2012
Tongei, Mammasa, me Apochokuna
April 2012

Poraus seni Fefin Chon Amwa, April 2012

Tongei, Mammasa, me Apochokuna

Kopwe anneani ekkei mettoch, nupwen ka tufich, kopwe aporausa ren ekkewe fefin ka churi. Kopwe aea ekkewe kapas eis ne anisuk ne apochokuna ekkewe fefin ka churi me pwan aochu manauom ren aean Fin Anisi.

Nuku, Famini, Aninis

Usun chok ewe Chon Amanau, an fefin chon amwa ra angang ngeni emon me emon (nengeni 3 Nifai 11:15). Sia sinei pwe sia angoch non ach angangen an fefin chon amwa nupwen ekkewe fefin ra tongeni apasa: (1) ai we chon amwa a anisiei ne fefeita non pekin ngun; (2) Ua sinei ai we chon amwa a ennetin tongeikem me ai we famini; me (3) ika a wor ai osukosuk, ua sinei pwe ai we chon amwa epwe muttir aninis me ese namwot emon epwe tingorei.1

Ifa usun kich chon amwa mi tongeni tongei, mammasa, me apochokuna emon fefin? Mi wor tiu ekiek fan mi nom non sopun 7 non Daughters in My Kingdom: The History and Work of Relief Society ne anisi an fefin chon amwa ne angang ngeni ekkewe fefin ra tumunu:

  • Kopwe iotek iteitan ran fan itan me an we famini.

  • Kopwe kutta pwarata ne sineiochu i me an we famini.

  • Kopwe churi ne kaeo ifa usun nonnomun me ifa usun ne apochokunata i me awora kinamwe ngeni.

  • Kopwe foffos ngeni i non om fansoun churi, kokko won fon, taropwe, e-mail, mak won fon, me ekkoch fofforun kirokiroch.

  • Kopwe kapwong ngeni non mwichen Fan.

  • Kopwe anisi nupwen a wor an osukosuk, semwen, are och mettoch mi auchea.

  • Kopwe aiti i ewe kapas allim seni ekkewe pukfel me ekkewe Poraus seni an Fefin Chon Amwa.

  • Kopwe eu nenien appiru ngeni.

  • Kopwe poraus ngeni emon souemwenin Fin Anisi usun ar angang me nonnomun non pekin ngun me non pekin inis.

Seni ekkewe Pukfel

Luke 10:38–39; 3 Nifai 11:23–26; 27:21

Seni Ach Uruo

“An fefin chon amwa a winiti eu pisekin aninis pwe fin Souneng ekkis meinisin won fonufan ra tongeni tongei, tumunu, me angang—ngeni ‘ne angang anongonong won ekkewe sokkun tong minne Kot a fotukatiw non [netipach],’ usun chok Joseph Smith a afanafana.”2

Emon fefin a keran mano punuan we a kapas pwe noun kewe fefin chon amwa: “Ra ausening. Ra chachariei. Ra kechiw rei. Me ra turufi ei. … [Ra] anisiei seni ewe netipechou mi anonnon non ekkewe akkaewin maram ua mefi anaemon chok.”3

Aninis ren angang mi pwan eu napanapen angang ngeni. Non ewe October 1856 mwichenapen mwichefen, Preseten Brigham Young a kapas pwe ekkewe chon akkomw rese tongeni sopweno ar sai me a anonnon ewe snow ukukun 270–370 main (435–595 km) touauan. A kokko ngeni ekkewe Souneng non Salt Lake City ne anisir me “anisir non pekin inis.”4

Lucy Meserve Smith a makkei pwe ekkewe fefin ra pwiniti ufer kewe skaato fan me sitokin me non ewe imwen fan me ra watiw won ekkoch wakon ne tinano ngeni ekkewe chon akkomw mi fakkun fou. Ra ionifengeni mangak me uf fan iten ekkewe ir repwene feito ren ekkis chok pisekir kewe. Nupwen ekkewe mwichen chon akkomw ra war, eu imw me non ewe tenenimw a “uren pisek fan iter.”5

© 2012 seni Intellectual Reserve, Inc. Meinisin pung mi kawor. A for non Merika. Kapungunon non fosun Merika: 6/11. Kapungunon chiakun: 6/11. Chiakun Visiting Teaching Message, April 2012. Chuukese. 10364 901

Esinesin

  1. Nengeni Julie B. Beck, “What I Hope My Granddaughters (and Grandsons) Will Understand about Relief Society,” Liahona, Nov. 2011, 113.

  2. Daughters in My Kingdom: The History and Work of Relief Society (2011), 112.

  3. Daughters in My Kingdom, 119–20.

  4. Brigham Young, “Remarks,” Deseret News, Oct. 15, 1856, 252.

  5. Nengeni Daughters in My Kingdom, 36–37.

Met Ua Tongeni Fori?

  1. Ifa usun ua tongeni sinei met mi namwot fan iten ekkewe fefin ua churi?

  2. Ifa usun ekkewe fefin ua churi repwe sinei pwe ua fakkun tongeir?