Roronrikirake
Kairaki iroun te burabeti ae maiu
Ngke 16 au ririki E reke au tai ni ira te maungatabu ni kabuta ibon irou n te moantai. A maeka au utu i Oregon maeao, USA, ao ti buti nako Utah ni ira te maungatabu ao ni kabwaka mwaneu ae ikawai riki n te tienta n reirei ni mitinare.
I nakon te maungatabu ma te nano ni kan reireinaki iroun te Tamnei ae Raoioroi. N tokina,I karekea te kaotioti mairoun te Tamnei bwa N na bon aki karekea ngkana I aki katauraoai.
N tain teuna te tetere, ni kabane a teirake ao a anenea te anene n taromauri, “Kairirira Ngkoe Iehova.” Ngke ti anene, Iai irou te namakin ae kaokoro n taranako nakon te Tienta ni Maungatabu. I karaoia ao I oreaki n te mwaaka ni katiteuanaaki ma aomata aika ngaa ikekei ngke ti katakaruai bwanara n neboa te Atua.
Ngkanne iai te namakin irou ae aekan ae namakinna Nibwaai ngke nora te kaotioti ibukin te kai are kain te maiu, bwa E tuangai te Tamnei, “Noria” (taraa 1 Nibwaai 11–14). I taraa Beretitenti Thomas S. Monson ao n namakina te katiteuanaaki n te Ekaretia bukina bwa ti kairaki iroun te burabeti ae maiu. Rinanon ana kakoaua te Tamnei are Raoiroi, I ataa Beretitenti Thomas S. Monson bwa te burabeti ni koaua ibukin ara bong, ao I ataa Iesu Kristo bwa E kaira te Ekaretia aei rinanona.