Rongorongo Man te Moan Beretitentii, Aokati 2012
Ana Wewete te Tia Kamaiu nakon te Mwakuri n Ibuobuoki
Nikabane ake a tia ni kamatea te numera a ataia bwa terana te tenominaita. Ibukiia Aika Itiaki, iai te boto ni iango ae kabuta are e kabaeira ni kabane. Te boto ni iango ae kabuta anne bon te wewete nakoira n tatabemaniira nako are ti karekea bwa te tabe inanon abanuean te Atua ikai iaon te aba.
Ko a tia ni kaairua ni ngurengure ngkana te weewete e roko nakoim? Ke ko butimwaaia ma te karabwarabwa ni katoaa rokon weteam ni karaoa te mwakuri n ibuobuoki nakoia tarim ma mwaanem, n ataakina bwa te Tama are i Karawa e na kakabwaiaia te koraki ake E weteia?
I kantaningaia bwa ti na aki kabua oin raoi te tai are e kakaawaki are ti karekea n te mwakuri n ibuobuoki. Oina raoi, bwa te kouru anne are akea tokina, bon titebo ma are e taekinaki iroun te Uea ao ni kuneaki n te Pearl of Great Price: “Bwa taraia, aio au mwakuri ao mimitongiu—ni kakoroa bukin te aki mamate ao te maiu are akea tokina iroun te aomata.”1
Ti bia ururingnga n aki toki bwa te katabeaki anne ni kaaina ana Ekaretia Iesu Kristo Ibukiia aika Itiaki ni boong aika Kaitira bon tiaki te kamente are uota te karaunano ma bon te kunikai ni karaoan te mwakuri. Tabera, n ikotaki ma kamaiuakira,bon kairakiia tabeman nakon abanuean te Atua are te tiretio.
Man ara anganano ni karaoan te mwakuri n ibuobuoki nakon te Atua, ti na bon aki mena n ana tabo te Cardinal Wolsey n ana karaki Shakespeare. E kabuaa mwaakana imwiin ana mwakuri are e bane iai maiuna nakon ana uea, e bwaebwaeti n nanokaawaki:
Ngkana I beku ibukin te Atua ma tiaki nanou ni koaua
N aron are I riai ni beku ibukin au uea, E naaki karokoai n au ririki
E a tia ni katukai n akea korakorau nakoia au kairiribai.2
Te aeka ni mwakuri n ibuobuoki raa ae tangiria karawa? “Te Uea e kainanoa te nano ao te iango ae tauraoi, ao ake a anga nanoia man ongotaeka a na kana tamaroan te aba are Tion inanon boong aika kaitira.”3
I bae ni iangoa ana taeka Beretitenti John Taylor (1808‒87): “Ngkana ko aki karaoa raoi am beku, te Atua e na bukiniko ibukiia ake ko a tia ni kamaiuia ngke arona bwa ko a tia ni karaoa raoi tabem.”4
N airaon te taura ni kakae ngke kaota otamwaakana ae tamaroa bon maiun Iesu ngke e mwakuri ibuakoia aomata. “I bon mena ibuakomi ake kam mwakuri ibukin,”5 Iesu e katanoata aio ngke E karekea korakoran bwain rabwataia mwauku, te nooraba nakon mataia matakii, te kona n ongo nakon taningaia bonotaninga ao te maiu nakon rabwataia maate.
Ma te karaki ni kaikonaki ibukin te I-Tamaria ae tamaroa, te Mwatita e reireiniira n tangiriia raora n aiaron bon tangirara ibon iroura.6 Ma ana kaeka nakon te tia kairiiri ae kaubwai, E reireiniira bwa tina kanakoa ara bwatauti.7 Ma kamwarekeaia aomata aika 5,000, E reireiniira naba bwa ti na taraa kainanoia tabeman.8 Ao ma te Kabwarabwara iaon te Maunga, E reireiniira bwa ti na ukoukora moa uean te Atua.9
N te Aonaaba ae Boou, te Uea are e a mangauti e katanoata, “Kam atai bwaai ake kam riai ni karaoi inanon au ekaretia; bwa mwakuri ake kam noorai i ni karaoi ao anne ae kam riai naba ni karaoi: bwa te bwai are kam noorai ni karaoi ao anne naba are kam na karaoia.”10
Ti kakabwaiaia tabeman ngkai ti beku inanon nuun “Iesu are te Natareta … are e nakonako ni karaoa ae raoiroi.”11 Te Atua e kakabwaiaira ni kunea te kimareirei ni beku ibukin Tamara are i Karawa ngkai ti beku ibukiia Natina iaon te aonaaba.
© 2012 iroun Intellectual Reserve, Inc. A bane n tauaki mwiin taian kariaia ibukin katootongana. Boretiaki i USA. Kariaiakaki n te Ingiriti: 6/11.Kariaiakaki n rairaki: 6/11. Rairan te First Presidency Message, August 2012. Kiribati. 10368 859
Anga reirei man te Rongorongo Aei
“[Te Uea] e aki kariaira bwa ti na bwaka ngkana ti karaoa raoi tabera. E na karikirakeira riki e ngae ngkana e riaon ara tarena ao ara konabwai. … Bon teuana mai buakon te kabanea n tamaroa ni mwakuri are e kona n roko iroun te aomata” (Ezra Taft Benson, in Teaching, No Greater Call [1999], 20). I iangoa tibwauan te mwakuri ae ko a tia n rinanona ke temanna ae ko ataia ae te Uea e a tia ni karikirakea ana tarena ao ana konabwai. Kaoa te utu n tibwaua tabeua aia konabwai aika tamaroa ngke a tia n kaeka nakon “ana wewete te Tia Kamaiu nakon te beku.”