Ngeasek
Omesiou er a chelsel a Templo
Se er a bol 17 a rekik, ak kulmuchel el mlo meringel el melbedebek er a mo shiorai er ngak, me ak milluluuch el mora Chedam er a Babeluades el olengit me bo kudengei el kmo ngera kirek el remuul me ak mo keldmokl el mo mesiou er a mision e nguu a priesthood er a Melchizedek. Ak mlo melchesuar el kmo ng kirek el di blechoel el mo er a templo le ng blil a Rubak meng basio el kborngii e ak melchesuar el kmeed er a Chedam er a Babeluades.
Ak kulterkeklii er a renguk el mo remuul a 1,000 el techolbechelid er a chelsel a ta el rak. Ak milchesuar el kirek el oterkeklii tia el moktek; me ak ulelsengerenger me bo kudengei el kmo tiaikid a kirek el meruul er ngii. A Chedam er a Babeluades a ulenger er ngak, me ak ulemuchel el mo er a Templo er a Tampico Mexico er a bek el Sabadong.
A uriul er ak ruul a 500 el techolbechelid, e ak kulterkeklii a urerek el mo mesuub er a reksi er a rebeldekek, e kmal mle soak tia el urerek meng dimlak a ietel a medak le kulsiik a ngakl. Ng mle sebechek el metik a 50 el ngakl me a eai el telcheroll er a reksi er a telungalek er ngak; e ulengeseu el meruul a ureor er a templo el kirir.
Ak bai riruul a engelakl er a 1,300 el techolbechelid, e tilobed er a seminary, e ngiluu a Melchizedek Priesthood, me elechang e ak messiou el cherrungel el misionari, el ta er a kot el klou el soak el kudmeklii el tekoi er a klechad er ngak.