Ngeasek
Diak Ko Medakt Lotekengelii a Ses el Eolt
Ongerung er a klebesei er a stakeYoung Women camp er kemam, eng meral mle klou a chull me a ses el eolt. Tial ward er ngak a mlarngii a kmeed el lluich me a teuang el ngeasek el redil me a reterung el oungerachel er kemam, me a ki mle kaiuetitech er chelsel a kekerei el blai. Ng kmal mle osebelab el chull, me a eolt a di merael mo mesisiich. Ak millemolem el omeklatk er ngak el kirel a nglunguchel a merreder er a stake er kemam el ledillii ruchei. Aki dirrek el mlo dmak e milluluuch er a chelsel tial kekerei el blai, me ngak me ak dirrek el dillii a kuk di nglunguchek.
Betok er tirkal ngalk el redil a mlo medakt, e mle bleketakl a uchul a dektir. Tial kekerei el blai a dimlak el mesisiich, e kemam a mle kmeed er a omeuachel. Chelsel a lluich el b ung eng kmal mesesengang a eolt me a kichiliis el mora ikal mekekerei el blirir tirkal couselors er kemam, el ngii a mlara kedidai el chutem. A merreder er a stake a dillii a tara nglunguuch, ea ki milngitakl a chelitakl er a ikelesia, chelitakl er a Primary, me a chelitakl er a camp el kora mengelaod er kemam. Oi, a ki mle medakt, eng di aki mle medengei el k mo a rokui el tekoi a di mo ungil besul. Uriur er a okedei el bung eng mocha sebechemam el muut el mora ikal mekeekrei el blimam.
Uriur ea ki mlo medengei el kmo ngera dilubech er tial ses el eolt el mlarngii er a kesus. Ngulebii el mo teblong el ses el eolt. A chimong a milliuekl er kemam el bedul a kadikm ea chimong a bedul a katur. Sel mlei er kemam a diak el sel ngii a kmal mesisiich!
Ak medengei el kmo a Dios a rirenges a nglungucham er sel kesus e Ngii a ulemecheliu er kemam er sel ringelel tial eolt. Ngera uchul me a ses el eolt obii alsekum a Dios a diak a usbechellel er ngii? Ak medengei el kmo chelsel a ses el eolt er a klengar, eng sebeched el meluluuch el mora Chedam er a Babeluades e Ngii a remenges e onger er kid, e meskid a blak el reng me a sebechekled el dousbech el mora ulebongel.