Klumech er a Oldingel e Olisechakl, Kot el Buil 2012

Omes e Olngeseu lokiu a Oldingel e Olisechakl

Mosuub er tial klumech, ea di lungil, e msodii lobengterir a rodos el moldingel er tir. Mousbech aikel ker el smisicheterir a rodos e dirrek el rullii a Cheldebechel er a Rolngeseu meng mo klou a belkul er a klengar kau.

Klaumerang, Telungalek, Ngeseu

“A Bliochel el Beltik el reng almuut el ngarbab a [belkul] er a di chubechub,” el ulisechakl er ngii a President Henry B. Eyring, Kot el Counselor er a First Presidency. “A Bliochel el Bletik el Reng a mokdubech lokiu a klaumerang er a Rubak el Jesus Kristo e olchotel a Tngakireng er Ngii.”¹ Mora rodos er a Relief Society, ea oldingel e olisechakl a olchotel a beltik el reng, el klou a belkul el olchotel a klaumerang er kid er a Osobel.

Ngokiu oldingel e olisechakl, e kede mesterir a bek el odos, ouchais er tir er a klemechel ebangkelio, e osiik el mo medengei a usbechellel me a telungalk er ngii. “A Oldingel e olisechakl a mo urerel a Rubak alsekum ea moktek er kid a ngara rechad e diak el basent,” el silodii a Julie B. Beck, merreder er a cherrengelel a Relief Society. “A merang er ngii, a oldingel e olisechakl a diak bol merek. Ng telengtengil a klengar e diak el ureor. A blak el reng er kid el mesiou lokiu oldingel e olisechakl a olchotel a meral chedal a Osobel.”²

Me sel de blechoel ngara nglunguuch e dorael loldingel, eke de mo meduch el olngeseu er a ikel usbechellir a bek el odos me a telungalk er ngii. Ng betok a teletael er a tekoi er a olngeseu—a bebil a meklou ea bebil a diak el sal meklou. “Oumesingd el mekekerei el teletael er a omesiou a sobecheklii e klengeltengat el mora tang: ker el kirel a tara chad er a telungalk er ngii, tekoi el smisichii a rengul, chotengii a chad, kekerei el llechukl loureng a saul, kedeb el okedong er a dengua,” a lulsisechakl a President Thomas S. Monson. “Alsekum e kede omtab e kerekikl, e oltirakl er a odbechel a reng el mei er kid, eng sebeched el kudmokl a betok el klungiaol. …Ng diak el mochur el teletael er a omesiou a bla lekedmokl a robdois el odos er a Relief Society.”³

Ngara Chedaol Llechukl

Johanes 13:15, 34–35; 21:15; Mosiah 2:17; Doctrine and Covenants 81:5; Moses 1:39

Ngara Reksi er Kid

Sera 1843, ea rechad er a Ikelesia el mlara Nauvoo, Illinois, a ulebii el mo kleuang el wards. Ea Ongeuid el buil er a osisiu el rak, ea roungeachel er a Relief Society a milkdebechii a chelechad er a reteuang el odos el mo oldingel a bek el ward. A ngerchelel tial chelchad a uldimukl er ngii a omes a ngelsengesir a rechad e melai a ngesou. Ea Relief Society a ousbech aikal ngesou el mora remechebuul.⁴

Meng uaisei el tirkel loldingel e olisechakl a dikea lolai a ngesou, eng di te melemolem el lobang a ngerachel el omes a ngelsengesir a rodos—er a chedaol tekoi me a tekoi er a klechad—e oureor el kirel aikal ngelsengesir.. A Eliza R. Snow (1804–87), ongerung el merreder er a cherrengelel a Relief Society, a silodii el kmo: “A sensei… a kmal kirel loba Reng er a Rubak, sel bol siseb er a blai el mo medengei el kmo ngera el reng a bo lebetik er ngii er a chelsel. …Molengit er medal a Dios me a Chedaol Reng me bo mobang a [Reng] me bol sebechem el mo medengelii sel reng el ngii a ngara chelsel a blai…me ke mo omelchesiu er kau el melekoi a tekoi er a budech me a ongelaod, ea lsekum eke metik er a odos el smecher, e mochulii el diuaia sel mochulii a ngalek e mongeald er [ngii].”⁵

© 2012 lokiu a Intellectual Reserve, Inc. Urrekodel a rokui el klisiich. Milluches er a USA. Kengei er a English: 6/11. Kengei er a oidel: 6/11. Oidel a Visiting Teaching Message, January 2012. Palauan. 10361 881

Ngerang Sebechek el Rulii?

Ngera ak meruul er ngii el ngosuterir a rodos er ngak el mo omelchesiu el kmo ak sechelirir e omekerreu er tir?
Ak mekerang e mo ungil omes e omekereu er a rebebil?