Agtutubo

Iti Tengnga ti Panagsaganam para iti Mision

Ibagbaga ni Presidente Uchtdorf kadagiti misionario a panunotenda ti bagbagida a kas addada iti tengnga ti misionda. Mabalinyo met a yaplikar daytoy a kapanunotan iti panagsaganayo iti mision: no agtawenka iti 12 wenno 18, mabalinmo ti agsagana nga agserbi iti mision.

Ania dagiti sumagmamano a banag a mabalinyo nga aramiden “iti tengnga” ti panagsaganayo iti mision?

Kanayon a maikarika a dumar-ay iti templo.
Sursuruem ti mangbigbig kadagiti parikna manipud iti Espiritu Santo babaen ti panangisuratmo kadagiti naiparikna kenka ken panagtignaymo kadagitoy.
Ikararagam dagiti misionario.
Saludsodem kadagiti misionario iti lugaryo no ania ti maisingasingda kenka nga aramidem iti panagsaganam nga agserbi iti mision.
Sursuruem ti mangimaton iti orasmo a sisasamay, agraman kadagiti napapateg nga aramiden kas koma iti panagserbi, panagadal iti nasantuan a kasuratan, ken panagsurat iti diurnal.
No makisarsaritaka iti maysa a miembro ti pamilia, mangibinglayka iti maysa a nasantuan a kasuratan a nangparegta kenka itay kallabes. Ilawlawagmo no ania ti panagkunam maipapan iti nasantuan a kasuratan.
Saludsodem kadagiti gagayyemmo maipapan iti relihionda ken no ania ti patienda. Agtallugodka a mangibinglay kadagiti pammatim. Awisem ida iti simbaan wenno kadagiti aktibidad.

No mabigbigmo nga addaka iti tengnga ti panagsaganam iti mision, makapagbiagka nga ad-adda pay a maikari iti panagtalek ti Apo ken panangkadkadua ti Espiritu.