Klumech er a First Presidency, Ongeai el buil 2012
Sel Okodongel a Osobel el mo Mesiou
Tirke el rokui el mla mesuub a ochur a medengelii a osisiu el teletael lomak a bek el ochur. A re Santo er a Uriul-klebesei, a ngarngii a osisiu el teletael el omak er kid el mo tang. Tia el osisiu el teletael a okedong el mei er a derta er kid el kirel a ngercheled er a rengedel a Dios el ngara beluulechad.
Ke mengeremrum sel mei okedong er kau? Malechub e ke kongei el oba omereng el saul er a techall el mo mesiou er a rodam me a rodos, le ke medengei el kmo a Chedam er a Babeluades a omekngeltengat er tirke el Ngii a omekedong er tir?
Ak kuureng el kmo ng diak demecheuid er sel ngii a moktek er tia el mekreos el techall el messiou. Sel moktek, el ngii a diak a ulebengelel kedmekill, a di osisiu el lullekoi er ngii a Rubak el de betik er ngii er a Pearl of Great Price el kmo: A Chedam er a Babeluades a mla melekoi el kmo a urerel me a klebkellel—a mo mesterir a klengar el diak bol mad me a diak a ulebengelel klengar.1
Di de blechoel meladk er ngii el kmo tia el kerbai er a klechad er kid el chedal a Ikelesia er a Jesus Kristo er a Uriul-klebesei el Santo a diak dil uchul el klou a rengud e ansing ngbai omail er kid er a ngerachel. A ngercheled, el lobengkel a mo olsobel er kid, a mo omekrael er a rebebil el mo er sel rengedel a Dios el celestial.
Ea de kengei el di moureor el mesiou er a Dios, eng mo diak bo de uaia Cardinal Wolsey er sel cheldechedechal a Shakespeare. El di mlo diak a rokui el klisichel er a klemengetel a klengar er ngii losiou er a king, meng mlo melekoi a kngtil a rengul:
Omko ak milesiou er a Dios er ngak loba di tedobech el blak er reng
El di ua kulsiou er a king er ngak, e Ngii a dimlak er sel temek
Le chitak er mederir a recherreuek.2
Ngera el omessiou a lousbech er a ngii a babeluades? “A Rubak a millekoi el okiu a Profet Joseph Smith el kmo ngousbech er a rengul me a mimokl el uldesuel a chad; e tirkel kongei e bekongesenges a mo menga ungil rodech er a beluu er a Zion er a ika el uriul klebesei.”3
Ak mo chelellakl sel kladk a tekingel a President John Taylor (1808–87): “Alsekum e ng diak mosichii sel urerem el mlokedong el mo meruul er ngii, e ke mo kerioll er a Dios el kirir tirke el mle sebechem el osobelterir a blem kerkikl er a urerem.”4
Ngdi uaia mesisiich el otoel er a klungiaol el klengar er a Jesus el ulmekrael er a rechad. “Ak teloi er kemiu el ngkel mesiou,”5 a Jesus a dilung se er a le bsang a klisichel a chitchut, a osengel a miko, a mechad bol orrenges, e lokisii el me ngar a mla mad.
Ngar sel cheldechedechal a ungil chad er a Samaria, a Mastang a ulsischeklid el mo betik a rengud er a re ngar bita er kid el chad el dil ual kid.6 Ngar sel nger er Ngii el mo er ngkel ngeasek el merau el merreder, Ngii a ulsischeklid el choitii sel reng er kid el di kid el meladk er kid.7 Se er a lokelterir tirke el 5,000, Ngii a ulsischeklid el mo beusech a osenged er a lousbech a rechad.8 E ngar sel Osischakl el ngara Bukl, e Ngii a ulsischeklid er a skel a rengedel a Dios el kot el ngercheled.9
Ngar sel Beches el Beluulechad, a Rubak el mla mekiis er a kodall a millekoi, “Me kemiu a medengei a tekoi el kiriu el meruul er a ikelesia er Ngak; le ureor el bla mosekak el meruul, bo moruul el direk, le aikei el bla mosekak el meruul, aikei chobo meruul.”10
Kede omekngeltengat er a rechad sel dosiou el ngara llechul e “Jesus er a Nazareth … el di mirrael el meruul a ungil.”11 A Dios a omekngeltengat er kid el mo metik a deurreng el mesiou er a Demad er a Babeluades sel dosiou er a Rengelekel el ngara beluulechad.
© 2012 lokiu a Intellectual Reserve, Inc. Urrekodel a rokui el klisiich. Milluches er a USA. Kengei er a English: 6/11. Kengei er a oidel: 6/11. Oidel a First Presidency Message, August 2011. Palauan. 10368 881
Osischeklel tia el Klumech
“[A Rubak]a diak el bechikid me demeterob a de kedmokl a ngercheled. Ngii a mo smisichid el engelakl er sel di klisiched me a duch er kid. … Ng ta er a kmal klebokel tekoi el sebechel a chad el melchesuar” (Ezra Taft Benson, el ngara Teaching, No Greater Call [1999], 20). Molbedebek er a tekoi el soam el ouchais er ngii el kau malechub e ng chad el omodengelii a mlo melchesuar er a Rubak el silisichii a duch me a klisichiu er a ureor. Molengit er a rechedal a telungalek me louchais a ungil el teletael el lomelchesiu er a rengrir se er a lotireklii a “okodongel a Osobel el mo mesiou.”