Klumech er a Oldingel e Olisechakl, Ongelolem el buil 2012
Oldingel e Olsisechakl—ng Chedaol el Ureor
Mosuub er tia el klumech, e a di lungil, e msodii lobengterir a rodos el moldingel er tir. Mousbech aikel ker el smisicheterir a rodos e dirrek el rullii a Relief Society meng mo klou a belkul er a klengar kau.
Klaumerang, Telungalek, Ngeso
Me kid el sensei el oldingel, a ngar er ngii a kmal klou a belkul el urered el bo doruul el kirel a klereng. “A bisop, el ngii a milchedaol el mo mengkerngel a ward, a diak el sebechel mes a rokui el kirir a rengelekel a Rubak er a osisiu el taem. Ngii a ultuil er a ulekrael el sensei el oldingel el mo ngosuir.”1 Osiik e melai a ocholt el kmo ng techa kirel mo nguu a ngerachel el mo omtebechel er a re bek el odos a klou a ultutelel.
A ulekrael tekoi omuchel sel rechedal a merredel er a Relief Society a ngar er a nglunguuch e mo mesaod a ngelsengesir a dersta el chad me a telungalek. Meng, ngokiu a kengei er a bisop, e a re ngar er a omerredel er a Relief Society a mesterir a ngerachel el ngii a mo sebechel ngosuterir a rodos el mo medengei el kmo a oldingel e olsisechakl a klou a ultutelel el ngerachel er a klereng.2
A sensei el oldingel a meral mo medengelterir e oubeltik el reng el mo er a dersta er tirka el odos, ngosuir el smisichii a klaumerang er ngii, e mo olngeseu a bo lousbech a ngeso. Tir osiik a ulekrael el tekoi el mo er tir me bo lodengei el kmo te mekerang a loureor el kirel a ngelsengesel a tekoi er a klereng me a klechad el mo er a rebek el odos el loldingel er tir.3
“A Oldingel e olsisechakl a mo urerel a Dios sel le blak a rengud el kirir a rechad e bai diak el basent. A mera er ngii, a oldingel e olisechakl a diak el merekui. Ng telengtengil a klengar e diak el ureor.”4
Ngara Chedaol Llechukl
Ngar er a Reksi er Kid
A Eliza R. Snow, el ongerung el merredel er a cherrengelel a Relief Society a ulsisechakl el kmo, “A kumes er a obis er a sensei el ngii a ngarbab e chedaol obis.” Ng milellach er a resensei el oldingel “el mo mui er a Chedaol Reng er a Dios, me a llomes, me a ngariou el reng, me a beltik el reng” er a uchei er a bo loldingel a blai me bol sebecherir el mes el besterir a ikel lousbech el kirel a klereng me a dirrek el klechad er tir. Ng millekoi el kmo, “Ke locha mo omelchesiu el kirem el mengedecheduch a tekoi er a budech me a ongelaod, e a lsekum me a ta er a odos a diak el sal soal a ikang em nguu el mera rengum el di ua ngalek lokiu a ungil tekoi.”5
Me sel dolemolem el okiu a klaumerang el diua rodos er a uchelel a Relief Society, e ke de nguu a Chedaol Reng el mo obengked e mekrolid el mo medengei el kmo ke de mekera dolngeseu er a dersta el odos el doldingel er tir. “Mei me [kid] bo dosiik a llomes e diak el bai le klisiich,” ng millekoi a Sister Snow, “e [kid] a mo ng mai a klisiich el [kid] a ngar er ngii a llemesed el mo ousbech.”6
© 2012 lokiu a Intellectual Reserve, Inc. Urrekodel a rokui el klisiich. Milluches er a USA. Kengei er a English: 6/11. Kengei er a oidel: 6/11. Oidel a Visiting Teaching Message, June 2012. Palauan. 10366 881