Bin Somm’on e Mulwol ko Presidency, April 2012
“Ke Fos ko Yam’”
Mich rok e Profet
“Ba yubul nibe pining e Kristiano,” Ke yoeg President Thomas S. Monson, ni Yesus u Nazareth e ke fos ko yam’. “N’en nib riyul’ ko fare foskoyam’ e ma pi’ ngak e gidii’ gubin e gapas ni dabi chuchgur ni nge nang e gidii’ fan” (muguy ko Filippi 4:7)1
U lane e tin bayib e thin, me President Monson e weliy e mich rok nge falfalen’ rok ko fare Tathapeg nike foskoyam’ me yoeg e binem ni bachane fare Faak nike gel ko yam’, ma gubin e pifaak e Chitamangiy niki imoy u fayleng e ra fos biyay.
Yafas napan e Tomuren e Dagur nra yim’
“Mich u wun’ug ni dariy bagdad ni rayog ni nge lem nag gelngin nib ga’fan e n’en nike rrin’ Kristus ni fan ngodad u Gethsemane, machane gub falfalen’ ni gubin e rran u lane yafas rog ko tabiyul rok nike rrin’ ni fan ngodad.
“Napan nike taw ngay, ma rayog ni nge thilyeg laniyaen’. Machane dani rrin’. Ke rrin’ gubin e pin’en ni rayog ni nge ayuweg gubin ban’en. Napan nike rrin’, ma ke pi’ e yafas ngodad ni tomren e biney e yafas e chiney. Ke chuweg dad ko fare Mul ni tay Adam.
“U lane fithik’eg, ma gub falfalen’ Ngak. Ke fil rogon ngodad ni ngad pired. Ke fil ngodad rogon ni ngan nim’. Ke ayuweg dad ko tamilangeg rogon min thap.”2
Ke chuweg fare Lumor ko Yam’
“Ko boech e magawon, boed u fithik e gafgow nge m’ar, ma yam’ e ma yib nib boed e angel nima runguy. Machane ga’ngin yang, ma gadad ma leam nag ni ba to’gor ko falfalen’ ko gidii’.
“Lumor ko yam’ e rayog ninge chuw ko tomilang ko tin tiyul’ nike m’ug. ‘I gag owchen e fos ko yam’ nge yafos,’ e yoeg fare Masta. Yigu ra ke yim’ be’ ni gub mich u wan’ mra fos: Ma en nra i par nib fos ni gub mich u wan’ e dabki yim’ bi’id.’
“Biney e gapas—arrogon, mus ko micheg—nib thothup ko yafas u tomuren e yam’ e rayog ni nge pi’ e gapas nike yoeg fare Tathapeg napan ni non ko pi gachalpen: ‘Nggu tay e gapas nga par romed, nggu pi’ e gapas rog ngomed: dabgu pi’ ngomed ni bod rogon nma rin’ e girdi’ nu fayleng. Dabi magafan’med ma dabi wagagey lanin’med, ma dab mu tamdag gad.’”3
Demoy U Roy
“Ke fas biyay e Tathapeg rodad. Bin tha’abi falel’, nib gapas, ma be pi’ e gapas ko gubin e n’en nike buch ko gidii’ ni kakrom ni kan tay nga loen—nike gel ko yam’. Fare amith nge gafgow u Gethsemane nge Calvary e ke m’ay. Fare tamilangeg rogon min thap ko gidii’ e ke mangil rogon. Fare Mul rok Adam e ke chuw.
“Fare gin ni yima chibgiliy e yam’ ngay ni dariy e yam’ u langgin ko re bin Somm’on e Kadbul ko Easter nem e fulweg taban e duwer rok Job, ‘Fa’anra yim’ be’, ma gur ku rayag ni ngki fos biyay?’ Nga lungug ngak gubin e gidii’, gube yog ni, fa’anra yim’ bee’, ma kura fos biyay. Gadad manang, ya bay e tomilang ko riyul’ nike m’ug rodad. …
“Pi walageg ni mo’on nge ppin, u fithik e kirbaen’ rodad, ma rayog ni ngeyog e gapas ngodad ko pi thin ko fare angel ko re somm’on i kakadabul nem ko Easter: ‘Demoy u roy: ya ke fos ko yam’.’”4
Gubin e Gidii’ e Ra Fos Biyay
“Gadad ma minmin, gadad ma yoer, gadad ma murwel, gadad ma fafal, gadad ma adag, gadad ma paer. Ma aram mad m’ad. …
“Ma susun ni gadad ra paer ni gadad ba yam’ machane fan fare Pumo’on nge mission Rok, ni ir Yesus nu Nazareth. …
“U fithik gumircha’eg nge gelngig, me gube ga’ nag lumag u fithik e mich nibe micheg ma be yoeg ni Got e ba fos. Yesus e Faak, facha’ ni Ma’agirag ni Fak fare Chitamangiy ni bay downgin. Ir e Tabiyul rodad; Ir e Ta’ayuw rodad ni yow fare Chitamangiy. Ir e cha’ nike yim’ u dakean e kuruth ni nge bayul ni fan e pi denen rodad. Ir e cha’ ni tha’abi somm’on nike foskoyam’. Bachan nike yim’, ma gubin e gidii’ ma ra fos biyay.”5
Tirog e Micheg
“Gube yoeg e birog e micheg ni yam’ e ke waer, ma n’en nike buch ko gin ni yima tay e yam’ ngay e ke gel. Fapi thin nike thothup nag e Cha’ nike rrin’ e ke mang e ganop ngak gubin e gidii’. Mu tafneyem riy. Mu ayuweg. Mu tay fan. Ke fos ko yam’.”6
© 2012 ko Intellectual Reserve, Inc. Gubin ni mat’won ma bay. Nni yoloey u Mariken. Kan micheg nag ko thin nu Ngalis: 6/11. Micheg nag i pilyeg: 6/11. Ni pilyeg ko First Presidency Message, April 2012. Yapese. 10364 905
Rogon ni ngan Fil ko Biney e Mulwol
Napan ni kan weliy boech e bugithin ko mulwol rok President Monson, mag tafneyem ni fare mich nike yoeg e n’en ni rib mangil ko Easter. Rayog ni ngam fith chonngin e tabinaew e pi duwer ni ba’aray: “Mang e gabe nang fan riy ni profet nib fos e ke micheg e pin’ey nib riyul’ e daba’? Urogon ni rayog ni ngam murwel ngay u lane yafos rom?” Mu un nag e mich rom.