Notebook sa Komperensya sa Oktubre
“Unsa nga Ako ang Ginoo namulong, Ako namulong; … bisan pinaagi sa akong kaugalingon nga tingog o pinaagi sa tingog sa akong mga sulugoon, kini managsama ra” (D&P 1:38).
Samtang kamo magribyu sa kinatibuk-ang komperensya sa Oktubre 2011, inyong magamit kining mga pahina (ug mga Notebook sa Komperensya sa umaabut nga mga isyu) aron sa pagtabang kaninyo nga makat-on ug pag-apply sa bag-ohay nga mga pagtulun-an sa buhi nga mga propeta ug mga apostoles.
Propetikanhon nga mga Saad
“Apan ang epekto sa Basahon ni Mormon diha sa inyong kinaiya, gahum, ug kaisug nga mahimong saksi alang sa Dios sigurado. Ang doktrina ug ang walay kahadlok nga mga ehemplo niana nga basahon mobayaw, mogiya ug modasig kaninyo.
“Ang kada misyonaryo kinsa nagsangyaw sa pangalan ug ebanghelyo ni Jesukristo mapanalanginan pinaagi sa kada adlaw nga pagbusog gikan sa Basahon ni Mormon. Ang mga ginikanan nga nanlimbasug nga makatabang sa paghatag og saksi bahin sa Manluluwas ngadto sa kasingkasing sa usa ka bata matabangan samtang sila mangita og paagi sa pagdala sa mga pulong ug sa espiritu sa Basahon ni Mormon ngadto sa panimalay ug sa tanang kinabuhi sa ilang pamilya.
Presidente Henry B. Eyring, Unang Magtatambag sa Unang Kapangulohan, “Usa ka Saksi,” Liahona, Nob. 2011, 69.
Ngadto sa mga Kababayen-an sa Simbahan
“Inyong maabtan ang labaw pa kay sa inyong mahunahunaan. Ipadayon ang pagpalambo sa pagtuo ug personal nga pagkamatarung. Dawata ang gipahiuli nga ebanghelyo ni Jesukristo isip inyong paagi sa pagpakabuhi. Pagmaya sa gasa sa pagkaaktibo niining mahinungdanon ug tinuod nga Simbahan. Hatagi og dakong gibug-aton ang gasa sa pagserbisyo sa balaan nga organisasyon sa Relief Society. Ipadayon ang paglig-on sa mga panimalay ug mga pamilya. Ipadayon ang pagpangita ug pagtabang sa uban kinsa nagkinahanglan sa inyong tabang ug sa tabang sa Ginoo.”
Presidente Dieter F. Uchtdorf, Ikaduhang Magtatambag sa Unang Kapangulohan, “Ayaw Ko Paghikalimti,” Liahona, Nob. 2011, 123; empasis gidugang.
Pag-ila sa Imong Kaugalingon
Si Jesukristo mao ang Bugtong ug Pinalangga nga Anak sa Dios. Siya mao ang atong Tiglalang. Siya mao ang Kahayag sa Kalibutan. Siya mao ang atong Manluluwas gikan sa sala ug kamatayon. Kini ang labing importante nga kahibalo dinhi sa yuta, ug kamo mahimong masayud niini sa inyong kaugalingon.”
Elder Dallin H. Oaks sa Korum sa Napulong Duha ka mga Aposotles, “Mga Pagtulun-an ni Jesus,” Liahona, Nob. 2011, 93.
Mga Tubag alang Kaninyo
Matag komperensya, mga propeta ug mga apostoles naghatag og dinasig nga mga tubag sa mga pangutana sa mga miyembro sa Simbahan. Gamita ang inyong isyu sa komperensya o bisitaha ang conference.lds.org sa pagpangita og mga tubag niini nga mga pangutana:
-
Unsay buot ipasabut nga kita “mga anak sa pakigsaad”? Tan-awa sa Russell M. Nelson, “Mga Pakigsaad,” 86.
-
Ngano nga ang dili maayong mga butang mahitabo sa buotan nga mga tawo? Tan-awa sa Robert D. Hales, “Nagahulat sa Ginoo: Matuman ang Imong Kabubut-on” 71; ug Quentin L. Cook, “Ang mga Awit nga Dili Nila Makanta,” 104.
-
Apan ngano nga nagkinahanglan pa man kita sa Basahon ni Mormon nga kita aduna na may Biblia nga makatudlo kanato mahitungod ni Jesukristo? Tan-awa sa Tad R. Callister, “Ang Basahon ni Mormon—usa ka Basahon gikan sa Dios,” 74.
-
Kon ako adunay problema, unsaon nako sa pagkahibalo unsay buhaton? Tan-awa sa Barbara Thompson, “Personal nga Pagpadayag ug Pagpamatuod,” 9.
Paghulagway pinaagi ni Paul Mann; paghulagway sa litrato pinaagi ni Les Nilsson, Weston Colton, Derek Israelsen, Craig Dimond, ug Laureni Ademar Fochetto
Detalye gikan sa Kristo uban sa Bata, ni Carl Heinrich Bloch; gilitratohan ni Emily Leishman