iVaqa ni Veisiko, Julai 2012
Vakaraitaki ni Noda Bula Vakatisaipeli ena Loloma kei na Veiqaravi
Wilika ka masulaka na itukutuku oqo, me vaka e gadrevi, mo veivosakitaka kei ira na marama o sikova. Vakayagataka na taro me vukei iko mo vaqaqacotaki ira kina na marama oqo me yaco na iSoqosoqo ni Veivukei me dua na tiki bulabula ni nomu bula vakai iko.
Vakabauta, Matavuvale, Veivukei
Ena dela ni Nona bula taucoko vakatamata, a vakaraitaka na Nona Lomani ira tale eso o Jisu Karisito ena nona qaravi ira. “A ka oqo era na kila kina na tamata kecega ni dou sa noqu tisaipeli, kevaka dou sa veilomani” (Joni 13:35). E ivakaraitaki veikeda ka vinakati keda me da “vukei ira era sa leqa tu” (Mosaia 4:16). A kacivi ira na Nona tisaipeli me ra veiqaravi kei Koya ena nona ilesilesi, ka solia vei ira na madigi me ra qaravi ira tale eso ka yaco me ra vakataki Koya vakalevu cake kina.1
Ena ivakaraitaki vinaka sara ga ni nona ilesilesi na iVakabula na noda veiqaravi vaka dauveisiko ena noda vakaraitaka na noda lomani ira eda sikovi ira ena vakayacori ni veika oqo:2
-
Nanuma na yacadra kei na yacadra o ira na nodra lewe ni matavuvale ka veimaliwai vinaka yani vata kei ira.
-
Lomani ira ka kakua ni dau vakalewai ira.
-
Vakaraici ira ka vaqaqacotaka “yadudua,” na nodra vakabauta me vaka a vakayacora na iVakabula (3 Nifai 11:15).
-
Bucina kei ira na veitokani e dina, ka sikovi ira ena nodra loma ni veivale se ena veivanua tale eso.
-
Lomani ira vakayadudua na marama. Dau nanuma na tikinisiga ni nodra sucu, tuvaitutu, vakamau, papitaiso se na veisiga tale ka dau vakaibalebale vakalevu vua.
-
Dolele yani vei ira na lewenilotu vou kei ira sa luluqa.
-
Dolele yani vei ira na galili se o ira era gadreva na veikauwaitaki.
Mai na iVolanikalou
Mai na Keda iTukutuku Makawa
“E okati ena Veiyalayalati Vou na kedra itukutuku na marama, ka vakaraitaki na yacadra, vakakina o ira e sega, ka ra dau vakaraitaka na nodra vakabauti Jisu Karisito. … E yaco me ra tisaipeli ivakaraitaki na marama oqo. … [Era] sala vata voli kei Jisu kei ira na Nona iApositolo Le Tinikarua. Era solia na veika sa tu vei ira me ra vukea kina na Nona ilesilesi. Ni oti na Nona mate kei na Nona Tucaketale, [era] tomana tikoga mera nona tisaipeli yalodina.”3
A vola o Paula me baleta e dua na marama na yacana o Fipi, me vaka ni “o koya sa dauqarava nai soqosoqo lewe ni lotu” (Roma 16:1). A kerei ira na tamata me ra “vakacegui koya ena cakacaka kecega dou na yaga kina vua: ni sa dau vukei ira na lewevuqa ko koya” (Roma 16:2). “Na mataqali veiqaravi vata oqori ka vakayacora o Fipi kei ira eso tale na marama qaqa ena Veiyalayalati Vou e sa tomani tiko nikua mai vei ira na lewe ni iSoqosoqo ni Veivukei—iliuliu, dauveisiko, tina, kei ira tale eso—era dau veiqaravi, se dauveivukei, vei ira e lewevuqa.”4
© 2012 mai na Intellectual Reserve, Inc. Dodonu kece e taqomaki. Tabaki e Amerika. Vakadonui me Vakavalagi: 6/11 Vakadonui me vakadewa: 6/11 iVakadewa ni Visiting Teaching Message, July 2012. Fijian. 10367 858