Pweng sin Prestuhnsi Se Met, Jun 2012
Pahng luhn God ac Ahkkweyeyucklac sin Mwet uh
In oacna mwet luhn Alu uh, wacna suliyuck kuht in ahkkweye mwet oasr kunohkohn la in kuhlwacnsap. Yac pucspucs somlah ah sie tuhlihk lutlut matwac yac 18 ahkkahlwemye nuh sihk kalmeyacn ahkkweye mwet kuhlwacnsap luhn Leum uh. Nga srwackna insewowo ke mwe srihkasrak puhsisacl se lal ah.
El tuhfahna muhtwacwacack ke yac se emet ke college. El tuh pacptaislac tiac sun yac sie met liki el som liki acn sel in muhtwacwacack lutlut lal ke sie university luhlahp. Ingoh nga tuh kuhlwacnsap oacna pisap se lal.
Ke pacl in lutlut uh muhtwacwacack ah, nga tuh oruh lohlngohk fototo se nuh sel lun ohfuhs luhn pisap ah. Nga esam kuhtuh srihsrihk ke muhtwacwacackiyacn sramsram sac sahyacn el sruhmuhn ke srihkasrak lal ke sie acn sasuc, tuhsruhk ngwac fah tiac muhlkuhnlah sramsram se ahkluo lasr ah.
El tuh ngihsre elan sunyuc lun ohfuhs luhk ah. Nga tuh lut ke el fahk, “Kuht kuh in tuhkweni pruhe, ac nga kuh in pruhe?” Nga tuhfahna oruh ngan fahk lah nga pruhe tari ac motko muh el oruh oacna. Sahyacna nga insese.
El muhtwacwacack pruhe lal ke fahkwack luhlahlfongi se ma el etuh lah pisap pa pahng luhn God. El siyuck sin God in fahk nuh sik lah meac fal elan oruh ke inkacnek wo ke ohiyac luhn nguhn muhtahl. Mukul fuhsr sac fahk nuh sin God lah el etuh suwohs lah pisap el etuh tari enenuh lal ac tuhfah sang kahs in kahsruh el enenuh in lohng uh.
Ke el sramsram ah, kain ma sensen el ac sun uh tuhkuh nuh in nuhnak luhk uh. Kahs in kahsruh sac fihsrwacsr tuhsruhk utuckuh arulacna kahlwem: pruhe pacl nuh kwewa, ahkos masap, ac tiac sahngweng.
Mukul fuhsr sac, yac se ke Alu uh, lotwelah ke mwe srihkasrak lah meac God El kuh in oruh nuh sin mwet kol se ke el ahkkweyeyucklac ke luhlahlfongi ac pruhe luhn mwet el pahngonyuck in kol uh. Mukul fuhsr sac ahkkahlwemye nuh sihk kuh luhn masap akwucki ke Alu uh (liye D&C 26:2). Finne Leum El pahngon mwet kuhlwacnsap Lal ke fwackyuck, elos kuh in kuhlwacnsap muhkwena elos fin ahkkweyeyucklac sin mwet ma elos pahngonyuck in kuhlwacnsapuh uh.
Ke fot in ahkkweye lasr uh, kuht orwaclah olwelah muhtahl uh. Kuht olwelah in pruhe ke mwet kuhlwacnsap luhn Leum uh ac El fah kohlohlos ac ahkkweyaclos (liye D&C 93:51). Kuht eskuhtyang tuh kuht fah suk ac tuhpan in puhla mokleyuck sin God ke kahsruh lalos ac ke pacl elos orekma ke pahng lalos uh (liye D&C 1:38).
Olwelah sac fah enenuh in wacna ahksasucyeyuck lun insiyacsr. Mwet luti lowos ke Sacnri Skul fah srihke in luti ke Nguhn Muhtahl, tuhsruhk oacna ke kowos ac oruh uh, mwet luti lowos an kuh in tahfonglac ye muhtuhn kuhlahs an. Kowos, ohinge, kuh in sulwaclah in porongo ac intein ke pacl kowos kuh in puhla mokleyuck tuhkuh uh. Ke pacl kowos fah akihlen puheni luhn tahfonglac ac puhseni luhn akucl lah God El ahkkweye mwet luti sacn.
Ke kuht srasra po in ahkkweyelah mwet se uh, kuht eiskuhtyang in orekma ke srihpac nuh kwewa luhn Leum ma mwet sacn pahngonyuck in orwaclah an. Ke tulihk nahtuhsr ah srihk ah, tuh pahng muhtwacn kiyuck uh in luti tuhlihk srihsrihk ke ward lasr ah. Nga tiac sralwack pouk muhkwena in ahkkweyacllah, tuhsruhk nga pruhe pac kacl na siyuck ke lwelah ngan kahsrwel. Mwe lutlut se nga eis ke srui ke ma muhtwacn uh oruh ac ke luhngse luhn Leum nuh sin tuhlihk uh srackna ahkinsewowoye sucu luhk ac moul luhk uh.
Pacl fototo somlah ah nga sramsram nuh sin mukul fuhsr se suc ahkkweyelac pisap lal ah ke yac somlah ah. Nga elangwack lah Leum ac mwet uh tuh ahkkweyacllah ke pahng lal in oacna misineri se, oacna stek prestuhn se, ac oacna pahpah se. El fahk ke sahflahiyen sramsram lasr ah, “Nga srackna pruhe keim lwen nuh kwewa.”
Kuht kuh in nuhnkuh in pruhe penga na lwen ke mwet suc pahng sin God in kuhlwacnsapwe kuht. Kuht kuh in fahk kuloh nuh selos suc ahkinsewowoye kuht ke kuhlwacnsap lalos. Kuht kuh in otwelah in mukwilac ke elos suc kuht ahkkweyelah uh siyuck ke kahsruh uh.1
Elos suc tahpuhk mwet kuhlwacnsap luhn Leum ke tohkohsrahi Lal uh fah ahkkweyeyucklac ke kuh wacngihn lainyac Lal uh. Kuht nuh kwewa enenuh mwe insewowo sacn.
© 2012 sel Intellectual Reserve, Inc. Kuh ac suwohs nuh kwewa fihliyucki. Sihmlac fin acn USA. Ahkkweyeyucklac ke kahs English: 6/11. Ahkkweyeyucklac ke lweng: 6/11. Lwenglah luhn First Presidency Message, June 2012. Kosraean. 10366 868
Luti ke Pweng Se Inge
Tukun akacsruhi ke pweng se, motko in riti puhsra ten an: “Leum El fah orekowoslac in sie mwe orekma lun Pahol kowos fin puhsisacl, kuh in luhlahlfongi, ac moniyuhk. … Kowos fah eis kuh sahyac ke kowos ahkkweyeyucklac sin mwet ke alu an ac aluiyucklac” (Teaching, No Greater Call [1999], 20). Orwacni sucu an in raunwelah sie ma toasr an ac siyuck sie selos in srihke sruhkwack. Kais sie sang sie mwet an in wi, suli mwet sahyac ke sucu an in kahsruh sruhk ma sacn. Sramsramkihn ma sikyak ke mwet nuh kewa kahsruh uh. Nuhnkuh in ahkkahlwemye wo kahs in kahsruh lal Prestuhn Eyring ke ohiyacn pahlah lasr kuht kuh in ahkkweye mwet sahyac ke konohkohn lalos uh.