Mwet Fuhsr

Ke Infulwen Ahkoo Lowos nuh ke Misin se

Prestuhn Uchtdorf el fahk nuh sin misineri an in nuhnkuh kaclos tuh elo oasr ke infulwen misin lalos an. Kowos kuh pac in orekmakihn nuhnak se inge nuh ke ahkoo lowos nuh ke misin an: finne kowos yac 12 kuh 18, kowos kuh in ahkoo nuh ke kuhlwacnsapuh misin se.

Meac kuhtuh ma kowos kuh in oruh “ke infulwacn” ahkoo lowos ke misin uh?

• Nwacsnwacs pacl nuh kwewa kowos in kuh in utyak nuh ke tempuhl.

• Luti ke akihlenyacn oruh luhn Nguhn Muhtahl ke sihmihsyacn ma ingacn ac orekma nuh kac.

• Pruhe ke misineri an.

• Siyuck sin misineri ke acn suwos an meac elos kuh in kahsrwe kowos kac in oruh ke ahkoeyacn kuhlwacnsap ke misin se.

• Luti in kuh in nahwuh pacl lowos in oasr srihpac, pa mukwikwi yohk srihpac an suc sie pa kuhlwacnsap, luti ma suhmuhslah, ac sihmihs ma sikyak ke pacl nuh kwewa.

• Ke pacl kowos sramsram nuh sin mwet ke sucu lowos an, akacsruhi ke ma suhmuhslah se ma moklwe kowos ke pacl fototo somlah an. Ahkuhtweyac nuh selos nuhnak lowos ke ma suhmuhslah sacn.

• Siyuck sin kawuck lowos an ke alu lalos an ac luhlahlfongi lalos kac an. Inse muhlahlah in akacsruhi ke luhlahlfongi lowos an. Ngihsraclos nuh ke alu kuh mukwikwi an.

Ke kowos akihlen lah kowos oasr ke infulwen ahkoo lowos nuh ke misin an, kowos kuh in moulkihn moul lowos an in nwacsnwacs nuh ke luhlahlfongi luhn Leum ac Nguhn Muhtahl in wi kowos.