Naan in Katak an Kōrā, Pāpode 2012

Rikejparok ro an M̧weo

Katak kein katak in im, n̄e ekkar, ekōnono kake ippān jejtōr ro kom̧ij loļo̧k. Kōjerbal kajjitōk ko n̄an jipan̄ eok kōkajoorļo̧k jejtōr ro am̧ im n̄an kōm̧m̧an bwe Doulul eo an Kōrā en m̧ōttan eo emourur tata ilo mour eo am make.

Tōmak, Baam̧le, Deeor

“Kom̧ij rikejparok ro an m̧weo,” Būreejtōn Gordon B. Hinckley (1910–2008) eaar ba ke eaar kōmeļeļeik “Baam̧le Eo: Juon Kean̄ n̄an Laļ in” ilo kweilo̧k eo eļap an Doulul eo an Kōrā ilo 1995. “Kom̧ij rikieotak ajri ro. Kom̧ij ro rej kōkkajiriri er im ejaake ilo er iminene ko an mour ko aer. Ejjeļo̧k bar jerbal ekwojarjar in wōt kōkkajiririk ļaddik im leddik ro nejin Anij.”¹

Ium̧win 17 iiō ko kiiō kean̄ in em̧ōj an kar kapenļo̧k bwe jerbal ko ad raorōk tata rej ioļapļap in kōkajoorļo̧k baam̧le ko im m̧ōko—jekdo̧o̧n ta jekjek ko ad kiiō. Barbara Thomas, rikakipilōklōk eo kein karuo kiiō ilo būreejtōnji eo eļap an Doulul eo an Kōrā, kar pād ilo Salt Lake Tabernacle eo ke Būreejtōn Hinckley ekar jinoin tata riiti kean̄ eo. “Eaar juon iien eļap,” e ej kememej. “Iaar en̄jake aorōk eo an ennaan eo. Iaar barāinwōt lo aō make ļōmņak, ‘Menin ej juon tōl em̧m̧antata n̄an ro jemen im jinen. Ej barāinwōt juon jerbal ļapļap n̄an ro jemen im jinen.’ Iaar ļōmņak jidik bwe eaar jab lukkuun ļap an jejjet n̄an n̄a kōnke Iaar jab m̧are im kar ejjeļo̧k nejū ajri. Bōtaab eaar kanooj m̧ōkaj Aō ļōmņak, ‘Bōtaab ejjab jejjet n̄an n̄a. Ij juon uwaan juon baam̧le. Ij juon leddik, juon jejtōr, juon jinen kōrā, juon leddik rilikin, juon leddik man̄den, im juon leddik jibwin. Ewōr aō jerbal ko—im kōjeram̧m̧an ko—kōnke Ij juon uwaan juon baam̧le. Men̄e eļan̄n̄e Iaar juon uwaan baam̧le emour an baam̧le eo aō, Ij wōt juon uwaan baam̧le eo an Anij, im ewōr juon Aō jerbal n̄an jipan̄ kōkajoorļo̧k baam̧le ko jet.’”

Jeram̧m̧aneo in, jejjab makeļo̧k iaad ilo kijejeto ko ad. “Jipan̄ eo eļaptata,” Jejtōr Thompson ej ba, “enaaj wōr ippād ilo kōkajoorļo̧k baam̧le ko ej n̄an jeļā im ļoor katak ko an Kraist im pedped Ioon n̄an jipan̄ kōj.”²

Jān Jeje Ko Rekwojarjar

Jabōn Kōnnan Ko 22:6; 1 Nipai 1:1; 2 Nipai 25:26; Alma 56:46–48; Doctrine and Covenants 93:40

Jān Bwebwenato eo Ad

“Ke Jejtōr Bathsheba W. Smith eaar jerbal āinwōt kar būreejtōn eo eutiej kein kemen an Doulul eo an Kōrā [jān 1901 n̄an 1910], eaar lo juon aikuj n̄an kōkajoorļo̧k baam̧le ko, im kōn menin eaar ejaake katak ko an jeļāļo̧kjeņ an m̧am̧a (mother education lessons) n̄an jejtōr ro ilo Doulul eo an Kōrā. Katak ko eaar koba kapilōk ilo m̧are, lale kōrā ro rōbōro̧ro, im kōkkajiriri ajri. Katak kein kar rejtake katak ko an Joseph F. Smith kōn Doulul eo an Kōrā jipan̄ kōrā ro ilo jerbal ko aer ilo m̧weo:

“‘Jabdewōt jikin eo ewōr kowaan ie ak juon dik in meļeļe ikkijien baam̧le, eddo ko an baam̧le, ikkijien eddo ko me rej aikuj waļo̧k im bwe ejejjet aer waļo̧k ikōtaan ļeo im lio pālele im ikōtaan ro jemen im jinen im ajri ro, en̄in ej doulul eo ej pād ak ej epaak, im kōn menin letok ko ilo jetōb im im̧we me rej iookļo̧k doulul eo raar kōpooj im pojak n̄an letok naan in kōmeļeļe ikkijien jerbal ko raorōk.’”³

© 2012 jen Intellectual Reserve, Inc. Aolep jim̧we rej pād ippān. Kar jeje ilo Amedka. Kōmālim kajin Pālle eo: 6/11. Kōmālim Ukook eo: 6/11. Ukook eo an Visiting Teaching Message, February 2012. Marshallese. 10362 874

Ta Eo Imaron̄ Kōm̧m̧ane?

Ekōjkan Aō maron̄ jipan̄ jejtōr ro Ij mije er n̄an kōkajoorļo̧k baam̧le ko?
Ekōjkan Aō maron̄ juon kareel eo ejim̧we ilo baam̧le eo aō?