Roronrikirake
Te mwakuri n ibuobuoki n te Tembora
Ngke e koro 17 au ririki, I a moanna n iangoia raoi kanoan au bong aika a na roko, ao I tataro nakon te Tama are i Karawa tera ae I kona ni karaoia bwa n na tauraoi nakon karaoan te mwakuri ni mitinare ao ni karekea te Nakoanibonga ae te Merekitereka. I karekea te namakin bwa I riai ni kabatiaa riki nakou nakon te tembora ibukina bwa ana auti te Uea ao e na riki bwa te tabo are I kona n namakina te kabanea ni kaaniaki iai nakon Tamau are i Karawa.
Aingaia are I katea au kouru ae N na karaoa 1,000 te bwabetito inanon te ririki. I kakoaua te namakin ni kainanoan karaoan te kouru aio; I aki mamatam bwa N na ataia bwa bon aio are I ria ni karaoia. Tamara are i Karawa e kaekaai, ao I a moana nakou nakon te Tampico Tembora ni katoa Kaonobong.
Imwiin are I a tia ni karaoa 500 te bwabetito, I a katea au kouru bwa N na karaoa au kakaae n rongorongoia au utu ake au bakatibu, ao I tangira te kakaae aei n te aro ae e rangi ni bati are I aki kona ni mamatu ibukina bwa I kakaaia aara. I kunea 50 aara ao waniua te roro n rongorongoia ngkoa au utu; I buoka karaoan te mwakuri n te tembora ibukiia ni kabane.
I karaoa ae raka iaon 1,300 te bwabetito, ao e bane au tai n te tieminari, I karekea te Nakoanibonga ae te Merekitereka, ao ngkai I a mwakuri bwa te mitinare ae bwanin au tai, are bon teuana au kouru ae te kabanea ni bubura n te maiu aei.