jar aolep iien an kajjojo im baam̧le, katak jeje ko rekwojarjar aolep iien, im aolep iien kōļapļo̧k kūr ko ad ilo Kabun̄ naaj jipan̄ kōļapļo̧k tōmak im kalōk aelōn̄ eo an Irooj.

N̄an jejtōr ro rej bwilōn̄ eļan̄n̄e men kein reddik aer kōm̧m̧ane juon oktak, Eļtōr Ballard ekar kam̧ool: “Aolep jejtōr ro rej jutak kōn m̧ool im wāppen rej kadikļo̧k kareel an eo enana. Aolep jejtōr ro rej kōkkajoorļo̧k im kōjparok baam̧le eo an ej kōm̧m̧ane jerbal eo an Anij. Aolep jejtōr ro rej mour āinwōt juon kōrā an Anij ej erom̧ juon meram̧ n̄an ro jet n̄an ļoor im katōk inne ko an kareel ewāppen me enaaj totak jon̄oul iiō ko rej itok.”4

Jān Jeje ko Rekwojarjar

1 Korint 12:4–18; 1 Timote 6:18–19; Mosaia 4:27; Lajrak in Tōmak 1:13

Jān Bwebwenato eo Ad

Eliza R. Snow, eo ekar jerbal āinwōt rijeje ke Doulul eo an Kōrā ekar ejaak ilo Nauvoo, kar kūr jen Būreejtōn Brigham Young (1801–77) n̄an etal peļaakin laļ in, jipan̄ bisop ro ejaake Doulul eo an Kōrā ilo ward ko aer.

Jejtōr Snow ekar katakin: “Eļan̄n̄e elōn̄ iaan leddik ro nejimi im m̧am̧a ro ilo Israel rej en̄jake jon̄an eo edik [ejabwe] ilo eria ko aer, renaaj kiiō pukōt jon̄an eo eļap ļo̧k kōn aolep kajoor im maron̄ n̄an kōm̧m̧an em̧m̧an kōn ta eo rej leļo̧k n̄an bōk. … Būreejtōn Young ekar kōpeļļo̧k kii eo n̄an juon eria eo edepakpak im kilep an m̧akūtkūt im wortokjen.”5

© 2011 jen Intellectual Reserve, Inc. Aolep jim̧we rej pād ippān. Jeje ilo Amedka. Kōmālim ilo kajin English: 6/10. Kōmālim an Ukook: 6/10. Ukook eo an Visiting Teaching Message, December 2011. Marshallese. 09772 874

Kakememej ko

  1. M. Russell Ballard, “Women of Righteousness,” Liahona, Tij. 2002, 39.

  2. Eliza R. Snow, “An Address,” Woman’s Exponent, Jeptōm̧ba. 15, 1873, 62.

  3. Eliza R. Snow, “Female Relief Society,” Deseret News, Epr. 22, 1868, 81.

  4. M. Russell Ballard, Liahona, Dec. 2002, 39.

  5. Eliza R. Snow, Deseret News, Apr. 22, 1868, 81.

Ta Eo Imaron̄ Kōm̧m̧ane?

  1. Ekōjkan imaron̄ jipan̄ jejtōr ro ij loļo̧k kile im m̧akūtkūt kōn jon̄an maron̄ eo aer n̄an erom̧ juon kareel ewāppen?

  2. Ekōjkan imaron̄ kōjerbal menin letok ko rejenolo̧k im taļōn ko n̄an kōjeram̧m̧an ro jet?

Būriin