Fal’ Yangaren
Profet nib Fas nibe Gagyeg
Napan nib ragag nge nel’ e duw rog, makan bing e wo’en ngog ninggu un ko general conference ko som’mon. Ke paer e tabinaew rog u Oregon u ngal, Mariken, ma kug waered u caro nga Utah ni ngug uned ko conference ma ngan noen’ e walageg nnib pagal nib ilal nga missionary training center.
Kug waen ko conference u fithik e sagaran’ ninge sensey ningeg fare Kan ni Thothup. Kayan I buch ni, kug thapeg e thogthog ko fare Kan ni Thothup sana dabi yag ngog fa’anra daworug fal’eg rogog.
Napan bangi yang ko fare conference, ma gubin e gidii’ e kar sak’iy gad nga lang mar yin’ed e tang ni “Guide Us, O Thou Great Jehovah.” Napan ni gu tang gad, mug thamiy ni nggu sap ko gubin yang u lane Conference Center. Ku rrin’ me gening eg fare gelngin i pulo’ e gidii’ nib biyu’ urom napan ni gamad gubin ni gamad be tangni yibe pining e magaer ngak Got.
Me aram mug thamiy rog ni kug woed Nephi napan nike guy fare ga’kiy ko yafas, ni bachan nike yog fare Kan ni Thothup ngog, “Mu Sap” (muguy ko 1 Nephi 11–14). Kug sap ngak President Thomas S. Monson mug thamiy ni ta’areb lungun e Galasia bachane ke powiy’dad e Profet nib fas. Udakaen e m’ag ko fare Kan ni Thothup, ma gumanang ni President Monson e ir e profet nib riyul’ ko rran rodad, ma gumanang ni Yesus Kristus e ma fanow nag e biney e Galasia udakaen.