2012
Naati aine inanon Abanueau
Maati 2012

Te Rongorongo ni Kaakawari n Reirei, Maati 2012

Nati aine inanon Abanueau

Kamatebwaia te karaki aio ao, n angaraoina, maroroakinna ma tiitita ake ko kawariia. Kabonganai titiraki ni buokiko ni kakorakoraia am tiitita ao ni karaoa te Bootaki n Aine bwa iteran maium ae kakammwakuri.

Onimaki, Utu, Buoka

Ngaira Natin Tamara are i Karawa aika aine. E ataira, E tangirira, ao iai ana babaire ibukira. Mwakoron te babaire anne e raonaki ma te roko nako aonteaba n reiakina te raoiroi ao te buakaka. Ngkana ti rinea kawakinan Ana Tua te Atua, ti karinea ao ni kaotira bwa Natin te Atua aika aine. Te Bootaki n Aine e buokira ni uringa te bwaibwai ae kakawaki aio.

Te Bootaki n aine ao rongorongona e kakorakoraira ao ni boutokaira. Julie B. Beck, te Beretitenti ni Kabuta n te Bootaki n Aine e taku: “Ngkai ngaira Natin te Atua aika aine, kam katauraoi ngkami ibukin tokimi ae akea tokina, ao ngkami n tatabemaniia nako iai kinakimi bwa aine ngkami, rikimi, ao tabemi, Bobongan te utu, bobotaki, te Ekaretia aio ao te tamnei ae moan te kakawaki e mena iaon ami kakaonimaki. … [Tamara are i Karawa] E karaoa te Bootaki n Aine ni buokia Ana aomata ni katauraoia ibukin kakabwaia man te tembora. E katea te [Bootaki n Aine] ni boutokaia Natina Aine ma Ana mwakuri ao n tau mwin aia buoka ni katea Abanueana ao ni kakorakorai mwengan nako Tion.”1

E a tia n anganira Tamara are i Karawa mwakuri aika tau ibukin buokan kateakin Tion. E a tia naba ni kakabwaiaira ni bwaintangiran te Tamnei are ti kainanoi ni kabobonga te mwakuri ae kakawaki aio. Rinanon te Bootaki n Aine, iai iroura te tai ni kamanenai ara bwaintangira ni kakorakoraia taian utu, ni buokiia aika kainano, ao n reiakina te aro ni maiu n aekakin ana reirei Iesu Kristo.

Beretitenti Dieter F. Uchtdorf, Kauoman ni Kauntira n te Moan Beretitentii, e taku n aron te aro n ongeaba: “Man te nakonako ma te rau inanon kawain te ongeaba, ti kaotia nakoira korakoran ara onimaki ao ara motinnano ni kariaia Nanon te Atua nakon irakin oin nanora.”2

Ti na uringira bwa ngaira Natin te Atua aika aine ao ti na kakorakoraira ni maiu kanga Ana Reirei. Ngkana ti karaoia, ti na katea Uean te Atua ikai n te aonaaba ao n riki ni kona n oki nako Matana.

Man Koroboki aika tabu

Zechariah 2:10; Doctrine ao Covenants 25:1, 10, 16; 138:38–39, 56; “Te Utu: Te Katanoata nakon te Aonaaba” (Liahona ao Ensign, Nobembwa. 2010, 129)

Man Ara Rongorongo ni Kawai

N Eberi 28, 1842, te burabeti are Iotebwa Timiti e taku nakoia aine n te Bootaki n Aine: “Kam a mena inanon te aro are kam a kona ni mwakuri ni kaineti ma te nanoanga are E a tia te Atua ni unikia i [nanomi]. … Ngkana kam maiu nakon korakoramii, a bon aki kona ni kararoaki anera mai iroumi.”3

Kinaakin mwakan te Bootaki n Aine ni beku ibukiia tabeman ao ni buokiia n tatabemaniia e rikirake n te onimaki, Zina D. H. Young, te kateniman ni beretitenti ni kabuta n te Bootaki n Aine, e berita nakoia titita n te ririki 1893, “Ngkana kam keniken i nanomi kam na kunea, n ana buobuoki Tamnein te Uea, te bwaeao are bati boona, te kakoaua n te mwakuri aio.”4

@2012 iroun Interllectual Reserve, Inc. A bane n tauaki mwiin taian kariaia ibukin katootongana. Boretiaki i USA. Kariaiakaki n te Ingiriti: 6/11. Kariaiakaki rairana: 6/11. Rairakin te Visiting Teaching Message, March 2012. Kiribati. 10363 859

Bwaai aika a na taraaki

  1. Julie B. Beck, “‘Nati Aine inanon Abanueau’: Rongorongon ao Ana Mwakuri te Bootaki n Aine,” Riaona, Nobembwa. 2010, 112, 114.

  2. Dieter F. Uchtdorf, “Kawain te Kairaki,” Riaona, Meei 2009, 76.

  3. Iotebwa Timiti, n Rongorongon te Ekaretia ni kawai, 4:605.

  4. Zina D. H. Young, “How I Gained My Testimony of the Truth,” Young Woman’s Journal, Eberi. 1893, 319.

Tera ae I Kona ni Karaoia?

  1. N na kanga ni buokiia titita bwa a na roko n aia konabwai bwa Natin te Atua aika Aine?

  2. N na kanga ni kataia ni maiuakina te reirei ao taian kauring aika anganaki aine inanon Doctrine and Covenants 25?