Ngeasek
Nglunguchek er a Klaumerang
Sera ak teruich me a eiai a rekik, eak ulureor el olterau a klalou er a stouang. A temel a urerek a kmal mle chetituokel. A kureor er a eiai el klok er a tutau el mo teruich el klok er a klebesei, er a Kot el lureor el mo Sabadong. Ng ual blol mekngit a renguk leng mlo diak el sebechek el ngara institute me a bebil er a omeruul er a Ikelesia.
Me ak mocha meluluuch el mo er a Demad er a Babeluades lokiu a klaumerang el olengit er Ngii me lengesukak el mo sebechek el metik er a ungil ureor el diak kureor al Sabadong meng mo sebechek el mo er a insistute me a ikel kuk bebil er a omeruul er a Ikelesia.
A ta er a sils er a urerek eak ulengeseu ra chad. Ma ki ulemuchel el kadecheduch eng mocha ouchais el kmo ngoureor er a ta er a kmal klou el bank. Me a kuleker er ngii el kmo ak mekerang e mosebechek el soiseb er tial ureor. Meng milskak a ngklel me a dengua er ngii e dilu er ngak el kmo ak mo omekedong el mo er ngkel olsiseb er a rechad er a ureor el kmong medengelkak. Me ak mlo er a bank e mlo meruul a meklou a ultutelel el babier. Ak mlo ungil mak mocha omuchel el oureor el elolem el sikang ra tal sils ra Kot el ureor el mora Ongeim el ureor, el edei el chachisois a ududek er sel dimla urerek.
Ak medengei el kmo a Rubak a omekrael er kid al sekum e kede Nguu el mo ruchei er a rokui el tekoi. Ngii omekrael er ngak er chelechal sils. Ak medengei el kmo a ngunguuch a klemerang.