Mwet Fuhsr
Nga Ac Fah Sifil Liyacl
Pahpah el orwaclah kais sie sesr tuhlihk uh in puhla yohk srihpac. El luhngse kuht ac fihsrwacsr in nuhnak muhnahs nuh sesr. El oruh kuhiyacl nohfohn in liye ahkwoyac lah kais sie sesr engan, ac el orwaclah in kahlwem lah el kena ma wo emet nuh sesr. Nga luhngse el na pwacye.
Ke nga kuhlahs ohnkohsr ah, pahpah tuhmuhk ah misac ke sie ongaiyac ke stosah. Nga ac sucu luhk ah welac na upac. Oasr oalallah na yohk se ke sucu lasr ah. Pahpah pa mwet ma nga luhlahlfongi, mwet se ma nga som nuh yohroh ke oasr elyah luhk uh. Sahyacn sukok kahsruh, nga lwelah ahngyahng ac ngal in oan na. Na nga sulaclah ke sahflahiyac ah lah koluk luhn God. Nga tui tilac riti ma suhmuhslah nuhtihk ah ac oruh pruhe uh. Nga som nuh ke alu ah ke na srihpen Ninac el ke nga in wi. Nga srihke in muhta loeslac liki Pahpah tuhmuhk Inkuhsrao.
Na nga som nuh ke kacm luhn Muhtwacn Fuhsr ah ke pacl se emet. Nga luhngse ohsun nuh sin kawuck sasuc, tuhsruhk nga srwackna tiac riti ma suhmuhslah nuhtihk uh. Ke fong sahflah sac, kuht oruh sie miting in fahkwack luhlahlfongi se. Nga puhla sie ma ma nga tiac puhla ke pacl na loeloes: Nguhn. Nga yuckihn tuhlihk muhtwacn ma tuyak ac fahkwack luhlahlfongi lalos ah, tuhsruhk nga muhta na ke srihpen nga nuhnkuh muh wacngihn luhk. Kihtin pacl ah na nga puhla lah nga enenuh in tuyak. Nga ikacslah inwaclihk, nuhnkuh lah meac ngwac fahk uh. Na nga fahk lah nga tarilacna ke kacm luhn Muhtwacn Fuhsr uh. Na nga sifacna acsmaklac in fahk lah nga etuh lah Jisus Kraist el misac keik ac lah Pahpah tuhmuhk Inkuhsrao el luhngse nga ac lah Alu uh pwacye.
Nga sesseslah ke sie mihs na pihsrlac. Kuloh ke puhlakihn se inge lah nga kuh in fahk lah nga etuh lah ngwac fah sifil liye pahpah tuhmuhk ah ke srihpen Iwaclah ac Moulyak luhn Mwet Lahngo.