Jodikdik ro
Aō Jar in Tōmak
Ke Iaar 18, Iaar jerbal ilo juon m̧ōn wia kōbwebwein lowaan em̧ āinwōt juon ruwia kake. Jikejuuļ in jerbal eo Aō eaar kanooj pen. Iaar jerbal jān 8:00 a.m. n̄an 10:00 p.m., M̧ande n̄an Jādede. Iaar būrom̧ōj kōnke Iaar jab maron̄ in bōk kuņaō ilo institute im m̧akūtkūt ko an Kabun̄ in.
Iaar jino jar n̄an Jemedwōj Ilan̄ kōn juon tōmak eļap n̄an kajjitōk Ippān n̄an jipan̄ eō lo juon jerbal me Ijjab aikuj in jerbal ilo Jādede ko bwe In maron̄ etal n̄an institute im m̧akūtkūt ko jet.
Juon raan ilo jerbal Iaar jipan̄ juon em̧m̧aan. Kōm kar jino kōnono, im eaar ba eaar jerbal ilo juon bank eļap. Iaar kajjitōk ekōjkan Aō maron̄ in jiae n̄an jerbal eo epeļļo̧k ilo pejnej in. Eaar letok etan im taļboon nōm̧ba eo an im jiron̄ eō Imaron̄ kūr ļo̧k armej eo ej bōk eddo in kōjerbal armej im ba Ijeļā kajien. Iaar etal n̄an bank eo im kar kōm̧m̧ani teej ko remenin aikuj. Iaar pāāj im kar jino jerbal jiljino awa juon raan M̧ande n̄an Bōļaide, kōļļā jilu kōttan an ļapļo̧k jān ta eo Iaar kōļļā m̧okta.
Ijeļā Irooj ej tōl kōj n̄e jej ikirelel n̄an likūt E m̧okta. E ej tōl eō aaet rainin. Ijeļā kōn pedped eo kōn jar ej m̧ool.