Klumech er a Oldingel e Olisechakl, Ongeai el buil 2012

Meruul a Ureor er a Taem er a Chelebuul

Mosuub er tia el klumech, e a di lungil, e msodii lobengterir a rodos el moldingel er tir. Mousbech a ike el ker el smisicheterir a rodos e dirrek el rullii a Relief Society meng mo klou a belkul er a klengar kau.

Klaumerang, Telungalek, Ngeso

Sel doldingel el olischakl, a ta er a moktek er kid a melisiich a telungalek me a blai. A rodos el doldinger er tir a kirir el sebechir el dmu el kmo, “Sel ngarngii a chetituokel el tekoi el kchelbangel er ngii,e te ngarngii a roldingel el olischakl el diak longiil el mongit e di odars a ngeso.” Sel dosiou, e ng ngercheled el mo beusech a osenged er a ike el lousbech a rodos el doldingel el tir. Sel dosiik a ulekrael, e ke de mo medengei el kmo nguangera el ngeso er a reng me a tekoi er a beluulechad a sebeched el odars el mora rodos el doldingel er tir. Kede ultuil er a temed, duch er kid, kldachelbid, nglunguuch er a klaumerang, me a ngeso er a reng, eng sebeched el mesiou el ngara beltikerreng er tirke el chemau a chelbuul me a klengit el reng.¹

Ngokiu a report er a roldingel el olischakl, e a roungerachel er a Cheldebechel er a Rolngeseu a medengelterir tirke el ngesool le te chitechut malechub e te smecher, malechub e te chemau a chelbuul, cheroll, kodall, chitechut, sabisi, malechub eng kuk di bebil er a chetituokel el tekoi er e klechad. A merreder er a Cheldebechel er a Rolngeseu a di mochu ouchais er a bisop er a bla bo lodengei el teletael. Meng oltirakl er a omengederderel a bisop, e ng ngorael a ngeso.²

Sel doldingel e olischakl e ng sebechel “klou el uchul … e ke de oldeu a rengud” eleng “klengeltengat el mla mechubel el mei er kid, le kede mla mo dongu el ngara chimal a Dios el kudmeklii tia el klou el ureor” (Alma 26:1, 3).

Ngara Chedaol Llechukl

Mateus 22:37–40 Lukas 10:29–37 Alma 26:1–4 Mesa Doctrine and Covenants 82:18–19

Ngara Reksi er Kid

Se er a uchelel a Ikelesia, e a rechedal a di mle mekesai e dmak er a telkib. A rechedal a mle sebechir el di mle mereched el odars a ngeso el mo er a rengesonges. Chelechal sils a rechedad a mla chengelakl er a 14 million e berrokel er a beluulechad. A oldingel e olischakl a ta er a telengtengil tia el urerel a Rubak el odars a ngeso el mo er a Rengelekel.

“A di tal rolel e a ngeso a sebechel modars el mo er a rechedal a Ikelesia el kmal obdois e di kakerous a teletael er a usbechir a di ultuil er a remessiou el di kmeed er a rengesonges,” ng dilung a President Henry B. Eyring, Kot el Counselor er a First Presidency.

“… A bek el el bisop me a bek el merreder er a branch a ngarngii a merreder er a Cheldebechel er a Rolngeseu el ultuil er ngii,” “Ngultuil er a roldingel e olischakl, el mui el medengei a ike el bek el lousbech a rebek el odos. Ngultuil er tir, e ng sebechel mo medengei a rengrir a rebek el chad me a telungalek. Ng sebechel el odars a ngeso e ngosuir a bisop er a ngerchelel lomtebechel er a rechad me a retelungalek.”³

© 2012 lokiu a Intellectual Reserve, Inc. Urrekodel a rokui el klisiich. Milluches er a USA. Kengei er a English: 6/11. Kengei er a oidel: 6/11. Oidel a Visiting Teaching Message, August 2012. Palauan. 10368 881

Ngera Sebechek el Rullii?

Ngak a kuusbech a sengk me a duch er ngak el omekngeltengat er a rebebil?
Tirkel odos el kuldingel er tir te medengei el kmo ng sebechir el ultuil er ngak er a ike el lousbech.?