Visiting Tijing Mesej, Jun 2012
Visiting TijingWan Tabu Wok we Yumi Kasem
Wetem prea, stadi long toktok ia, mo olsem we i stret, toktok raon long hem wetem ol sista we yu stap visitim. Yusum ol kwestin blong helpem yu blong mekem ol sista blong yu oli kam strong moa mo blong mekem Rilif Sosaeti i kam wan aktiv pat long laef blong yu.
Fet, Famle, Help
Olsem wan visiting tija, yumi gat wan impoten misin long saed blong spirit blong mekem. “Bisop, we oli bin odenem hem olsem man blong lukaot long ol sipsip long wod ia, i no save lukaotem evri sipsip blong Lod long wantaem. Hem i dipen long ol visiting tija we oli stap kasem insperesen blong helpem hem.”1 Blong stap lukaotem mo kasem revelesen blong save huia i sapos blong kasem wok ia blong lukaotem wanwan sista, i impoten.
Insperesen i stat taem ol memba blong presidensi blong Rilif Sosaeti, wetem prea, oli toktok raon long ol nid blong wanwan sista mo ol famle. Afta, wetem raet we i kam long bisop, presidensi blong Rilif Sosaeti i givim wok long wan wei we bae i helpem ol sista blong andastanem se visiting tijing i wan impoten responsabiliti long saed blong spirit.2
Ol visiting tija, wetem wan tru hat, bae oi kam blong save mo lavem wanwan sista, helpem hem blong mekem fet blong hem i kam moa strong, mo givim seves taem hem i nidim. Oli lukaotem inperesen blong olgetawan blong save olsem wanem blong lukluk long ol nid long saed blong spirit mo long saed blong wol blong wanwan sista we oli stap visitim.3
“Visiting tijng bae i kam wok blong Lod taem ol tingting mo wok blong yumi oli stap lukluk nomo long ol pipol be i no long namba. Long tru laef, wok blong visiting tijing i neva finis. Hem i stap moa olsem wan fasin blong laef be i no wan wok blong mekem.”4
I Kamaot long Ol Skripja
I Kamaot long Histri blong Yumi
Ilaesa R. Sno, seken Rilif Sosaeti jeneral presiden i bin talem, “Mi tekem se ofis blong wan tija i stap olsem wan hae mo tabu ofis.” Hem i givim advaes long ol visiting tija “blong oli fulap wetem Tabu Spirit blong God, wetem waes tingting, wetem tingting we i stap daon, wetem lav” bifo oli visitim ol haos blong mekem se oli save faenemaot mo ansarem ol nid blong olgeta long saed blong spirit mo long laef. Hem i talem, “Maet bae yu filim blong talem ol toktok blong pis mo kamfot, mo sapos yu faenem wan sista i stap kolkol karem hem i kam kolosap long hat blong yu olsem wan stret pikinini blong yu we yu bonem mo mekem hem i wom.”5
Taem yumi stap go fored wetem fet olsem ol sista blong Rilif Sosaeti blong bifo oli bin mekem, bae yumi gat Tabu Spirit i stap wetem yumi blong givim long yumi inperesen blong save olsem wanem blong helpem wanwan sista we yumi stap visitim. Sista Sno i bin talem: “Bae yumi mas lukaotem waes tingting be i no paoa, mo bae yumi gat evri paoa we waes tingting blong yumi i save wok wetem.”6
© 2012 i kam long Intellectual Reserve, Inc. Oli holem evri raet. Oli printim long YSA. Oli letem long Inglis: 6/11. Oli letem translesen: 6/11. Translesen blong Visiting Teaching Message, June 2012. Bislama. 10366 852