Klumech er a Oldingel e Olisechakl, Ongeteruich ma Ongerung el Buil 2011

Meteu el Teletael er a Omeruul

Mosuub er tial klumech, ea di lungil, e msodii lobengterir a rodos el moldingel er tir. Mousbech aikel ker el smisicheterir a rodos e dirrek el rullii a Cheldebechel er a Rolngeseu meng mo klou a belkul er a klengar kau.

Klaumerang • Telungalek •Ngeseu

A Rubak, me a Ikelesia er Ngii, me a retelungalk, me a beluu ousbech a ungil okesiu er a remelemalt el redil. Ng klemerang, ele Elder M. Russell Ballard ra Chelechad er a Teruich me a Terung el Apostol a ulisechakl el kmo, “a bek el odos el ngar tial Ikelesia el mla nguu a telbiil el obengkel a Rubak a mla nguu a cheledaol el kengei el mo olsobel a klengar, mo omekrael er a redil er tial beluulechad, mo melisiich er a delengchokl er a Zion, e mo meleketek er a rengedel a Dios.”¹

A rebebil er a rodos a locha mo melbedebek el kmo ng mekerang a lekedmeklii tial meringel el moktek. Eng di a Eliza R. Snow (1804–87), el mle ongerung el merreder er a cherrengelel a Relief Society, a silodii el kmo, “Ng diak a odos el cheloit, malechub el ngara chibutek el beluulechad ng bai ikel sebechel remuul el kirel okedmeklel a Rengedel a Dios er a beluulechad.”² A Sister Snow a dirrek el ulisechakl el kmo a Relief Society a milkedmokl “el kirel okedmeklel a bek el ungil e chetengakl el ureor.”³

Sel doruul aikel omeruul er a chelsel a Relief Society eng mekengii osenged leng mesterir a techall a bek el odos el mo melisiich a klaumerang er tir, melisiich a telungalk ma rekeblirir, e mo uchul omesiou er a chelsel a rekeblirir me a beluulechad. E klengeltengat, el blak el reng er a derstang el chad me a Relief Society a diak el kired el mo kurusii er ngii, ng bai mo kebekakl e di blechebech. Aikel melemalt el omeruul el uaia nglunguuch er a derstal chad me a telungalk, omesubel chedaol llechukl, me a blak el reng er a ngercheled er aIkelesia a mo smisichii a klaumerang er kid e toketekii a rengedel a Rubak.

Me tirkel odos el omdasou el kmo aikel mekekerei loruul ngarngii a lerellii, ea Elder Ballard a milketeklii el kmo: “A bek el odos el dechor el kirel a klemerang me allemalt a ngosengesii a klisichel a cherarou. A derstang el odos el melisiich e omecheliu er a telungalk er ngii a meruul a urerel a Dios. A bek el odos el oltirakl er a Dios a mo okesiu el mora rebebil el mo oltirakl e melalem er a tane er a llemalt el ngii a bo loridm a redechel er a chelsel aikel rak el merael mei ruriul.”⁴

Ngara Chedaol Llechukl

1 Korint 12:4–18; 1 Timoteus 6:18–19; Mosiah 4:27; Tebechelel a Klaumerang 1:13

Ngara Reksi er Kid

A Eliza R. Snow, el mle melchesel a Relief Society er a Nauvoo, a mlokedong er a President Brigham Young (1801–77) el mo merael lomais lomes a Ikelesia, e olngeseu er a rebisop el mekdubech a Relief Society er a ikel ward el lengarngii.

A Siter Snow a ulisechakl el kmo: “A ngii dil ngalek el redil er a Zion malechub a chedil er a Israel a omelchesiu er ngii el diak a ngerang el rellii, e chelechang eng techellir el mes aikel rokui el klisiich me a duch er tir el meruul a ungil el tiaikid a kmal ngerchelir. …A President Young a mla nguu a kiis el loidir el mora meteu el teletael er a omeruul me sel ngii a usbechellel.”⁵

© 2011 lokiu a Intellectual Reserve, Inc. Urrekodel a rokui el klisiich. Milluches er a USA. Kengei er a English: 6/10. Kengei er a oidel: 6/10. Oidel a Visiting Teaching Message, December 2011. Palauan. 09772 881

Ngerang Sebechek el Rulii?

Ak mekerang e ngosuterir a rodos el kuldingel er tir el mo mtab e ngara omerellel a llemalt el okesiu el mora rebebil?
Ak mekerang e ousbech aikel sengk ma duch er ngak el mo omekngeltengat er a rebebil?