Mulwol ni Ngan Thapeg ni Ngan Nang, June 2012

Visiting Teaching— Ba Murwel nib Thothup

Mu fil e re n’ey, ma rogon nib mangil, mag weliy ko boech e walagey nib ppin ni gabe guy. Mu murwel ko pi duwer ni nge ayuweg nem ni nge gel nag e pi walagem nib ppin man fal’eg fare Relief Society e bang ko yafas rom nib mangil.

Mich,Tabinaew, Ayuw

Gadad e cha’ nima yani nang salpen beee’, ma bay ma muruwel rodad nib thothup ni ngad rrin’ed. “Fare bisof, nikan yibliy ni ir e shepherd ko fare ward, e dabyog ni nge yaliy gubin e saaf rok Somoel ta’abiyay. Be pagan’ ngak e pi cha’ nima yani nang salpen be’ ni ngar ayuweged.”¹ Gay meyog e yi’iy ko mini’ e ngan pii’ ngak ni nge yaliy e walagey nib ppin e ba tu’uf.

Thogthog e ma tabab ni memba ko Relief Society presidency ni ngam weliyed u fithik e meybil e tin nib tu’uf ko gidii’ nge tabinaew. Me arame, bisof nike aprov nag, ma Relief Society presidency e ma pi’ e n’en ni ngag rrin’ ko rogon ni ra awuweg e pi walagey nib ppin ni ngar nangfan ned ni visiting teaching e ba murwel nib thothup nib ga’ fan.²

Pi cha’ nima yani nang salpen bee’ e yad ra nang mar tu’ufeged walagrad nib piin, mar ayuweged ni nge gel nag e mich rok, man pi’ e ayuw ngak napan nike tu’uf rok. Yad ma gay e thogthog ni nar nanged rogon ni ngar mithmith gaed ko tin nib tu’uf rok e pi sister ni yaed ba yaen i guy.³

“Visiting teaching e ke mang e muruwel rok Somoel napan ni gadad be tiyan’ dad ngak e gidii ko bin ni gadad be sap ko urngin ni yibe yaen ni guy. N’en nib riyul’, visiting teaching e darma m’ay. Ba ga’fan ko kanawo’ ko yafas ko bin ni murwel.”⁴

Ko fapi chep nib thothup

Matthew 22:36–40; John 13:34–35; Alma 37:6–7

Cheppin Rodad

Eliza R. Snow, bin l’agruw e Relief Society general president e ke yoeg ni, “Gube tay ni ofis ko sensey e ba tolang ma ba ofis nib thothup.” Ke fonow pi cha’ nima yani nang salpen bee’ e “ngan sug ko Kan Thothup rok Got, gonop, sobutaen’, nge tu’ufeg” um’on ni yaed ra yaen ni ngar guyed reb e tabinaew ya ngeyog ni ngar guyed mi yad nang e tin nib tu’uf ngorad. Ke ga’ar, “Gara thamiy ni ngam moeg e thin mag gapas nag, ma fa’anra gara pir’eg reb e sister nike ulum, mag feek nga gumircha’em ni rogon ni gara rrin’ ngak fakam ni ngam pi’ e gowal [ngak].”⁵

Napan ni gadad ra yaen u fithik e mich ni boed rogon nike rrin’ e sister ko Relief Society kafram, ma bay fare Kan ni Thothup rodad ma ra yib e thogthog ngodad ni ngad nanged rogon ni ngad ayuweged walagdad nib piinni gadad be guy. “[Ngad] gayed e gonop ko bin ni gelngiy,” Sister Snow nibe non, “ma [gadad] ra yib gelngiy [ngodad] ni nge yib e gonop ni ngan murwel ngay.”⁶

© 2012 ko Intellectual Reserve, Inc. Gubin ni mat’won ma bay. Nni yoloey u Mariken. Kan micheg nag ko thin nu Ngalis: 6/11. Micheg nag i pilyeg: 6/11. Pilyeg ko Visiting Teaching Message, June 2012. Yapese. 10366 905