Pweng ke Forfor Luti, Fepweri 2012

Mwet Topang luhn Lohm

Lutlutkihn kuhfa se inge ac, fin fal, sramsramkihn nuh sin tahmtahel kom muhtwacta yohroh an. Orekmakihn kihsen siyuck uh in kahsrwe kom ahkkweye tahmtahel wiyom an ac in oruh U luhn Muhtwacn in Kahsruh uh in ip utuftuf se ke moul lom sifacna an.

Luhlahlfongi, Sucu, Kahsruh

“Kom pa mwet topang luhn lohm an,” Prestuhn Gordon B. Hinckley el fahk (1910–2008) ke el ahkkahlwemye “Sucu: Sie Mwe Fahkwack nuh fin Facluh” ke toeni luhlahp luhn U luhn Muhtwacn in Kahsruh 1995. “Kowos pa pahpah ac ninac kiyacn tuhlihk an. Kowos pa elos suc tuhfahlos ac akiyac nuh selos yen in muhta luhn moul lalos. Wacngihn orekma sahyac apkuhran nuh lucng oacna ke tuhfweyacn tuhlihk mukul ac muhtwacn nuhtin God.”¹

Apkuhran in yac 17 nuh mihsenge mwe fahkwack se inge kalyei lah kunohkohn yohk srihpac emet lasr uh pa inmahsrlo in ahkkweye sucu ac lohm uh—ac tiac wiwina mukwikwi lasr ingena. Barbara Thompson, ingena mwet in kahsruh ahkluo ke prestuhnsi luhlahp ke U luhn Muhtwacn in Kahsruh, tuh oasr ke Tabernacle Salt Lake ah ke pacl se emet Prestuhn Hinckley el riti mwe fahkwack se ah. “Pacl na wowo se,” el esam. “Nga puhla yohk srihpaciyen pweng sac. Nga oacyacpac puhlakuhnwack lah nga nuhnkuh ke ma inge, ‘Mwe kolyuck na wowo se pa inge nuh sin pahpah ac ninac an. Kunohkohn pacna yohk se nuh sin pahpah ac ninac an.’ Nga motko ke kihtin pacl lah e tiac ma nuh sihk ke nga tiac pahyuck ac wacngihn tuhlihk nuhtihk. Tuhsruhk apkuhran ke nga sa na nuhnkuh, ‘Tuhsruhktuh ma pac nuh sihk. Nga mempuhr se ke sie sucu. Nga tuhlihk muhtwacn se, tahmtahel se, ninac wiyacn ninac se, wiyacn tuhlihk nuhtin pahpah ninac kiyuck, tuhlihk muhtwacn nuhtin wiyacn pahpah kuh ninac, ac tuhlihk muhtwacn nuhtin pahpah ninac mahtuh se. Oasr kunohkohn luhk—ac mwe insewowo—ke srihpen nga mempuhr se ke sie sucu. Finne nga muhkwena pa moul ke sucu luhk uh, nga srackna mwet se ke sucu luhn God, ac oasr kunohkohn luhk in kahsruh ahkkweye sucu sahyac uh.’”

Wo ohiyac, kuht tiac muhkuh ke mukwikwi lasr uh. “Mwe kahsruh yohk emet,” Tahmtahel Thompson el fahk, “e oasr yohrohsr ke ahkkweyeyacn sucu pa in etuh ac ukwe mwe luti luhn Kraist ac luhlahlfongwel in kahsrwe kuht.”²

Ke Ma Suhmuhslah uh

Proverbs 22:6; 1 Nephi 1:1; 2 Nephi 25:26; Alma 56:46–48; Doctrine and Covenants 93:40

Ke Ma Mahtuh Lasr

“Ke Tahmtahel Bathsheba W. Smith el kuhlwacnsap in oruh prestuhn luhlahp ke U luhn Muhtwacn in Kahsruh [ke 1901 nuh ke 1910], el liye enenuh se in ahkkweye sucu uh, na el akiac lesin in lutlut luhn ninac ke tahmtahel ke U luhn Muhtwacn in Kahsruh uh. Lesin uh pa kahs in kahsruh ke pahyuck, karihngihnyuck met liki isus, ac tuhfweyuck tuhlihk. Lesin inge tahpuhk mwe luti lal Prestuhn Joseph F. Smith ma U luhn Muhtwacn in Kahsruh uh in kahsruh muhtwacn uh ke kunohkohn lalos in lohm selos:

“‘Acn nuh kwewa ma oasr pihlesruh kuh srihklac etuh ke ma luhn sucu, ma kunacn sucu, ke orekma ma e kuh in oasr ac ma orek na pwacye inmahsrlon mukul ac muhtwacn pahyuck ac inmahsrlon pahpah ninac ac tuhlihk uh, oasr oruh se inge kuh apkuhran in sikyak, ac ke mwe sang muhtahl ac kahlwem ma oasr luhn us se sacn pa ahkoeyucklac ac ahkolah in sang ahkuhtweyac wi ma in kahlwem ke orekma yohk srihpac ingacn.’”³

© 2012 sel Intellectual Reserve, Inc. Kuh ac suwohs nuh kwewa fihliyucki. Sihmlac fin acn USA. Ahkkweyeyucklac ke kahs English: 6/11. Ahkkweyeyucklac ke lweng: 6/11. Lwenglah luhn Visiting Teaching Message, February 2012. Kosraean. 10362 868

Meac Nga Kuh in Oruh uh?

Nga kuh in kahsruh tahmtahel nga karihngihn uh fuhkah in ahkkweye sucu uh?
Nga kuh in oruh ohiyac suwohswohs nuh sin sucu luhk uh fuhkah?