Klumech er a First Presidency, Ongerung el buil 2012
Orrimel er Tir el Meluluuch
Sera ak ngalk, ea rechad ra blik lokiu okesiu er tir a ulsisecheklak el meluluuch. A kulemdasu el kmo a Chedam er a Babeluades a kmal cheroid. Ea kurael klungang, ea teletael ra nglunguchek a mlengodech.. A siasing er a uldesuek a mla mo medengelii a Chedam ra Babeluades el kmeed, el bleiull ra llomes, e kmal ungil medengelkak.
Sel milngodech el ual rirelak el mo klou a klaumerang er ngak el kirel a Joseph Smith sel ual chais el mle el ngodechii er a rak er a 1820 er a beluu er a Manchester, New York, a klemerang:
“Ak milsa llomes el mei er a bebul a bteluk, el muut el dmiich ra didichel a sils, el ua blel betengel el mei er ngak.
“Misei er a lemei er ngak, eak miltik er ngak el mla mengubet ra cherarou el ulereked er ngak. Ma lemermang er ngak a llomes eak milsterir a reterung el chad, el llomes ma klebkall lobang a diak a ngii dil ngerang el smodii, e dilechor ra melaongel. A ta er tir a milngedecheduch er ngak, el ulemekedong ra ngklek, e melutk ra chimong—Ngika Betik ra Renguk el Ngelekek el Sechal. Mrengesii!” (Joseph Smith—History 1:16–17).
A Chedam er a Babeluades a mlar tial oreomel er tial mle tokubets e klebokel sils. Ng uleker er a ngklel a Joseph. E Ngii a ulechotii a mla mekiis ra kodall el Osobelel a beluulechad el Ngii a “Betik ra Rengul Ngelekel Sechal.” Ngii dil taem ra ngii dil ker ea omoluluuch, ea klaumerang er kau er tial klemerang e klebokel el teletael a mo omekngeltegnat er kau.
A Chedam el doluluuch el mor ngii a chetengakl el Dios el milebii a beluulechad lokiu a Betik ra Rengul Ngelekel Sechal. Ngii a remenges a nglunguched el diuaia Ngii el rirengesii a nglunguchel a Joseph—el kmal bleketakl el diuia lemedung er Medal. Ngii a kmal betik a rengul er kid me nguldersii a Ngelekel Sechal el mo Osobeled. Ng okiu tial sengk e Ngii a rirelii meng mo sebeched el mo ngar el mora ulebongel e mo nguu a diak a ulebengelel klengar. Ng milleskid a techall, el meluluuch el okiu a ngklel a Ngelekel Sechal, el techall el mengedecheduch lobengkel er sel soad el taem er tial klengar.
A robang a priesthood ra Ikelesia er a Jesus Kristo er a Uriul-klebesei el Santo a obang chedaol ngerachel el mo “oldingel a rekeblirir a rebek el chedal a ikelesia, e orrimel er tir el mo meluluuch el meklou a ngerir malechub ete berrotel” (mesa D&C 20:47; smisichii a belkul).
Ngar ngii a betok el rolel a dorrimel er a ngii dil chad el meluluuch. El ua ikakid, ng sebeched el ouchais el kmo a Dios a mla kmu er kid me de blechoel meluluuch, malechub eng sebeched el ouchais okesiu ra chelsel chedaol llechukl ma ikel kuk mla duubech el teletael el kirel a klengeltengat el mei lokiu a nglunguuch ra omereng el saul, ongit, ma kerid. Okesiul tiang, ng sebechek el ouchais el kmo ak medengei el kmo a Chedam ra Babeluades onger a nglunguuch. Ak mla ngmai a ulekrael ma ongelaod ra tekoi el mei ra uldesuek, mak medengei lokiu Chedaol Reng el kmo aikal tekoi a mlara Dios el mei.
A Prophet Joseph Smith a mlo er tial teletael, mekau meng sebechem. Ngii a ngiluu a nger el okiu a nglunguuch.
A Dios a mle yaksok er ngii a budech el mora chelsel a rengul ea ringel ma ongarm el ngarngii a di telkib el taem.
Ng dilu er ngii el kmo alsekum e ngotekangel aikal ringel ma ongarm, ea Dios a mo kobkellii er bab (mesa mesa D&C 121:7–8).
Tiang a mle ocholt ra oubeltik el reng el Chedam el mora klou a klaumerang er ngii el ngelekel el ngara ringel. A rokui el ngelekel a Dios a kmal sebecherir el meluluuch el mor Ngii. Ng diak a ngodech el teletael ra nglunguuch el klou a klisichel el mei er ngak el uaia sel kumelchesiu ra beltik el reng ma llomes el mei lobengkel a nger ra nglunguuch.
Ng morngii a klaumerang er kid ra ngii dil llechul a Dios sel doltirakl er seikid el llach (mesa Johanes 7:17). Tiang a klemerang el kirel sel llach el kmo kede meluluuch el klou a ngered ma dirrek el berrotel. Me ngak el sensei e sechelimiu, eak yaksok el kmo a Dios a mo onger a nglunguchiu e okiu a klisichel Chedaol Reng, eng sebechem el mo medengei el kmo a nger a mlar Ngii el mei.
© 2012 lokiu a Intellectual Reserve, Inc. Urrekodel a rokui el klisiich. Milluches er a USA. Kengei er a English: 6/11. Kengei er a oidel: 6/11. Oidel a First Presidency Message, February 2012. Palauan. 10362 881
Osischeklel Tial Klumech
-
“A siasing a ngarngii el dongu el melisiich ra moktek ra suobel” (Teaching, No Greater Call [1999], 176). Molecholt a siasing er a Joseph Smith malechub e sel Kot el Ues. Mosaod a teletael dilubech el mora Joseph Smith el kirel a nglunguuch. Ng mekerang e mo mesisiich a nglunguchem omko komes ra “Chedam ra Babeluades … el di kmeed,” el uaia President Eyring?
-
El uaia bla lolekoi a President Eyring, momdasou el mo ouchais ra klaumerang er kau el kirel a nglunguuch, el smaod a klengeltengat el bla mngai lokiu a nglunguuch, malechub e mouchais a bades el kirel a nglunguuch.