Ansèyman pou epòk pa nou an

Leson Prètriz Mèlkisedèk ak Sosyete Sekou katriyèm Dimanch yo ap rezève pou “Ansèyman pou epòk pa nou an.” Chak leson kapab prepare apati youn oswa plis diskou yo te bay nan dènye konferans jeneral la. Prezidan pye ak prezidan distri yo kapab chwazi ki diskou yo dwe itilize, oubyen yo ka bay evèk yo ak prezidan branch yo responsablite sa a.Dirijan yo dwe mete aksan sou enpòtans pou frè nan Prètriz Mèlkisedèk yo ak sè Sosyete Sekou yo etidye menm diskou yo menm jou Dimanch yo.

Moun k ap asiste leson katriyèm Dimanch yo ankouraje pou yo etidye ak pote dènye revi konferans jeneral la nan klas la.

Sigjesyon pou prepare yon leson apati diskou yo

Priye pou Sentespri a kapab avèk ou pandan w ap etidye ak anseye diskou(yo). Ou gen dwa eseye prepare leson an avèk lòt materyèl, men diskou konferans yo se yo menm ki apwouve pou sa. Tach ou se pou ede lòt moun yo aprann ak viv levanjil la jan yo anseye l nan dènye konferans jeneral la nan Legliz la.

Repase diskou yo, pandan w ap chèche prensip ak doktrin ki reponn ak bezwen chak manm ki nan klas la. Epitou, chèche istwa, referans ekriti, ak deklarasyon nan diskou yo ki ap ede ou anseye verite sa yo.

Fè yon rezime sou fason pou anseye prensip ak doktrin yo. Panse poze kesyon k ap ede manm klas yo:

• Chèche prensip ak doktrin ki nan diskou yo.

• Panse sou siyifikasyon yo.

• Pataje konpreyansyon, ide, eksperyans, ak temwayaj.

• Aplike prensip ak doktrin sa yo nan lavi yo.

Mwa leson yo anseye	Materyèl pou leson katriyèm Dimanch
Avril 2012–Oktòb 2012	Diskou ki fèt nan konferans jeneral Avril 2012*
Oktòb 2012–Avril 2013	Diskou konferans jeneral Oktòb 2012 la*

• Pou leson mwa Avril ak Oktòb yo, nou gen dwa chwazi diskou yo nan konferans anvan yo oubyen nan dènye konferans lan. Diskou sa yo disponib (nan plizyè lang) nan conference.lds.org.