2012
Ahkkahlwemye Mwet Tuhma Lutlut Lasr ke Luhngse ac Kuhlwacnsap
July 2012

Pweng ke Forfor Luti, Julahe 2012

Ahkkahlwemye Mwet Tuhma Lutlut Lasr ke Luhngse ac Kuhlwacnsap

Lutlutkihn kuhfa inge, ac ke pacl fal, sramsramkihn yurin tahmtahel ma kowos muhtwacta nuh yohroh an. Orekmakihn kihsen siyuck an in kahsrwe kowos ahkkweye tahmtahel wiyowos an ac in orwaclah ip fokoko se ke U luhn Muhtwacn in Kahsruh ke moul lowos sifacna an.

Luhlahlfongi, Sucu, Kahsruh

Ke lusen moul Lal facluh ah, Jisus Kraist El ahkkahlwemye luhngse Lal ke mwet sahyac an ke luti nuh selos. “Kowos fin luhngse sie sin sie, na mwet nuh kwewa ac fah etuh lah kowos mwet tumuk lutlut” (John 13:35). El oakiyac srihkasrak sac ac El kena tuh kuht in kahsrwelos suc enenuh kahsruh lasr (liyeMosiah 4:16). El pahngon mwet tuhma lutlut in weluhl orekma ke luti lal, sang pacl wo lalos in kuhlwacnsapuh mwet sahyac an ac kapkapwack oacna El.1

Kuhlwacnsap lasr ke forfor luti fah apkuhran in oacna luti luhn Mwet Lahngo lasr ke kuht ahkkahlwemye luhngse lasr nuh selos suc kuht forfor luti ke oreyacn ma inge:2

  • Esamyac inelos ac inen mwet ke sucu an ac etwacloslac in wo.

  • Luhngse elos ac tiac nuhnuhnkwaclos.

  • Karuhnguhnuhlosyang ac ahkkweye luhlahlfongi lalos an “kais sie” oacna ke Mwet Lahngo El orwaclah (3 Nephi 11:15).

  • Kawuckyak na pwacye nuh selos ac muhtwacta yohrohlos in lohm selos kuh oacna sie acn.

  • Lohacng nuh sin kais sie tahmtahel an. Esamyac lwen isuslac lalos an, lwen in srolah an, lwen in macruht an, kuh kuhtwena pacl yohk srihpac nuh selos an.

  • Ahsroelah poum nuh sin mempucr sasuc ac mempucr suhkwac wi mukwikwi an.

  • Ahsroelah poum nuh selos suc muhkahimtacl kuh elos suc enenuh ahkkweye.

Ke Ma Suhmuhslah uh

3 Nephi 11; Moroni 6:4; Doctrine and Covenants 20:47

Ke Sramsram Mahtuh Lasr

“Ke Wuhlweacng Sasuc an oasr loac ma nuh sin muhtwacn, oasr ine kuh wacngihn, suc oruh luhlahlfongi la ke Jisus Kraist. … Muhtwacn inge eklac mwet tuhma lutlut pihsrlac. … [Elos] fuhfahsryucsr wi Jisus ac Mwet Tuhma Lutlut Singucul luo. Elos sang ma lalos in kahsruh orekma Lal. Tukun misac ac moulyak Lal, [elos] tahfwelah in mwet tuhma lutlut luhlahlfongi yohk.”3

Paul el suhmuhslah ke sie muhtwacn ine pa Phebe, suc tuh mwet kuhlwacnsap se luhn alu uh (liye Mwet Rom 16:1). El siyuck mwet ah in “kahsrwel ke kuhtwena enenuh lal suwos: tuh el kuhlwacng nuh sin mwet pucspucs” (Mwet Rom 16:2). “Kain kuhlwacnsap oreklac sel Phebe ac kuhtuh muhtwacn sahyac ke Wuhlweacng Sasuc an tuhtahflah na sin mwet kol ke Rilif Sosaiti—, mwet forfor luti, ninac, ac kuhtuh pac sahyac—suc oacna mwet kahsruh, nuh sin mwet na puhs.”4

© 2012 sel Intellectual Reserve, Inc. Kuh ac suwohs nuh kwewa fihliyucki. Sihmlac fin acn USA. Ahkkweyeyucklac ke kahs English: 6/11. Ahkkweyeyucklac ke lweng: 6/11. Lwenglah luhn Visiting Teaching Message, July 2012. Kosraean. 10367 868

Mwe kahsruh

  1. Liye Daughters in My Kingdom: The History and Work of Relief Society (2011), 105.

  2. Liye Handbook 2: Administering the Church (2010), 3.2.3.

  3. Daughters in My Kingdom, 3.

  4. Daughters in My Kingdom, 6.

Meac Nga Kuh In Oruh Uh?

  1. Ngwac ahkyohkyelihk fuhkah kuhiyuck in karihngihn mwet sahyac uh?

  2. Meac ngwac oruh in ahkpwacyei lah tahmtahel nga karihngihn uh in etuh lah nga luhngse elos?

Print