Lamharon
Akon Pangamuyo sang Pagtuo
Sang nagaedad ako 18, nagtrabaho ako sa isa ka tindahan sang mga muebles bilang isa ka tindero. Ang skedyul sang akon trabaho tuman ka budlay. Nagtrabaho ako halin 8:00 sang aga tubtob 10:00 sang gab-i, Lunes hasta Sabado. Nasubuan ako bangod indi ako makapartisipar sa institute kag mga kahiwatan sang Simbahan.
Nagsugod ako sa pagpangamuyo sa Amay nga Langitnon nga may dako nga pagtuo agud pangabayon Siya nga buligan ako sa pagpangita sang obra sa diin indi ako kinahanglan magtrabaho kon Sabado agud makalakat ako sa institute kag iban pa nga mga kahiwatan.
Isa ka adlaw sa obra ginabuligan ko ang isa ka lalaki. Nagasugilanonay kami, kag nagsiling sia nga nagatrabaho sia sa isa ka dako nga bangko. Ginpamangkot ko kon paano ako makasulod kag makaobra sa sini nga negosyo. Ginhatagan niya ako sang iya ngalan kag numero sang telepono kag ginsugiran ako nga pwede ko tawgan ang recruiter kag hambalon nga kilala ko sia (ining lalaki). Nagkadto ako sa bangko kag nagkuha sang kinahanglanon nga mga eksaminasyon. Nakapasar ako kag nagsugod sa pagtrabaho anom ka oras sa isa ka adlaw halin Lunes tubtob Biyernes nga nagakita sing tatlo ka beses ikomparar sa ginakita ko sadto anay.
Nakahibalo ako nga ang Ginuo nagagiya sa aton kon maghandum kita nga ipahamtang Sia nga una. Padayon Niya ako nga ginagiyahan sa karon. Nakahibalo ako nga ang prinsipyo sang pangamuyo matuod.