Mulwol ni Ngan Fil ni Ngan Nang, March 2012

Pifakag nib Ppin ulane Gil’ilungug

Mu fil e re n’ey, ma rogon nib mangil, mag weliy ko boech e walagey nib ppin ni gabe guy. Mu murwel ko pi duwer ni nge ayuweg nem ni nge gel nag e pi walagem nib ppin man fal’eg fare Ulung ko ppin ko Galasia ni bang ko yafos rom.

Mich, Tabinaew, Ayuw

Gadad e pifak nib ppin ko Chitamangdad nu Tharmiy. Manang dad, gadad ba tu’uf Rok, ma bay e tunom rok ni fan ngodad. Bang ko re tunom nem e mu’un ni ngad baed nga fayleng ni ngad filed ningan mel’eg e tin nib mangil ko e tin nib kireb. Napan ni gadad ra mel’eg ni ngad folgad ko pi Motochiyel ku Got, ma ngad liyoergad Ngak ma gadad dag ni gadad pi faak Got ni ppin. Relief Society e ma pug e rran ngodad e biney e michmich rodad nu tharmiy.

Relief Society nge chepin riy e ma gel nag dad me ayuwegdad. Julie B. Beck, Relief Society general president, e ke ga’ar: “Gimed ni pifaak Got, ma gimed be fal’eg rogmed ni fan ko tin manemus ban’en, ma ra bagmed ma bay rogon e ppin romed, n’en nib mangil, nge tin nib mil fan ngomed. Tabinaew nike mangil, binaw, biney e Galasia, nge fare wo’en e thap nib falel’ e be yan ko rogon e mich rom. … [Chitamangdad nu Tharmiy] e ke yarmiy e Relief Society ni nge ayuweg e gidii’ Rok me fal’eg rograd ni fan ko fapi ta’awath u temple. Ke yarmiy e [Relief Society] ninge ayuweg pifaak ni ppin u fithik e muruwel Rok me ning e ayuw roraed ni ngar toeyed e gil’lungun Got mar gel niged fapi tabinaew nu Zion.”¹

Chitamangdad nu Tharmiy e ke pi’ ngodad e muruwel ni ngad ayuwegned i toey Gil’lungun. I’ir e ki fal’eg wathan dad ko gilngiy nib thothup ni ngad rin’ed e biney e muruwel. Udakean e Relief Society, ma rayog ningad ngongoliyed e tawa’ath rodad ni ngad gel niged e tabinaew, ayuweged e gidii’ nib tu’uf e ayuw rorad, mad filed rogon ni ngad pired ni woed e pi gachalpen Yesus Kristus.

President Dieter F. Uchtdorf, Bin La’agruw e Counselor u lane e bin Somm’on e Presidency, ke weliy’ mornga’agen rogon rok e gachalpen: “Udakean e gumaen’ i yan ko e kanawo’ ko gachalpen, gadad ra dag ngodad bangi mich rodad mad athapeged ningad folgad u laniyaen’ Got ma gathi laniyaen’ dad.”²

Ngad tafneyed gadad ni gadad pi faak Got nib ppin man athamgil gaed ni ngad pired ni boed fapi gachalpen Rok. Napan ni gadad ra rrin’, gadad ra ayuweg i toey e gil’lungun Got u roey u dakean e fayleng ma gadad yul’yul’ ni ngad suloed nga Powchen.

Ko fapi Chep nib Thothup

Zekariah 2:10; Doctrine and Covenants 25:1, 10, 16; 138:38–39, 56; “The Family: A Proclamation to the World” (Liahona nge Ensign, Nov. 2010, 129)

Chippin Rodad

Nap’an e April 28, 1842, fare profet ni Joseph Smith e ke yoeg ko ppin u lane Relief Society: “Kan ta’ med u lane rogon ni ngam ngongoliyed u laniyaen’med ni ke yung Got nga lan [gum’racha’med]. … Fa’anra gara paer u fithik emuruwel romed, ma pi angel e dabyog ni nge digey med ni dabi ayuweg med.”³

Poey gelngin e Relief Society ningan ayuweg e gidii’ man gelnag e michaen’ ko gidii’, Zina D. H. Young, bin dalip e Relief Society general president, e ke micheg nag ngak e chongin fapi ppin u lane 1893, “Fa’anra gara sap nib fal’ rogon nga lan gumricha’med ma garapir’eg, ko ayuw rok fare Kan Thothup ku Somoel, ma fare churwo’ nib gaa’ puluwan, e fare mich ko biney e murwel.”⁴

© 2012 ko Intellectual Reserve, Inc. Gubin ni mat’won ma bay. Nni yoloy u Mariken. Kan micheg nag ko thin nu Ngalis: 6/11. Micheg nag i pilyeg: 6/11. Ni pilyeg ko Visiting Teaching Message, March 2012. Yapese. 10363 905

Mange Rayog Nggu Rin?

Urogon ni nggu ayuweg e walageg nib ppin ni ngar thap gad ni rayog roraed mar manged pifaak Got?
Urogon ni rayog ni nggu rrin’ u lane yafas rog e pin’en ni kanoeg nge pi thin nib ayuw nikan pi’ ko ppin u lane Doctrine and Covenants 25?